Euskara, teknologia eta txirrindularitza
Estreinekoz gizonezkoen UAEko Tourra gehitu dugu gure egutegian. Denboraldi berezi hau, horrenbestez, lehenago abiatuko dugu 2025 honetan.
Podcast honetan Iban Perez (@piban) eta Egoitz Lizaso (@elizaso) bildu dira bai Tropelaren inguruko berriak zein UAEko Tourreko kiniela aipatzeko. Espero dugu podcast hau ere gustuko izatea!
Tropelak jakin berri duenez, 2026an Itzuliak eta Vueltak bat egingo dute. Guillenen esanetan, “nabarmen geratu da benetako txirrindularitza afizioa Euskal Herrian dagoela” eta zentzu gutxi ikusten zioten tropela Andaluzia aldetik pasarazteari. Hain animo eta jende gutxi izanda, ez da harritzekoa.
Horren erakusgarri, 2025ko edizioan izan den ibilbide aldaketa da. “Itzuliako arduradunekin hitz eginda, 2025eko ibilbidea lehen urrats moduan gauzatzea adostu genuen” diosku Guillenek. Dakizuen moduan, Madril eta Atlantiar itsaso artean izango da hurrengo urteko ibilbidea, nahiz eta Italiako iparraldean ere izango den.
Itzuliaren partetik, berriz, Riañorekin hitz egitea izango dugu. Bere esanetan “ardura hartu berritan zerbait berritzailea egin nahi nuen eta Guillenenik Burgosen izandako bazkari batean indarrak batze egokiena litzatekeela pentsatu genuen”. “Gainera, badakizue ze lan suposatzen duen ibilbidea prestatu eta GPS trackingak egitea? Horrela ardura horiek Guillenek izango du!” zioskun algara artean.
Horrenbestez, ibilbidea Euskal Herriko errepideetan barne izango da 21. etapa izan ezik: hau Burgosetik abiatu eta Madrilen amaituko da.
Izana ere aldatuko diote lasterketari: Basque Country of Vuelta. “Bestela nola jakingo dute ba erabiltzaileek zein helbide sartu nabigatzailean? Izena oso garbi genuen” ziurtatzen zen Riañok.
Ibilbidearen xehetasun gehiagorik ez dugu jakiterik izan, baina lasai egoteko esan digu Riañok, “hori hurrengo bazkarietan adosten joango gara Guillenekin” esan digu lasaigarri modura.
Peio Goikoetxea, txirrindulari profesional ohia eta egun Laboral Kutxa taldeko zuzendari. Elkarrizketa honetan kontatzen digu nola txikitatik txirrindulari izateko ametsa zuen, eta betetzea ere lortu zuela. Hori bai, ibilbide nekeza izan du elkarrizketan ikusiko duzuen moduan.
Edozein kasutan, erronka berri bati ekin dio Laboral Kutxako zuzenderi moduan. Izan ere Frantziako Tourra bera ere lehiatzen aritzeko gonbidapena jaso zuten 2024ean.
Txirrindularitza aldatzen ari dela ere aipatzen digu Peiok, batez ere emakumezkoen kasuan. Eta animatzen ditu emakumezkoak txirrindularitzari ekitera, berak dioen moduan, orain arte ez bezala, bizimodua aurrera ateratzeko helburu bat izan badagoelako.
Eneritz Vadillo egun Laboral Kutxa taldean aritzen den txirrindularirik gazteenetako bat da. 2024ko Etorkizuneko Tourrean podiumeko postuetan amaiatu du. Bideo honetan bere hastapenak kontatzen dizkigu Eneritzek.
Larunbat honetan, abuztuaren 17an abiatuko da 2024ko Espainiako Vuelta Lisboatik.
Podcast honetan Lander Garro (@landergarro) eta Egoitz Lizaso (@elizaso) kideak batu dira Egoi Martinezi (@egoimartinez78) Vueltari lotutako elkarrizketa interesgarri bat egiteko. Ondoren, nola ez, kinielari errepasoa egiten diote. Espero dugu podcast hau ere gustuko izatea!