Itzulia-Bira: emakumezko eta gizonezkoen eliteko lehen lasterketa mistoa [inozentada]

Basque Team2016a badoa eta 2017a hasterako berri azpimarragarri bat eman beharrean gara. Izan ere, askoren ezustekorako, baita UCI berarentzat ere -ez du aipamenik egin oraindik ekimen honetaz, baina zerbait esango duela espero da-, elite mailako lehen lasterketa mistoa jokatuko da gure lurretan, Euskal Herrian.

Continue reading “Itzulia-Bira: emakumezko eta gizonezkoen eliteko lehen lasterketa mistoa [inozentada]”

Wiggins, orduko errekor iraunkor baten bila

wiggins-lee-valley-velopark-getty-images-sport

Orduko errekorren denboraldia izaten ari da. 2014an UCIk arauak (berriz) aldatu zituenetik, saiakerak han eta hemen ugaldu dira. Denbora batez, UCIk ez zuen bizikletetan aldakuntzarik onartu, eta orduko errekorra antzinako ohitura bilakatu zen. Iaz, egindakoaz damu edo bultzada bat eman nahian, hori deuseztatu eta moldaketak onartu zituen berriro. Bidean, errekor ofizialen eta “giza ahalegin handien” artean geratu dira hainbat saiakera, galduta. Batek daki nola sailkatu UCIren kapritxo historikoen zerrendan.

Continue reading “Wiggins, orduko errekor iraunkor baten bila”

8. etapa: Tomblaine > Gérardmer La Mauselaine (161 km). Profila eta aurre analisia.

8.etapa

IBILBIDEA

Astebete egingo dute txirrindulariek lehian gaurkoan eta lehen muino esanguratsuak agertuko zaizkigu. 2. mailako bi mendate igo behar dituzte 130 km lau xamarrean egin ondoren, eta 3. mailako bat, helmugakoa hain juxtu, Gérardmerren aurkituko dutena 161 km osatuz. Gaurko etapa da aurtengo edizioan lehena muino batean amaituko dena.

FABORITOAK

Ez da erraza asmatzen zein izan daitekeen gaurkoan etapa garailea. Izan ere bi aukera daude: ihesaldia iristea ala sailkapen nagusiko txirrindularien arteko lehia ikustea. Ni lehena gertatuko delakoan naiz. Izan ere sailkapen nagusiko txirrindulariek bihar eta astelehenean etapa gogorrak izango dituzte eta dagoeneko gainontzeko txirrindulariengandik dezenteko denbora errenta dute. Hirugarren aukera litzateke ihesaldian inor sartu ez duen taldeak tropelaren kontrola hartzea eta ihesaldia zapuzten saiatzea, baina taldeentzat hobe ihesaldian ordezkari egokiak izatea lortzen badute.

Ihesaldian ondorengo talde hauen ordezkariak izango direlakoan naiz: Europcar (seguruena Voeckler (%52,5)), Cofidis (Lemoine (%0,3), Edet (%1,9) ala Mate (%1,9)), Katusha (Purito (%8,4), zergatik ez?), Trek Factory Race (Voigt (%13,8)), Garmin (Slagter (%5,8) akaso?) eta Bretagnekoren bat gutxienez bai. Izenak esaten ausartu naiz izan ere aipatutakoak mendiko maillotaren lehian daude eta etapa garaipena lortzen saiatzeaz gain, mendiko sailkapenean sendotzeko puntuak biltzeko aukera izango baitute. Puritoren kasuan, aldiz, ez da bere helburua mendiko maillotaren lehian sartzea – ez dut uste behintzat! -, baizik etapa garaipena lortzea. Dagoeneko 47’35″ko atzerapena du sailkapenean, beraz, ez luke arazorik izan behar ihesaldian sartzeko. Hori bai, beharbada iheskideei ez die grazia handirik egingo.

Baldin eta tropel nagusia iritsiko balitz, Valverde (MOV, %47,5) edota Kwiatkowski (OPQ, %24,9) bezalako txirrindulariak saiatu daitezke etapa garaipenaren bila.

*** Voeckler / J.Rodriguez

** Slagter / Kwiatkowski / Edet

* Valverde / Contador (TCS, %62,3)

Hori da hori sasoia!

Txente Garcia Acostak txirrindularitza utzi berri du. Hori izan da asteko albiste nagusietakoa txirrindularitza zaleentzat, batez ere Euskal Herrikoentzat. Tropeleko ziklista beteranoenetakoa zen tafallarra. 1995ean egin zuen debuta. Pentsa, Indurainek azken Tourra irabazi zuen urtean. 39 urterekin eman ditu azken pedalkadak. Bada, ordea, tafallarra baino zaharragoa den txirrindularirik.

Hasteko eta behin, Noe italiarra agurtu behar dugu, 42 urterekin, ziklismoa utziko baitu. Ezin aipatu gabe utzi 42 urterekin ere hartu duela erretiroa Cuestak, Caja Ruralen azken pedalkadak eman eta gero. Rebellin italiarrak 40 urte bete zituen abuztuan. Doping kontuengatik zigortuta ibili ostean, denboraldi honetan itzuli da tropelera, Miche Guerciotti talde apalean. Talde apalean bai, baina garaipen zakua betetzen jarraitu du Veronako ziklistak, eta okerrik ez dela, datorren denboraldian lanean jarraituko du. Horner estatubatuarrak ere 40 urte ditu bete zituen aurreko astean bertan. Azken bi denboraldiotan goia jo du: iaz Euskal Herriko Itzulia irabazi zuen eta aurten ere gure itzuliko podiumera igo da, etapa bat irabazteaz gain. Harrapazak. Hornerrek ere ez omen du oraingoz erretiroa hartzeko gogorik. Continue reading “Hori da hori sasoia!”

Jens Voigten eskutitza Euskal Herriko zaleei (euskaratua)

Eskutitz hau euskal zale guztiari dago zuzendua, beti hor baitaude. Nire ibilbide profesionaleko azken 14 urteotan euskaldunekin harreman estua izan dudala sentitzen dut. Euskal Herriaren oroitzapen oso onak ditut izan ere nire momenturik onenak euskal mendietan jazo baitira. Profesional moduan nire lehen garaipena 1998ko Euskal Herriko Itzulian izan zen. Oraindik Gan taldeko maillot txuri-urdina nerabilen. Garaipen honek nire ibilbide profesionala aldatu zuen betirako eta hoberako.

Euskal zalearen pasio eta parekidetasuna lehen aldiz bizitzeko zortea ere izan nuen. Egun hotz eta euritsua izan zen, hala izan arren haietako askok zuzenean ikusi zuten etaparen amaiera eta haietatik gehiengo handia podiumeko zeremonian geratu zen. Momentu hau izan zen Euskal Herriarekiko eta euskaldunekiko nire maitasun eta errespetuaren hasiera.

Continue reading “Jens Voigten eskutitza Euskal Herriko zaleei (euskaratua)”