Sky – 10 orrialdea – Tropela.eus bloga

UK Postalen erritmora

Armstrong-ek ez du jarraituko EEBBtako antidoping ajentziak irekitako kasuan borrokan. Bertan, US Postal taldean sistematikoki dopina praktikatzen zela esaten da. Berak dioenez, etsita, nik uste azken asteetan bere taldekide izandako Hamilton, Vaughters etabarrek aitortu baitute hau benetan hala izan zela. Beraz, bere garaian irabazitako garaipenak kendu ahal dizkiote, tartean Frantziako 7 Tourrak (idatzi ahalko da honen inguruan aurrerago).

Gogoratzen naiz Uztaileko etapa haiek, non urdinez jantzitako txirrindulari horiek nola dominatzen zuten tropela nahi bezela. Gauzak argitzen ari direla dirudi. Aurten ere antzeko zerbait ikusi dela esango nuke, kasu honetan, elastiko beltzez jantzitako britainiarrak. Izan ere, sailkapen nagusian lehen bi txirrindulariak izan dira, azken 3 etapak ere beraienak (eta Peyreagudes-en bi hauek elkarri begira jarri zirelako, bestela 4), erlojupeko espezialista australiarrek mendatetan emandako maila… Garai haietan bezelaxe, taldeko bigarren liderra, Heras, Espainiako Itzuliak irabazteko gai zen Tour bikainak egin ondoren. Aurten ere antzeko zerbait gerta liteke…
Continue reading “UK Postalen erritmora”

Cancellara ez dut faltan bota

Haizearen mendian orain urte batzuk Juanma Garatek bezalaxe, gaurkoan ere Clarke australiar gazteak etapa garaipena ostu dio Tony Martin erlojupeko espezialista handiari Valdezcaray ski estazioan. Eguneko ihesaldiak amaieraraino iristea lortu duen Espainiako Itzuliko lehen etapa izan da.

Hautagai nagusiei dagokienez, ia guztiak batera iritsi dira, azken mendate hortan mugimendu ugari izan diren arren, gehienbat Contador eta bere taldeak eraginak. Gordeta duen amorrua atera nahian dabil, baina momentuz min handirik egin gabe. Hori bai, Froome ongi itsatsi zaio badaezbada ere. Lider berria Purito Rodriguez, burua hotz, taldekideen laguntzaz aurreko bien saiakerak hutsean utzi dituztelarik. Aurtengoan bai Giro eta bai Vueltan lider kataluinarra, bejondeiola! Gureei begira, Igor Anton eta Beñat Intxaustik denbora galdu dute (bigarrenak kasik 4 minutu) nire harridurarako, eta badirudi aurtengoa ere ez dela izango sailkapen nagusiari begira beraien itzulia. Valverde liderrak bestelako zoria izan du…
Continue reading “Cancellara ez dut faltan bota”

Partaideak, multzoka

Zigorrak, lesioak, Munduko Txapelketarako prestaketa edo txirrindulari gazteenei aukera ematea. Bada arrazoi mordoska, aurtengo Vuelta-ra izen ilustre ugari inguratzeko. Partaidetza aberats hontatik abiatuta, Tropela-ko kideek (azkenaldian ohi dutenez), kiniela mamitsua proposatu digute. Has gaitezen korapiloak askatzen:

HAUTAGAI NAGUSIAK

CONTADOR: Hiru astekoetan balorerik seguroena izan da azken urteetan. Ez dut uste sei hilabeteko etenak, gainditu ezin dezaken oztoporik sortuko dionik. Azkar hartzen du erritmoa, irrikaz eta gosez itzuli beharko litzateke, taldea ere esnatu zaio eta, batez ere, azkenaldian lehen aldiz, denboraz planifikatu ahal izan du bere prestaketa. Lehen astean, defentsan lan egin beharko du, azken astean erasora pasatzeko. Bjarne Riis-ek birritan errepikatu bezela: “Contador-i dagokio faborito nagusiaren txartela”. Continue reading “Partaideak, multzoka”

#68 Tropela.net podcastak: Frantziko Tourra 2012. Azken errepasoa

Frantziako Tourreko azken errepasoa egiten diote podcast honetan Eneko Garate (@egarate), Raul Perez (@raulperezmartin) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Gidoia bete da: Wiggins indartsu etorri da.
– Tourreko sailkapen nagusiko lehen postuei errepasoa.
– Wiggins-Froome: eztabaida?
– Haimar Zubeldiaren maila izan duen lesioa pasa eta gero.
– Cavendish–Sagan: Liquigasekoak konfirmatu du txirrindulari bikaina dela, baina Cavendishen Tour amaieran…
– Voeckler, imintzioak imintzio, tropelako “pestosoena” izanda ere, txirrindulari bikaina.
– Haimarrez gain, Egoi Martinez eta Gorka Izagirre itxura bikaina ematen.
– Tropelan sailkatu diren lehen 3ren kinielak ere begiratu dituzte.

Bigarrenez, Tourreko garaileak ingelesez hitz egiten du

Jada nahiko garbi geratu zen Wigginsek aurtengo Tourra irabaziko zuela. Hala ere, onenek historian egin izan duten moduan, azken erlojuaren kontrako saioa irabazita amaitu du Wigginsek. Eta zein alderekin gainera: 1:16rekin. Bigarren, nola ez, bere taldekidea den Froome.

Bi Skyko liderrak, beraz, lehen bi postuetan. Gaurko erlojuaren kontrako saioarekin Wigginsek lider zergatik izan den erakutsi du, nahiz eta eztabaidarako aukera izan den Froome indartsuago ikusi baitugu mendiko etapetan. Azkenean 3:21eko denbora tartea izanik bien artean, Skyren aukera zuzena izan delakoan naiz aurtengo ibilbidea kontutan izanda. Hurrengo urtean, ordea, gauzak ezberdin izango direlakoan naiz.

Continue reading “Bigarrenez, Tourreko garaileak ingelesez hitz egiten du”