#511 Tropela.eus podcastak: 2021eko Frantziako Tourra. Errepasoa – 21. etapa

Van Aertek (TJV) 3. etapa garaipena lortu du, oraingoan esprintean

Amaitu da aurtengo Tourra eta podcast honekin eguneroko saioei amaiera ematen diegu. Azken saio honetan Van Aertek (TJV) lortu duen etapa garaipena azpimarratzen da, eta nola Cavendish (DQT), maillot berdearen jabe izan bada ere, errekorra gainditu ezinda geratu den. Dakizuen moduan Pogacarrek (UAD) bigarren Tour garaipena lortu du honenbestez eta Egoitz Lizasok (@elizaso) podcast honetan Tropelan puntu banaketa nola geratu den errepasatzeari ekin dio multzoz multzo.

Hau amaitu bada ere, ez ahaztu hurrengo hitzordua Tokioko Olinpiar Jokoak ditugula.

Podcastera harpidetu

#510 Tropela.eus podcastak: 2021eko Frantziako Tourra. Errepasoa – 20. etapa

Van Aertek (TJV) erlojuaren kontrako etapa poltsikoratzea lortu du

Van Aertek (TJV) lortu du aurreko erlojuaren kontrako saioan ez bezala 20. etapa honetan garaipena. Nagusitasun handia erakutsiz, Asgreen (DQT) eta Vingegaard (TJV) taldekidearen aurretik sailkatu da. Pogacarrek (UAD) ez du erakutsi etaparen lehian sartzeko asmorik eta etapan 8. denborarik onena ezarrita, aurtengo Tourra irabazteko egin beharreko lanak burututzat eman ditu.

Gaurko etapak emandakoak eta biharko azken etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#509 Tropela.eus podcastak: 2021eko Frantziako Tourra. Errepasoa – 19. etapa

Mohoricek (TBV) lortu zuen Bahrainen Tour honetako 3. etapa garaipena

Ihesaldiak bidea egitea lortu zuen atzokoan. Mohoricek (TBV) bere gaitasunak baliatuz eta iheskideen izan zuten antolakuntza kaskarra tarteko, Bahrain taldearentzat 3. etapa garaipena lortu zuen. Ion Izagirrek (APT) ere ihesaldian sartzeko aukera izan bazuen ere, etaparen lehiatik kanpo geratu zen. Sailkapen nagusian aldaketarik ez eta Pogacarrek (UAD) horiz ekingo dio gaurko 20. etapari.

Atzoko etapak emandakoak eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#507 Tropela.eus podcastak: 2021eko Frantziako Tourra. Errepasoa – 17. etapa

Pogacarrek (UAD) nagusitasuna erakutsi du Pirineotako etapa irabazita

UAEko kontrolatutako etapan, Pogacarren (UAD) nagusitasuna erakutsita etapa garaipena lortu zuen Piriniotako lehen etapan. Vingegaard (TJV) gaztea eta Carapaz (IGD) izan zituen bidelagun azken kilometroetan, baina esan bezala, bietako inor ez zen gauza izan Pogacarri etapa kentzeko. Lidergoa sendotuta, beraz, esloveniarra, Vingegaard eta Carapazek, aldiz, podiumeko postuak ziurtatzen hasita.

Atzoko etapak emandakoak eta gaurkoak eman dezakeenaren inguruko podcasta prestatu digu Iban Perezek (@piban).

Podcastera harpidetu

#506 Tropela.eus podcastak: 2021eko Frantziako Tourra. Errepasoa – 16. etapa

Konradek (BOH) etapa garaipena 2021eko Tourrean

Konradek (BOH) garaipena eman dio taldeari Polittek (BOH) egun batzuk egin zuenaren antzera, ihesaldian sartu eta nagusitasuna erakutsiz. Alex Aranburu (APT) ihesaldi horretan izan bazen ere, seigarren postuan sailkatzeko aukera besterik ez du izan. Maillot berdearen lehian, Colbrellik (TBV) eta Matthewsek (BEX) puntuak bildu zituen, nahiz eta Cavendishek (DQT) eusten dion maillot berdeari. Sailkapen nagusian, berriz, aldaketarik gabe, Pogacarrek (UAD) jarraitzen du lider.

Atzoko etapak emandakoak eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu