Ardenetako Hirukoa – 2 orrialdea

Aia eta Cauberg Huyra bidean

Zita oso garrantzitsuak pasa dira urteko lehen zati honetan… eta zita oso garrantzitsuak iristeko datoz oraindik. A ze nolako gozamena hartzen ari garen uneoro txirrindulari zaleok.

Intentsua izaten ari da denboraldia. Lasterketa mediatikoena iritsi arteko denboran, Frantziako Tourra, ezin aspertu. Bide horretara arte ikus ditzakegu telebistaz edo bisitatu gertu ditugulako txirrindularitzan mitikoak diren tokiak, edo mitikoak bilakatzera doazenak. Eta euskaldunok horretan zorte ona dugu. Continue reading “Aia eta Cauberg Huyra bidean”

#97 Tropela podcastak: Ardenetako Hirukoa 2015. Ibilbidearen eta txirrindularien azterketa

Post honetan Iosu Garatek (@iosugarate), Iban Perezek (@piban) eta Egoitz Lizasok (@elizaso) grabatutako podcasta aurki dezakezue. Podcast honetan 2015 Ardenetako Hirukoa lehiaketaren kinielari errepasoa egiten diote. Hona hemen jorratu diren gai nagusiak:

– Kinielaren berezitasunak nabarmentzen dituzte
– Lehenengo multzoan aukeraketa egitea errazegia?
– Euskaldunak?
– Zein estrategia erabili?

Continue reading “#97 Tropela podcastak: Ardenetako Hirukoa 2015. Ibilbidearen eta txirrindularien azterketa”

Daniel Martin garaile Liège-Bastogne-Liègen

Daniel Martin. Bai, ondo irakurri duzue. Ez Gilbert, ez Valverde, ez Joaquim Rodriguez. Ezta Nibali ere. Eskalatzaile irlandarra izan da aurtengo 4. monumentuaren garailea. Askok uste zuten aurrean ibiliko zela, podiumaren lehian, baina gutxik espero zuten koska gorenean ikustea. Eta are gutxiago lasterketako indartsuena izanik. Apustu-etxeek sartutako euro bakoitzarengatik 15-20 artean ematen zituzten bere garaipenarengatik. Eta hala gertatu da. Poztekoa, bestalde. Hala ere, bere bilakaera ikusita ez gintuzke horrenbeste harritu behar bere garaipenak. Urtero pauso bat eman du aurrera. Zeresanik ez aurten, Kataluniako Volta merezimendu osoz irabaziz. Eta gaur munduko onenen artean lortu du lekutxoa irlandar meharrak.
Continue reading “Daniel Martin garaile Liège-Bastogne-Liègen”

Vos eta Moreno Flèche Wallonneko garaileak

Lehen aldia izan da Tropelak Ardenetako Hirukotean emakumezkoen Flèche Wallonne lasterketa sartzen duena. Horrek gaurkoan, Tropelan ohi ez bezala, egun berean bi emaitza izatea zekartzan. Noski, denok zain zain izan gara. Asko izango zineten ez zenekitenak emakumezkoek gizonezkoek baino ordu t’erdi lehenago amaitzen zutela lasterketa. Ikusi ere ikusiko genuke lasterketa zuzenean, baina zoritxarrez emakumezkoen lasterketak, iazko Londreseko Olinpiar jokoak salbu, zail da telebistan aurkitzea. Continue reading “Vos eta Moreno Flèche Wallonneko garaileak”

Kreuzigerren lehen klasiko handia

Saxo Bank-Tinkoff taldeko txekiarrak irabazi du Amstel Gold Race. Bakarrik helmugaratu da. Valverde izan da azkarrena pelotoian, 22 segundora eta Gerrans hirugarren izan da. Taldetxo horretan, besteak beste, Henao kolonbiarra, Gilbert Munduko Txapelduna, Mollema holandarra eta Gasparotto italiarra –iazko garailea- sartu dira.

Inolako zalantzarik gabe oso garaipen garrantzitsua erdietsi du Kreuzigerrek, eta agian bide berri bat urratzen hasi. Izan ere, igotzaile ona da txekiarra. Eta erlojuz kontra ere itxuroso moldatzen da. Horrek, baina, ez dio balio izan hiru asteko itzulietako podiumik zapaltzeko; bereziki handia izan zen iazko Giroan jasotako zaplastekoa. Etapa irabazi zuen Alpe di Pampeagon, bai, baina bezperan minutu asko galdu eta agur esan behar izan zion sailkapen nagusiari. Beharbada, klasikoetan bide oparoa urratuko du Kreuzigerrek aurrerantzean. Continue reading “Kreuzigerren lehen klasiko handia”