#527 Tropela.eus podcastak: 2021eko Espainiako Vuelta. Errepasoa – 18. etapa

Lopezek (MOV) lortu du azkenean talde urdinak horrenbeste desiratze zuen etapa garaipena

Azkenean lortu du garaipena Movistarrek Vuelta honetan. Miguel Angel Lopez (MOV) lortu du azken igoeran erasoa jota etapa garaipena. Aipatzekoa gaurkoan ere Storer (DSM) protagonista izan dela, eta etapa garaipenaren lehian sartu ez bada ere, behintzat mendiko maillotaren lehian maillota janztea lortu du gaurkoan. Sailkapen nagusian aldaketa nabarmenik ez Guillaume Martinek (COF) postuak galtzeaz gain, eta Roglicek (TJV) jarraitzen du lider.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#526 Tropela.eus podcastak: 2021eko Espainiako Vuelta. Errepasoa – 17. etapa

Roglicek (TJV) hirugarren etapa ikusgarria irabazi du

Ikuskizuna espero zen baina ez genuen horrelakorik espero. Bernalek (IGD) urrutitik erasoa jota erantzun dion bakarra Roglic (TJV) bera izan da, azkenean etapa garaipena eta lidergoa berreskuratuta. Eta ez hori bakarrik, Movistarreko bikoari, podiumeko postuetan diren biei, denbora gehiago atereaz. Eikingek (IWG), horrenbestez, agur esan behar izan dio maillot gorriari, agur Mikel Landak (TBV) Vuelta honi eman dion moduan. Murgiarra lehen ihesaldian izan bada ere, ez da gauza izan etapa amaitzeko.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#498 Tropela.eus podcastak: 2021eko Frantziako Tourra. Errepasoa – 7. etapa

Mohoricek (TBV) etapa garaipen ikaragarria lortu zuen eguneko ihesaldiari ere tartea atereaz

Etapa ikusgarria aurtengo Frantziako Tour honetako 6. hau. Izan ere ihesaldi mardula osatu zen, bertan Mohoric (TBV) garaileaz gain, Van der Poel (AFC) liderra ere sartu baitzen. Esloveniako txapeldunak etapa garaipen handia lortu zuen eta ihesaldikoek, denbora tarteari esker, sailkapen nagusian aurrera egiteko gai izan ziren. Saririk potoloenak lortu zituztenak liderra, Van der Poel (AFC), eta Van Aert (TJV) izan ziren, orain Pogacar (UAD) 3 minututik gorako tartearekin baitute. Carapaezk (IGD) saiakera egin zuen denbora lortzeko, baina alferrik izan zen, besteak beste, Movistar jarri baitzen tropel nagusian tiraka. Galtzaile, berriz, Roglic (TJV), taldekiderik gabe, ezinak jota edo, 3 minututik gorako atzerapenarekin helmugaratu baitzen.

Atzoko etapak emandakoa eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#459 Tropela.eus podcastak: 2020ko Espainiako Vuelta errepasoa – 18. etapa

Ackermannek (BOH) lortu du Madrilgo azken etapa garaipena lortzea

2020ko Espainiako Vueltako 18. etapak eman dio amaiera 2020ko edizioari. Bertan azkarrena Ackermann (BOH) izan da Bennett (DQT) eta Kanterren (SUN) aurretik. Dakizuen moduan, Vuelta Roglicek (TJV) eraman du eta baita erregulartasunaren maillot berdea. Mendikoa Guillaume Martinentzat (COF) izan da, gazterik onena Masentzat (MOV) eta Movistarrek, azkenik, talde onenaren saria. Euskaldunei dagokionez, sailkapen nagusien aurreen amaitu duena Mikel Nieve (MTS) izan da, guztira 13. sailkatuta.

Azken etapa honetaz eta Vueltaren ingurukoez aritzen da Iban Perez (@piban) podcast honetan.

Podcastera harpidetu

#382 Tropela.eus podcastak: 2019ko Espainiako Vuelta errepasoa – 19. etapa

Cavagnak (DQT) Toledoko helmugan besoak jaso zituen

Cavagna (DQT) gaztea izan da 19. etapa garaipena lortzeko aurtengo Espainiako Vuelta honetan. Ihesaldian sartu zen frantziarra eta 24km-ren falta jotako erasoari eutsiz, etapa garaipena lortu du Toledon.

Sailkapen nagusian ez da aldaketarik izan baina bai eztabaidarako parada. Izan ere 66kmren falta eroriko handi bat izan zen, tartean Roglic (TJV) eta Lopez (AST) kaltetuak izan zirelarik. Une horretan Movistarrek aurrean tiratzeari ekin zion minutuko tartea ere ateraz aipatutako faboritoei, nahiz eta beranduago geratzea erabaki zuten. Esan bezala, eztabaida zabaldu du gertakariak.

Etapak emandakoa eta gaurko azken etapa erabakigarriaren inguruan mintzatzen da Egoitz Lizaso (@elizaso) podcast honetan.

Podcastera harpidetu