#25 Tropela.net podcastak: Tourreko 3. etaparen kronika. Esprinterretan azkarrena Farrar

Irrikaz geunden tropela.eus zaleok Tourreko lehen esprinterako. HTC-k gidatutako Cavendish britainiarra zegoen guztion kinielatan garaipenerako baina Farrar estatubatuarrak lortu du azkenean eskuak zerurantz begira jartzea. Eta nola ez, Italiako Giroan zendu zen bere lagun min Weylandt-i eskaini dio “W” zeinuaren bidez. Continue reading “#25 Tropela.net podcastak: Tourreko 3. etaparen kronika. Esprinterretan azkarrena Farrar”

Tourreko multzoen azterketa: beste azkarrak

Multzo honek ere denetik du. Eta ona. Gazte ausartak, sasoian ez dauden beteranoak, esprint bideratzaile oso onak, bigarren eta hirugarren mailetako esprinterrak, eta bizpahiru izar. Guztien gainetik, izen bat. Continue reading “Tourreko multzoen azterketa: beste azkarrak”

Tourreko multzoen azterketa: beste azkarrak (V)

Boasson Hagen (SKY). Tropel nagusiko esprinta, erlojupekoa, talde txiki bateko esprinta, gora, behera… Hau da, edozein momentutan eta edozein terrenotan irabaz dezake 23 urteko norvegiarrak. Debuta egingo du Tourrean, eta talde-lana izango da haren egiteko nagusia, Wiggins babestea. Baina, esan bezala, edozertarako gauza dela erakutsi du. Min hartuta ibili da, baina bueltatu eta Dauphinen etapa bat irabazi zuen.

pic55998176_1_6001Ciolek (MILRAM). Multzo honetako izarra dela esan genezake. Azken bi urteotako Tourretan garaipenetik gertu egon da lauzpabost aldiz, eta aurten jauzi kualitatiboa emateko gertu dago. Cavendish, Farrar eta haiengandik gertu egongo da, edo aurretik.

Dean (GARMIN) eta Hunter (GARMIN) lanerako egongo dira, Farrarren mesedetan. Esperientzia handi dute biek ere, eta taldearen helburu nagusia Tourrean esprintak jokatzea izango da. Dean da Farrarren kide nagusia, azkeneko metroak egiten dizkiona; hortaz, ez dakit Hunterrek ze rol izango duen taldean.

Eisel (COLUMBIA). Ondo dakigunez, Cavendishen esprint bideratzaileetako bat izango da, azken kilometroan, Renshawrekin batera. Hala ere, bere aukerak ere izan ditzake, adibidez, 3. etapan, Arenbergeko harrietan.

McEwen (KATUSHA). Azken Tourra izan lezake australiarrak, eta aprobetxatu egin gura du. Maillot berdearen lehian egon daitekeela ere entzun diot, baina garesti dago hori. Azkeneko urteotan, normala denez, lehen zuen punch hori galdu egin du.

Mondory (AG2R). Bere kasa ibiliko da, trenoen eta esprinter nagusien gurpila hartu nahian. Ez da lehen mailako esprinterra, baina bai esprinter frantses bakanetakoa Tourrean. Kontuan hartu behar da ez direla irteera puntuan izango Sebastien Chavanel, Hinault, Bonnet…

finish_gavazzi_freire_600Bole (LAMPRE), Gavazzi (LAMPRE), Hondo (LAMPRE) eta Lorenzettto (LAMPRE) talde berekoak dira. Harrigarria da, baina Lamprek bost gizon azkar izango ditu Tourrean. Berez, Petacchirendako lan egin beharko dute, batez ere, Lorenzettok eta Hondok, azken kilometroan. Eta Bole eta Gavazzi ihesaldietan sartzeko moduko ziklistak dira, oso denboraldi ona egiten ari dira-eta.

O’Grady (SAXO BANK). 36 urteko australiarrak garai baten Zabelekin lehia estuak izan zituen Tourrean. Talde-lanean ibiliko da, esprintak bigarren mailan utzita. Oso gizon garrantzitsua 3. etaparako, taldearendako.

Roelandts (LOTTO). 2008an Belgikako txapelketa irabazi zuen, esprintean, Van Avermaet, Boonen, Gilbert eta beste askori gailenduta, eta hori oso kontuan hartzekoa da. Azkeneko hiru urteotan postu on asko ditu belgikarrak, eta profesionaletan bost garaipen. Debuta egingo du Tourrean.

bettiniphoto_0055218_1_full_6001Rojas (CAISSE). Murtziarra da taldeko gizon indartsuena, Suitzan erakutsi zuen moduan. Iaz ere izan zen Tourrean eta lehen hamarren artean sailkatu zen hainbat aldiz. Ondo daki lekua hartzen eta ez dio beldurrik kapoekin esprintak lehiatzeari.

Bada, talde honetatik hiru lagun hartu behar direnez, neuk Ciolek, Rojas eta Boasson Hagenen alde egingo nuke.

