#541 Tropela.eus podcastak: 2022ko Euskal Herriko Itzulia

Inoiz ez gara hain berandu ibili podcast bat grabatzeko. 24 ordu baino gutxiago falta da 2022ko Itzuliari ekiteko eta azken orduetan prestatu dugu saioa. Alde ona, zerrenda ofiziala eskutan izanda osatu dugula saioa.

Podcast honetan Imanol Llucia (@imanolllucia) eta Egoitz Lizaso (@elizaso) bildu dira kinielari errepaso bat emateko. Ea ba gustuko duzuen!

Podcastera harpidetu

#536 Tropela.eus podcastak: 2022ko Paris-Niza

Iazko podiumean Ion Izagirre (COF) izan genuen

Italiatik Frantziara egin dugu salto podcast honetan. 2022ko Paris-Nizaren inguruko podcasta duzue entzungai.

Imanol Llucia (@imanolllucia), Eneko Garate (@egarate) eta Egoitz Lizaso (@elizaso) izan dira solasean podcast honetan, kinielak ere errepasatuz. Ea lagungarri zaizuen!

Podcastera harpidetu

#486 Tropela.eus podcastak: 2021eko Italiako Giroa errepasoa – 18. etapa

Bettiolek (EFN) Giroko 18. etapa poltsikoratu du

Aurreko podcastean esandakoaren kontra, 2021eko Italiako Giroko 18. etapa honetan ihesaldian izan da garailea. Gainera errenta handia lortu dute tropelak patxadaz hartu baitu. Aurrean indartsuena etapa garaipena lortzeko Bettiol (EFN) izan da. Sailkapen nagusian aldaketarik ez eta Bernalek (IGD) jarraitzen du lider.

Gaurko etapak emandakoa eta bihar eman dezakeenaren ingurukoak bildu ditu Iban Perezek (@piban) podcast berri honetan.

2021eko Munduko Txapelketak Bilbon jokatuko dira [inozentada]

2020ko Vuelta San Mamesen (argazkia: El Correo)

Tropelak jakin berri duenez, hurrengo urteko Munduko Txapelketak Bilbon jokatuko dira. 1997an Donostian ospatu ondoren, 24 urte beranduago euskal errepideetara itzuliko da ekitaldia. Juan Mari Aburto gaur eguerdian agerraldia egitekotan da Julian Erasorekin batera, OCETAko presidentearekin, prentsa ohar bidez jakin dugunez.

Izan ere, txapelketen antolakuntzaren ardura OCETAk bere gain hartuko du. “UCIk badaki mundu mailako antolakuntzarik onena gurea dela, batez ere ardo eta pintxo kontuetan!” kontatzen zigun Julianek algaraka. “Serio jarrita, badakizue nola hurrengo urtean Itzulia Basque Country eta Clásica San Sebastian Regionez gain, maiatzean Itzulia Woman ere antolatzekoak garela, emakumezkoen World Tour mailako hiru eguneko lasterketa” azaltzen digu Julianek, aitortuz helduen ingeleseko klaseak hartzen ari dela lasterketen izenak egoki esateko. “Hiru ala lau lasterketa antolatu, kasik berdin kostako zaigu!” dio Julianek. “Webgunea ere laster izango dugu prest. Badakizue, bisualagoa eta informazio garrantzitsuarekin, hau da, egun ditugun webguneak bezain onak” baieztatzen digu.

Jakitun zareten moduan, Bilbok Tourraren irteera hiri izateko asmoak ez dira ezezagunak. Hori dela eta, txapelketak antolatzea bitarteko pausu moduan beharrezkoa dela aipatzen digute udaletik. “Ez dago zalantzarik esperiantzia handiko lantaldea duela OCETAk eta esku onetan uzten dugula ekitaldiaren ardura” aipatzen digu udaleko ordezkariak. “Oso present dugu Sergio Padillari gertatu zitzaiona eta horregatik rotaflexak erosteko partida berezi bat gehitu dugu aurrekontuan” ziurtatu digute.

Ibilbidearen informazio zehatzak – GPS tracking eta abarrak – gaur bertan argitaratuko duten webgunean ikusgai izango direla bermatzen digute. Hori bai, oraindik ez dago argi webgunearen izena zein izango den, zalantzan baitira “campeonatosdelmundoBilbao2021.es” edo “GreatBilbao2021RoadWorldChampionship.eus” domeinuen artean. Hau guztia gaur bertan jakingo dugu.

#392 Tropela.eus podcastak: Iñigo Sarriegui medikuarekin COVID-19 eta txirrindularitza mintzagai

Podcast honetan Iñigo Sarriegui beasaindarra elkarrizketatu dute Eneko Garate (@egarate), Imanol Llucia (@imanolllucia) eta Egoitz Lizasok (@elizaso). Iñigo aurreko urteetan SKY eta ondoren INEOS izan den taldean aritu da. Berarekin bizi dugun egoeraren inguruan solasean aritu gara.