Euskara, teknologia eta txirrindularitza
Zalantzarik gabe txirrindulari hau aurtengo Dauphineko sorpresatako bat izaten ari da. Alemaniar gazte honek bi etapa garaipen lortu ditu aurtengo edizioan, gaur jokatu den 4. eta astearteko 2. etapan hain zuzen ere. Eta igandeko prologoan ere ez zen hanka motz ibili 4. postu esanguratsu bat lortu baitzuen.
Baina zein da ‘ezezagun’ hau? Degenkolb aurten igo da elite mailara HTC-Highroad taldearen eskutik. Continue reading “Nor da Degenkolb?”
Faboritoa zen eta ez du hutsik egin. Martin alemaniarrak irabazi du Dauphineko erlojupekoa. Wiggins izan da bigarren 11 segundora eta Boason Hagen hirugarren 43 segundora. Wiggins bera jarri da lider.
Denboraldiaren hasieran, Paris-Nizan, gailendu zen Martin. Agian horrexegatik espero genuen Euskal Herriko Itzulia lehiatzea, eta ihesaldi batzuetan sartuta eta Zallako erlojuz kontrako etapa poltsikoratuta ere, ez zuen sailkapen nagusiko borrokan izan. Dauphineko mendiko lehen etapan atzean geratu zen, eta beraz, itzulia irabazteko faboritoen zerrendatxotik kanpora geratu zen. Erlojupekoan, ordea, erakustaldia eman du. Berriz ere argi ilunak, beraz, alemaniarraren eskutik. Erlojuaren kontrako lehian bikain, baina hori ez da nahikoa astebeteko edo hiru asteko probak irabazteko. Martinek berak jakingo du indarrak gordetzen ari den, eta errepideak gora begiratzen duenean ezin dien onenei jarraitu.
Continue reading “Martinek etapa, eta Wigginsek mailot horia”
Atzo Twitter bidez Tropelari mezu bat bidali zitzaion. Mezu horrek 2. eguneko emaitzak gaizki sartu zirela esaten zuen. Gaur beste email bat ere jaso dugu gauza berarekin. Nire kideekin komentatu nuen eta harritu samar geratu ginen.
Dirudienez nahasmena Thomas txirrindulariak eragin du, edo bere postuak. Dakizuen bezala Tropelako emaitzak sartzerako garaian lasterketaren webgune ofizialetik hartzen ditugu emaitzak hauek izaten baitira ofizialak. Ba kasu honetan LeTour.fr webgunetik jaso genituen eta bertan 35. sailkatu zela agertzen zen. Beraz, nondik dator zalantza?
Komunikabide bat baino gehiagok Thomas 6. sailkatu zela zabaldu zuen (eta mantentzen dute oraindik ere zuzendu gabe). Horietariko bi As.com eta estatuko egunkaririk salduena Marca.com dira. Ez dut ulertzen maila honetako hedabideek horrelako akatsak nola egin ditzaketen; gainera Marcakoa nabarmena da postu berean, 6. postuan alegia, Thomas eta Boasson Hagen jartzen baitituzte. Ze seriotasun gutxi txirrindularitzarekiko, ez?
Eskertzen dizuegu mezuak helarazi izana guk ere gure akatsak egiten baititugu eta behin baino gehiagotan zuzendu ere zuzendu beharrean aurkitu gara. Seguru aurrerago ere zuzenketaren bat egin beharrean aurki gaitezkeela, baina ez izan zalantzarik akatsa ordutan konponduko dugula, ez egunetan, zuen laguntzari esker.
Gaur gogora ekarri nahi dut, kontatuko dudan gertakaria zenbaki borobil batekin gertatu zenez, 1996ko Dauphine Libere lasterketa, hots orain dela 15 urte gertatuko zerbait Lasterketa honi. 2010ean aldatu zitzaion izena Criterium du Dauphine-gatik. Once versus Banesto garaia. Indurain ahalguztiduna noiz hutsegin zain zeuden guztiak. Superman jarraitzen zuen izaten bere hanketan 32 urte izan arren. Ez zitzaion txakalaldi momenturik ezagutzen.
1996ko ekaina hartan Dauphine Libere ia 6 kilometroko aitzin etapa batekin hasi zen. Kuriosoa izan zen 500 metroko aldapa batean % 12ko desnibelarekin nafarra izan zela bakarra plater handian igo zena, bere potentzia erakutsiz. Aitzin etapa Boardman britainiarrak irabazi zuen eta hurrengo egunean Kasputis izenekoak lidergoa lortu zuen 227 kilometroko etapa Megeve eta Villefontaine artean ihesaldian amaitu ostean. Bigarren etapa Charbonnieres eta Firminy artean François Simonek irabazi zuen eta sailkapen nagusia aldaketa gabe egon zen. Hirugarren etapak ere, Saint Maurice eta Tourmon artean, ez zuen aldaketarik suposatu sailkapen nagusiarentzat. Garaipena Bouvard-ek eskuratu zuen.
Bukatu berri zaigun Giroaren balantzeari ekingo diot lehen hamar sailkatuen aipamentxoa eginda. Podiumera igotako hirurek Giro borobila egin dutelakoan nago. Cotadorrek hiru asteko lasterketetan nekez kale egiten duela erakutsi du, beste behin –sei daramatza dagoeneko, oraindik ere ez badakigu ere klenbuterolaren auziagatik iazko Tourrari eutsiko dion edo kenduko dioten. Scarponiren lana itzalean geratu da, baina urtetik urtera koskak igotzen ari da, eta soilik Contador izan du aurretik. Nibali ere zailtzen ari da. Joan den urtean bezala podiumera igo da; Italiako zaleek, nola ez ba, maglia arrosaren lehian Contadorrengandik gertuago ikusi nahi zuten, baina marrazoak onena eman du.