Argazkiak: Sirotti, Susi Goetze.

2010eko taldeen analisia (VI): Garmin-Transitions, aldaketa gutxiko taldea

Garmin-TransitionsTalde estatu batuarrak denboraldi txukuna egin zuen iaz. 29 garaipen lortu zituzten iaz eta gehien nabarmendu ziren txirrindulariak bi izan ziren, Farrar esprinter estatu batuarra eta Wiggins ingelesa. Lehenak Cavendish ahal guzti duna gainditzea lortu zuen Tourrean eta Wigginsek espero ez bezalako erakustaldia eman zuen 2009ko Tourrean eta sailkapen nagusian 4. amaitzea lortu zuen.

Aldaketa gutxi izango ditu talde estatu batuarrak aurtengo denboraldiari begira. Nagusiena Wigginsek Garmin utzi eta Sky talde ingeles berrian izango dela da. Honek taldean egituraketan aldaketak eragingo ditu.

Vande Velde izango da 2010ean Tourreko taldeburu izatearen ardura hartuko du eta 2008an lortu zuen 4. postu hori berdindu edo hobetzen saiatuko da. 2009an Wigginsi laguntzea egokitu zitzaion, baina aurtengoa, esan bezala, ardura guztia berak izango du.

Farrar-ek iazko 11 garaipenak hobetzen saiatuko da. Ez du lan erraza izango Cavendish iaz bezain ondo aritzen bada.

Aipatutako bi txirrindulariez gain, Garminek kalitatezko txirrindulariak dituen erakusgarri, Dean Zelanda Berriko txapelduna, Tuft Kanadako erlojuaren kontrako txapelduna, Dan Martin Irlandako txapelduna eta Meyer Australiako txapeldunak ekarri nahiko nituzke gogora. Zalantzarik ez dut aurtengoan aipatutako txirrindulari hauek Zabriskie eta Millarrekin batera, zeresan handia emango duen taldea izango dela.

Mendien osteko esprintean Greipel nagusi

Greipel. 2009ko Vueltako 16. etapan garaipenaSentitzen dut gaur arte Vueltaren inguruko berririk ez idatzi izana. Beharbada espero baino ikuskizun gutxiago eman zuten mendietako etapek eta horrek Vueltaren inguruan idazteko gogoa kendu zidan. Egia esan gustura idatzi nuen Romain Sicarden garaipenaz eta espero dut askok nahiago zenutela horren berri izan.

Gaurkoan iheslarien etapa izan zitekeela pentsatzen bagenuen ere, esprinta jokatu da Puertollanon eta Columbia-HTCko azkarrenak ez du barkatu.

Gaur sofan jarri eta telebistari begira jartzea pentsatu dut. Etxera iristerako irratian entzun dut nola Rosendo ihes eginda zioan 8 minutu inguruko tartearekin, beraz, loak ez hartzea izango nuela helburu.

Bide zabalak, tropeleko esprinterrak denbora jateko lanetan eta Andalucia CajaSurreko txirrindularia ihesaldian ahalik eta gehien irauteko lehian. Hain txirrindulari zalea ez banintz bataz-besteko abiadura zein zen entzun, erlojuari begiratu eta beste zerbait egitera joango nintzateke arratsaldeko 6ak arte.

Eztabaidagai jar genezake tropelak eta ordutegi ofizialaren arteko desfase ikaragarria. Ez dakit zeinek duen errua, tropelak ala antolatzaileek, baina eskerrak irailean udara den bestela ilunpetan iritsiko balirateke txirrindulariak helmugara.

Tropelak helmugarako 18 kilometro ingururen faltan harrapatu du Rosendo. Sevillarrak 140 kilometro egin omen ditu bakarrik ihes eginda eta ez da marka makala.

Guztiak ziren prest esprinterako batez ere Farrar eta Boonen falta zirela kontutan izanda aukerak handitzen baitzitzaizkien lasterketan diharduten esprinterrei. Abiadura bizian ziren azken 4 kilometro inguruan Puertollanoko kaleetan eta eroriko ikusgarria izan da. Lau txirrindulari izan dira erori direnak eta hauetatik bi esprinter, Dean eta Weylandt. Deanek jaiki eta helmugaraino iristea lortu du bere taldekide baten laguntzaz eta Weylandtek, zauri larriagoz, beranduago lortu du helmugaratzea. Quick Stepeko belgikarrak mikro austura bat duela jakin araziko dute eta bihar erabakiko dute irteera hartu ala ez.

Esan bezala nabarmen lanean Columbia-HTC taldea ari zen eta Greipelek nagusitasun handiz lortu du garaipena. Atzetik Bonnet eta Bennati izan ditu. Honenbestez Greipelek 3. garaipena du 2009ko Vueltan. Liège eta Vinaroseko garaipenen ostean, gaur Puertollanon. Horretaz gain, puntuetako sailkapenean ere lider jarri da taldean zalaparta sortu duen erabaki batek puntuak kendu arazi baitzizkion Valverderen mesedetan.