12 txirrindulari aukeratu ostean, kiniela osatzeko azken urratsa baino ez zaigu geratzen. Besteak multzoko sei ziklista aukeratzea. Talde zabala, inondik ere, 100dik gora txirrindulari ditugulako aukeran. Nondik jo? Ba, tropelazale gehienek Cancellara, Sylvain Chavanel, Gadret eta Voeckler begiz jo dituzte. Continue reading “Tourreko multzoen azterketa: besteak”
Etiketa Artxiboak:Voeckler
Contador frantziarren ahotan
Aste honetan bertan argitaratu da kirol prentsan frantsesen artean eginiko inkesta bat. Bertan, frantziarrei galdetu zaie ea Contador Frantziako Tourrean izatea gustuko ote luketen.
Hona inkestaren emaitzak: frantziarren %63ak ez dio lekurik ikusten Contadorri aurtengo lasterketako tropelean.
Continue reading “Contador frantziarren ahotan”
Martinek esku-eskura du Paris-Niza
Tira, agian, askotxo esatea da hori, kontuan hartuta 23 lagun daudela 29 segundoren bueltan, baina 5. etapak asko argitu ditu gauzak. Izan ere, gaur, ostirala, 27,5 kilometroko erlojupekoa jokatuko da Rognes eta Aix-en-Provence artean, eta 5. etapako irabazle Klodenek 10 segundoko aldea bakarrik dauka alemaniarrarekiko. Adibidez, Algarveko Itzuliko erlojupekoan (17 km), otsail erdialdean, Martinek 30 segundo atera zizkien Klodeni eta Luis Leon Sanchezi. Continue reading “Martinek esku-eskura du Paris-Niza”
15.etapa: Katea kateatu ezinik
Gaur, orain arteko liderrak, Andy Schleck-ek katearekin izan duen arazoa eta hori aprobetxatuz sailkapen nagusiko 2., 3. eta 4.ak (Alberto Contador, Samuel Sanchez eta Denis Menchov) aurrera joateko erabakia hartu izana baloratu dute Egoitz Lizaso (@elizaso) eta Oihan Odriozolak (@oodriozola). Etapa garaipena ihesaldian sartu den Thomas Voeckler-entzat izan da (frantziarren bosgarren etapa garaipena!!) eta Aitor Perez Arrietak egindako lana ere goraipatu dute biek. Zuen ustez ongi egin al du Contadorrek aurrera jarraitzen? Horrela maillot horia janzteak meritu bera al du? Madrildarrak dio ez dela konturatu Andyk katearekin arazoa izan duela. Egoitzek eta Oihanek Andyri katea atera eta Contadorrek erasotzen duen unea biltzen dituen bideo hau behin eta berriz ikusi ondoren madrildarraren hitzak ez zaizkie sinesgarriak iruditzen. Zuei?
Podcasta entzuteko sakatu hurrengo botoitxoan.
[audio:http://bloga.tropela.eus/wp-content/uploads/2010/07/tropelanet_tourra2010_15etapa.mp3|titles=15.etapa]Argazkia: Bettini (cyclingnews.com)
Aurreko podcastak:
– Tourreko 13. etapa
Tourreko multzoen azterketa: besteak (VII)
Ez da erraza azken multzo honetan 6 txirrindulari aukeratzea. Pentsatuko duzuen bezala ez ditut guztiak banan aipatuko. Sorpresa zein izango den ez dakidanez, erabiltzaileek gehien aukeratu dituzten txirrindulariak aipatu nahiko nituzke.
Nabarmen aukeratu dituzuenak Brajkovic (%43,3, Radioshack) , Van den Broeck (% 39,1, Silence-Lotto) , Luis Leon Sanchez (% 54,6, Caisse D’Epargne) eta Joaquim Rodriguez (% 43,8, Katusha) izan dira. Brajkovic Dauphinen Contadorri gailendu ostean dator Tourra lehiatzera. Oker ez banaiz Haimar Zubeldiaren ordez sartu dute taldean (animo Haimar!) eta, noski, helburua Armstrongi 8. Tourra irabazten laguntzea izango da. Ez zait iruditzen etapa garaipenen bat baino gehiago lortuko duenik; beharbada lehen prologoan erlojuaren aurka ondo moldatzen baita. 3 asteko lasterketa da eta beharbada luzeegia beretzako. Hala era aukeratzen duzuen taldearen arabera txirrindulari interesgarria izan dakizueke.
Van den Broeck Silence-Lottoko lider moduan arituko da. Igotzaile bikaina da baina baldarra erlojuaren kontra. Horrek bere alde egin dezake aurtengoan prologoa eta azken
aurreko etapako 52kmko erlojupekoa besterik ez baitira. Helburua iazko 15. postua hobetzea izango du, beraz, benetan txirrindulari interesgarria eta hartzeko modukoa.
Gehien aukeratu duzuena Luis Leon Sanchez izan da. Caisse D’Epargneko liderra izango da, baina ikusi beharko da 3 astetako lasterketa batean, eta batez ere Tourrean nola moldatzen den. Etapa garaipenaren lehian gehiago ikusten dut sailkapen nagusiaren lehian baino. Ikusita zenbatek hartu duzuen arriskatu eta besten bat hartuko nuke bere ordez.
Joaquim Rodriguezek, berriz, bere lehen Tourra izango du. Honek ere sailkapen nagusian ezer gutxi egingo duela iruditzen zait eta indarrak etapa garaipenen bat lortzeko erabiliko dituela. Ikusi beharko da nola moldatzen den.
Gehien hautatutako hauetaz gain Chavanel (% 29,7, Quick Step), Millar ( % 28,0, Garmin), Le Mevel (% 22,0, Française des Jeux), Casar (%20,4, Française des Jeux), Ballan (% 17,1, BMC), Voigt (% 13,8, Saxo Bank), Boom (% 13,3, Rabobank)
eta Voeckler (% 12,2, Bonjour) leudeke.
Le Mevel eta Casar talde berekoak izanik bietako bat aukeratuko nuke. Palmaresari begiratuz gero Le Mevelen iaz 10. postuan sailkatu zela konturatuko gara. Nire ustez arrazoi nahikoa Le Mevel aukeratzeko bi hauen artean.
Ballan Evansen alboan ibiliko dela uste dut eta beharbada espero baino lasterketa hobea egin dezake Italiako munduko txapeldun ohiak. Voeckler ere ez dugu ahaztu behar, berrik Frantziako txapelketa irabazi du eta horrek konfiantza handia emango dio iaz bezala etaparen bat irabazteko lehian sartzerako orduan.
Lehen eguneko erlojuaren kontrako prologoari begira Boom, Millar edo Voigt bera bezalako txirrindulariengan pentsatu beharko genuke. Hiruretan osoenak Millar eta Voigt izango lirateke. Dakizuen bezala Millar erlojuaren kontra ezaugarriak galdu dituen arren, mendian hobetu egin da eta Vande Velderekin batera Garmineko txirrindulari garrantzitsua izango da. Voigt, berriz, edozertarako gai da; Schleck anaiei laguntzeaz gain etapa garaipenen baten lehian sar daiteke.
Hau guztia ikusita, hauek litzateke nire aukeraketa: Van Den Broeck, Millar, Le Mevel, Voeckler, Luis Leon Sanchez eta Ballan.