#344 Tropela.eus podcastak: 2019ko Frantziako Tourra errepasoak – 3. etapa

Gaur jokatu da Frantziako Tourreko 3. etapa eta erakustaldia eman duena Alaphilippe (DQT) izan da. Txirrindulari frantziarrak, ihesaldiko protagonista nagusia izan den Wellens (LTS) harrapatzeko gauza izan da. Baina ez hori bakarrik, aurrera egin eta tropel nagusiari nahikoa errenta atera dio etapa garaipenaz gain maillot horia ere janzteko.

Hau guztia eta gehiago kontatzen du Egoitz Lizasok (@elizaso) podcast honetan, baita biharko etapak eman dezakeenaren iritzia ere.

Zergatik dituzte Rojas, Amador eta Oliveirak 35 puntu atzoko etapan?

Rojas lider jantzi zuten uneaAtzoko etapan Movistarrek taldekako erlojupekoa irabazi zuen. 8 kideak iritsi ziren helmugara batera eta aurreko eguneko postuek kontutan izanda, Rojas jarri jantzi zuten liderraren maillotaz. Telebistan ere irudi hori eman zuten, baina epaileek Rojas, Amador eta Oliveira zigortzea erabaki zuten. Epaileen aburuz Rojasek, pistan ikusi izan dugun moduan, eskuz bultza eta laguntza eman zien etapan zehar bere bi kideei eta jokabide hau arauz kanpokoa dela iritzi zuten epaileek. Ondorioz 3 minutuko zigorra ezarri zieten hiru txirrindulariei.

Movistar taldea Voltako 2. etapan helmugaratzenHonek eragina zuzena izan du sailkapen nagusian. Lider moduan janzten Rojas ikusi bagenuen ere, zigorraren ondoren, Valverdek eramango du gaur soinean eta murtziarra izango da liderra. Baina etapako sailkapenean ez du eraginik zigorrak.

Taldekako erlojuaren saioetan taldeak dira sailkapenetan agertzen direnak. Atzoko sailkapenean Movistar izan zen garailea, atzetik BMC eta ondoren SKY. Gure puntuazio sistemaren oinarria talde horretako kide guztiei puntuak ematea da, nahiz eta beranduago helmugaratu etapan bertan – hori da ezinbestekoa puntuak jasotzeko, etapa amaitzea. Zergatik? Garbi dugulako kide guztien lanari esker lortzen duela taldeak emaitza eta ez soilik denbora markatzeko behar diren txirrindularien lanari esker. Horrenbestez, atzoko kasura bueltatuz, nahiz eta Rojas, Amador eta Oliveirak zigorra jaso, talde irabazleko kide izateagatik dagozkien 35 puntuak zuzenak direla baieztatzen dizuegu.

Laboral Kutxa Sariak Itzulian

Laboral Kutxa SariaItzulia amaitzearekin batera, badakigu aurtengo Itzuliako Laboral Kutxako Sarietan podiuma osatu dutenak:

1. postuan: gemag. Berarentzat izango da Orbea bizikleta zoragarri bat. Gainera Laboral Kutxako bezeroa bada 150€ Forum Sportean gastatzeko izango ditu.

2. postuan: Glezjaimerena. HP akzio kamera zoragarri bat eta Laboral Kutxaren ekipoazioa irabazi ditu. Gainera Laboral Kutxako bezeroa bada 100€ Forum Sportean gastatzeko izango ditu.

3. postuan: ibaibengoa. HP akzio kamera zoragarri bat irabazi du. Gainera Laboral Kutxako bezeroa bada 100€ Forum Sportean gastatzeko izango ditu.

Etapetako irabazleak ere izan ditugu eta hauek Luxuzko Gregario bihurtuko ditugu urtebetez: WouterWeylandt, Mikhoyan, gemag, ibaibengoa, zuhaitze eta tevez.

Hauetaz gain, 3 HP akzio kameren zozketaren berri ematea geratzen da. Laster emango dizuegu horren berri, beraz, adi!

Zorionak irabazle guztiei eta esan Laboral Kutxa bera jarriko dela zuekin harremanetan.

Gogoratu hurrengo Laboral Kutxa Saria Giroan izango dugula.

Gure aldetik Laboral Kutxari eskerrak ematea dagokigu Tropelaren proiektuari ematen dion babesagatik.

2015ean ere Tropela eta Laboral Kutxa elkarlanean!!

Laboral Kutxa SariaAurtengo denboraldian ere Tropela eta Laboral Kutxa elkarlanean izango gara. Esango dugu iaz baino estuagoa izango dela izan ere Laboral Kutxa Saria lau lehiaketa garrantzitsutan izango dugu aurtengoan: Euskal Herriko Itzulian, Italiako Giroan, Frantziako Tourrean eta Espainiako Vueltan!

Erabiltzaile guztiok zaudete gonbidatuta Laboral Kutxa Saria babestutako sailkapen horretan parte hartzera eta sari zoragarriak irabazteko lehian izatera. Esaterako, Euskal Herriko Itzulian Orbea bizikleta, HP akzio kamerak, Forumen gastatzeko bonoak, Luxuzko Gregario bihurtzek aukera… izango dira, bai lehen sailkatuentzat baita sailkapenean parte hartzen duzuen guztien artean zozketa bidez banatzeko. Ez ahaztu behin kiniela egin eta gero izena ematea Laboral Kutxa Saria sailkapenean!!

Gure aldetik Laboral Kutxari eskerrak eman nahi dizkiogu gugan konfiantza izaten jarraitzen duelako.

Zorte on guztioi eta goza dezagun denboraldi bikain honetaz!

Amaitu da 2014ko Tropelaren denboraldia, inoiz baino irabazle gehiagorekin

Tropela.netAurtengo denboraldia berezia izan da, izan ere Tropelan 10. urtez Tourra lehiatzeko aukera izan baitugu aurtengo edizioan. Oraindik argi dugu gogoan Tropelaren hastapen egun haiek!

Denborak aurrera egiten jarraitzen du eta aurtengoan inoiz baino garaile gehiago izan ditugu Tropelan. Alde batetik, lehiaketa gehiago izan ditugulako: 21 lehiaketa izan dira aurtengoan, iaz, aldiz, hamar besterik izan ez zirenean. Iaz baino 11 garaile izan ditugu, beraz, aurtengo urtean. Baina ez horregatik bakarrik, izan ere, aurtengoan sailkapen gehiago izan dira. 21 lehiaketetako sailkapenez gain, Urtekoa ere izan dugu aurreko edizioetan bezala; baina Urtekoaz gain urtekoak izan diren beste sailkapen batzuk izan ditugu: Itzuli Handien sailkapena, Itzuli Txikien sailkapena, Klasikoen sailkapena, Emakumezkoen sailkapena eta Euskal Herriko (EH) Koparen sailkapena. 5 sailkapen gehiago, 5 irabazle gehiago. 27 dira aurten irabazleak Tropelan, meritu handiz, milaka erabiltzailez osatutako sailkapenetan lehenak izateko gai izan direnak. Honatx guztiak: Continue reading “Amaitu da 2014ko Tropelaren denboraldia, inoiz baino irabazle gehiagorekin”