#530 Tropela.eus podcastak: 2021eko Espainiako Vuelta. Errepasoa – 21. etapa

Roglicek (TJV) nagusitasun handiz eskuratu du 2021eko Vuelta

Espero bezala, gaurkoan etapa garaipena eta horrenbestez 2021eko Vuelta Roglicek (TVJ) eraman ditu. Beste behin etapa garaipena kendu dio eslovakiarrak Corti (EFN) gaur bigarren denborarik onena lortu duen txirrindulari eta Vueltako protagonistetako bati. Horrenbestez, Roglicek beste Vuelta bat poltsikoratu du Mas (MOV) eta Haigen (TBV) aurretik. Ineoseko lehena Yates (IGD) izan da eta podiumeko atarian geratu da ez baita gauza izan Haigekiko zuen minutuko atzerapena berreskuratzeko gaurko saioan. Gazterik onena Mäder (TBV) izan da, mendiko saria Storerrek (DSM) eraman du eta erregulartasunarena Jakobsenek (DQT). Taldekakoan, errepidean erakutsi moduan, Bahrainek eraman du. Euskaldunik onena Ion Izagirre (APT) izan da.

Gaurko etapak emandakoak eta Tropelan jasotako puntuei errepasoa ematen die Egoitz Lizasok (@elizaso) Vuelta honetako azken podcast honetan.

Podcastera harpidetu

#529 Tropela.eus podcastak: 2021eko Espainiako Vuelta. Errepasoa – 20. etapa

Champoussinek (ACT) etapa garaipena lortu du saio ikusgarri batean

Espero bezala ihesaldia osatu da, batez ere DSMek mendiko maillota ziurtatu nahi zuelako. Azkenean Storer-ek (DSM) irabaziko du edizio honetan. Ihesaldi horretan bertan zen gaurko etapa garailean, Champoussin (ACT). Hala ere meritu handiko garaipena frantziarrak lortu duena, izan ere faboritoen tropeltxoa lasterketa buruan zela atzetik aurrera egin azken bi kilometroetan eta garaipena lortu du. Sailkapen nagusian aldaketarik aipagarriena Miguel Angel Lopezek (MOV), etapa garaipena lortuta eta podium postuetan zela, faboritoen tropeltxotik moztuta geratu eta denbora asko galtzen ari zela ikusita, lasterketa uztea erabaki du. Zeresan handia emango du oraindik ere bere erabakiak. Haig (TBV) da orain podium postuetan eta bihar lehia ikus dezakegu Yates (IGD) eta bere artean. Maillot zuriak ere jabe berria du Bernal (IGD) Lopezen taldean baitzen eta Mäder (TJV) faboritoekin, denbora tarte nahikoarekin zuria eskuratzeko. Lider sendo, aldiz, Roglicek (TJV) jarraitzen du, gainera biharko erlojupeko faborito delarik.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#527 Tropela.eus podcastak: 2021eko Espainiako Vuelta. Errepasoa – 18. etapa

Lopezek (MOV) lortu du azkenean talde urdinak horrenbeste desiratze zuen etapa garaipena

Azkenean lortu du garaipena Movistarrek Vuelta honetan. Miguel Angel Lopez (MOV) lortu du azken igoeran erasoa jota etapa garaipena. Aipatzekoa gaurkoan ere Storer (DSM) protagonista izan dela, eta etapa garaipenaren lehian sartu ez bada ere, behintzat mendiko maillotaren lehian maillota janztea lortu du gaurkoan. Sailkapen nagusian aldaketa nabarmenik ez Guillaume Martinek (COF) postuak galtzeaz gain, eta Roglicek (TJV) jarraitzen du lider.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#519 Tropela.eus podcastak: 2021eko Espainiako Vuelta. Errepasoa – 10. etapa

Storer-ek (DSM) bigarren etapa garaipena berriro ere ihesaldian indartsuena izanda

Ihesaldi mardulak bide eginda, eta akaso tropel nagusiari denbora tarteak eskuetatik joanda, gaur ere ihesaldian izan den Storer (DSM) australiar gazteak etapa garaipena lortu du. Sailkapen nagusikoen artean ere lehia izan da Roglicek (TJV) berak erasoa jota, nahiz eta gero lurrera ere erori den. Edozein kasutan, faboritoen artean denbora tarteak izan badira ere, ihesaldian zen Eikingek (IWG) jantzi du maillot gorria. Ezin aipatu gabe utzi Alex Aranburu (APT) eta Julen Amezketa (CJR) ihesaldian izan ditugun euskal ordezkariak izan direla.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#516 Tropela.eus podcastak: 2021eko Espainiako Vuelta. Errepasoa – 7. etapa

Storer (DSM) australiar gazteak irabazi du Vueltako lehen eta menditsua

Gaur jokatu da Vueltako 7. etapa, sailkapen nagusiko gizonentzat lehen etapa “serioa”. Bertan ihesaldiak bide egin du eta Storer (DSM) gazteak lortu du meritu osoz etapa garaipena. Ihesaldi mardulean sailkapen nagusian lidergoa hartzeko aukera zute txirrindulariak ziren, tartean Großschartner (BOH), baina Jumbok lana ondo egin eta Roglicek (TJV) gorriari eusten dio. Bajei dagokionez, besteak beste, gaurkoan Carthyk (EFN, %84,1ak du Tropelan) eta Valverdek (MOV, %12,3ak du Tropelan), azken honek eroriko baten ondorioz. Biak ala biak Hautagaiak multzoan genituen.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu