Euskara, teknologia eta txirrindularitza
Hurrengo asteburuan Albaniatik abiatuko da 2025eko Italiako Giroa eta lehen itzuli handia izanik, podcast hau grabatzea ezinbestekoa zen.
Kinielari errepasoa egiteko Iker Gomez Finisher taldeko txirrindularia gonbidatu dugu. Altsasuarrak bikain ekin dio denboraldiari. Landerrek (@landergarro) eta Egoitzek (@elizaso) elkarrizketatxo bat egin ondoren, hiruren artean kiniela osatu dute. Ea egindako analisiak laguntzen dizuen!
Igande honetan abiatuko da 2025eko Tropelako lehen itzulia: Paris-Niza.
Podcast honetan Lander Garro (@landergarro) eta Egoitz Lizaso (@elizaso) ohiko solaskideez gain, Eñaut Urkaregi txirrindulari gaztea izan dugu gonbidatu gisa. Bertan Eñauten txirrindularitza ibilbideaz eta etorkizunaz aritzeaz gain, Paris-Nizako kiniela repasatu dugu. Zabaldu mezua!
Nahasmen eta saltsa handia sortu da Uijtdebroeks belgiar txirrindulariarekin bere etorkizuna dela eta. Boraren X sare sozialean belgiarrak kontratua duela 2024ean ere taldearekin eta bertan jarraituko duela, fitxatu berri duten Roglic-ekin batera. Aldiz, Visma taldeak sare sozial berean kolore hori-beltzekin arituko zela zioten. Pentsa, tentsioak baretze aldera, UCIk berak ere komunikatu ofizial bat argitaratu beharrean aurkitu zela.
Urtea ez da oraindik amaitu eta affair hau ere ez. Tropelakook Uijtdebroeks-ekin egin dugu topo Labraza herrian, araban. Mutila Orbea bizikleta batekin zebilen eta buruan Euskaltel-Euskadiko kaskoarekin, nahiz eta oraindik jantzia Borakoa zuen.
Galderak egiten hasita, bere amona Labrazakoa dela esan zigun eta beti izan duela Euskal Herriarekiko horrelako maitasun bat. “Txikitan hemen izaten nintzen Labrazako maldetan bizikletan gora eta behera” kontatzen zigun farrez eta gogoan dituela Euskaltel-ek lortutako hainbat garaipen gogoangarri, eta horregatik egiten zuela beti amets talde laranjan aritzearekin.
Guk gure harridura erakutsi diogu izan ere Euskaltel-Euskadira joanda WorldTour mailatik kanpoko talde batean aritzea suposatzen du. Cianen esanetan, ordea, horrek motibazio bikoitza eragiten diola. “Asko hitz egin nuen Boran Sergio Higuitarekin Euskaltelez, bera bertan izan baitzen, eta asko gozatu zuela esaten zidan. Nik enbidiaz entzuten nion, noski, berak ere bai baitzeukan nire sustraien berri. Baina horrela, seguru naiz mailaz igotzen lagunduko dudala eta garaipen gogoangarriak eman”.
Zorionik onenak opa genizkion eta elkar agurtu genuen, arabako herririk txikiena atzean utziz. Laster izango dira, beraz, azkenean Uijtdebroeks 2024ean laranjaz jantzita ikusiko dugunaren baieztapen ofizialak. Adi izan!
Imanol Lluciak gidatuta, entzungai duzue Erlojupekoaren 5. saioaren “bis” hau. Izan ere Idoia Erasori (LKF) egindako elkarrizketak aurreko audioan behar zukeen. Edonola ere, hemen duzue galdu ezin duzuen elkarrizketa berri hau.
Espero bezala, gaurkoan etapa garaipena eta horrenbestez 2021eko Vuelta Roglicek (TVJ) eraman ditu. Beste behin etapa garaipena kendu dio eslovakiarrak Corti (EFN) gaur bigarren denborarik onena lortu duen txirrindulari eta Vueltako protagonistetako bati. Horrenbestez, Roglicek beste Vuelta bat poltsikoratu du Mas (MOV) eta Haigen (TBV) aurretik. Ineoseko lehena Yates (IGD) izan da eta podiumeko atarian geratu da ez baita gauza izan Haigekiko zuen minutuko atzerapena berreskuratzeko gaurko saioan. Gazterik onena Mäder (TBV) izan da, mendiko saria Storerrek (DSM) eraman du eta erregulartasunarena Jakobsenek (DQT). Taldekakoan, errepidean erakutsi moduan, Bahrainek eraman du. Euskaldunik onena Ion Izagirre (APT) izan da.
Gaurko etapak emandakoak eta Tropelan jasotako puntuei errepasoa ematen die Egoitz Lizasok (@elizaso) Vuelta honetako azken podcast honetan.