#431 Tropela.eus podcastak: 2020ko Italiako Giroa errepasoa – 12. etapa

Narvaezek (IGD) 3. etapa garaipena eman dio taldeari

2020ko Italiako Giroko 12. etapan garaipena Narvaezek (IGD) lortu du ihesaldi batean sartu eta bidea egitea lortuta. Honekin 3 garaipen lortu ditu Ineos Grenadiers taldeak bere taldeburu zen Thomasek (IGD) erorikoak izan eta etxerako bidea hartu ondoren. Sailkapen nagusian aldaketarik ez eta Almeidak (DQT) sendotasunez eusten dio lidergoari. Noiz hasiko dira gainontzeko hautagai nagusiak egoeraz kezkatzen?

Hau eta biharko etapak eman dezakeenaren inguruan aritzen da Egoitz Lizaso (@elizaso) podcast honetan.

#423 Tropela.eus podcastak: 2020ko Italiako Giroa errepasoa – 3. etapa

Caicedo (EF1) izan da Giroko 3. etapa lortu duena maillot arrosa ere janzteko zorian izan delarik

2020ko Italiako Giroko 3. etapa honetan sailkapen nagusiko gizonek lehen testa izan dute. Ezinak jota atzean geratu dena ezustean Yates (MTS) izan da, baina lehenago, hiru erorikok eraginda, Thomas (IGD) bera izan da Giroaren lehiatik guztiz kanpoan geratuta. Hori bai, etapa garaipena ihesaldian izan den Caiceko (EF1) kolonbiako txapeldunak eraman du meritu osoz eta ia-ia maillot arrosa bereganatzeko moduan ere izan da. Azkenean, bikain dabilen Almeida (DQT) gazteak jantzi du.

Hau eta biharko etapak eman dezakeenaren inguruan aritzen da Egoitz Lizaso (@elizaso) podcast honetan.

Podcastera harpidetu

Multzo bat gutxiago aurtengo Tourrean

Dakizuen moduan, lehiaketa bakoitzerako multzoak prestatzen ditugu. Hauek erabakitzerako orduan, gehienbat lasterketa mota – klasikoa, itzulia, ibilbide mota,… – eta izan daitezkeen txirrindularien baitan osatzen ditugu. Normalean 8-10 egun lehenago irekitzen ditugu kinielak, baina itzuli handien kasuan – Tour, Giro eta Vueltan – 14 egun lehenago ere izaten da informazioa fidagarriagoa lehenago izaten baita.

Aurtengo urtea, ordea, desberdina izaten ari da. Guztiok ondo dakigun moduan, COVID-19ak gure bizitzak guztiz baldintzatu ditu eta baita txirrindularitza bera ere. UCIk egutegi berria argitaratu zuenean, jada Giroa ez zen lehen lasterketa izango eta horren ordez Tourra jarri zuten. Horretaz gain, lasterketen itzulera Tourra baina hilabete lehenago izan da non urte arrunt batean hilabetez aritzen diren txirrindulariak lasterketa desberdinetan lehian.

Kontuak kontu, guk nahiko argi genuen aurtengo hautagai nagusiak Bernal (INS) Dumoulin (TJV) eta Roglic (TJV) izango zitezkeela, baina hauekin batera beste multzo bat ere sortu genuen Froome (INS) – 4 Tourren garailea) -, Kruijswijk (TJV) – iaz podiumean izan zena Bernal eta Thomasen atzetik – eta Thomas (INS) bera – iaz bigarren, eta 2018ko garailea-.

2020ko Tourreko kiniela abuztuaren 13 gauean ireki genuen, Dauphine Kriteriumeko bigarren etapa amaitu ostean. Egia da INEOS taldeko biak ez genituela mailarik egokienean ikusi eta zalantzak zeudela batez ere Froomekin – sasoiaz gain, hurrengo urtean Israel Start-up Nation taldean izango baita-. Herbeheretarraren kasuan, aldiz, Dauphineren 4. etapan, jada kinielak egiteko epea irekita, eroriko bat izan eta lasterketa utzi beharrean izan zen. Ez zen larria izan eta errekuperatuko zela pentsa zitekeen, baina atzo jakin genuen moduan ez da horrela izan. Ez ahaztu eroriko asko izan zirela etapa horretan eta txirrindulariek ere protesta egin zutela segurtasuna aldarrikatuz.

Egoera honetan, asteazken honetan, INEOS taldeak ez Froome ezta Thomas ere aurtengo Tourrera ez eramatea erabaki du. Batari Vuelta irabazteko helburua jarri diote eta besteari Giroaakaso Evenepoelen lesioak erabakian zerikusia izan dezake? -. Horrenbestez, Kruijswijk soilik geratzen zen multzoan. Bada atzo, berak eta taldeak jakinarazi zuten moduan, erorikoa espero baino larriagoa izan zen eta Tourrean ez da izango. Horrenbestez, “Hautagai nagusiak 2” multzo hori umezurtz geratu zaigu.

Dakizuen moduan, Tropelak 15 urte daramatza sarean eta aurtengo Tour hau 16. Tourra izango da. Ez da lehen aldia horrelakoren bat gertatzen zaiguna.

2006ko Tourrean “Hautagai Nagusiak” multzoan bi txirrindulari genituen: Basso (CSC) eta Ullrich (TMO). Biak ziren faborito eta bietako bat aukeratu beharra zegoen. Tourra abiatu aurretik, ordea, Operación Puertoren berri eman zen eta bi txirrindulariak Tourretik kanpo geratu ziren. Multzoa, beraz, ezerezean geratu zen baina bat aukeratu behar zen, orain gertatu zaigun moduan. Joan ala ez joan, bat aukeratu beharra dugu.

2006an izan zen moduan, oraingoan ere ezer gutxi aldatzen da jolasari dagokionez. 26 txirrindulari izango ditugu guztiok kinielan, baina 25 izango dira puntuak emateko aukera izango dutenak. Horiek izango dira ondo aukeratu beharrekoak.

Zorte on guztioi eta ea Tour on bat ikusteko moduan izaten garen!

#361 Tropela.eus podcastak: 2019ko Frantziako Tourra errepasoa – 21. etapa

Sagan (BOH), Bernal (INS) eta Bardet (ALM) 2019ko Tourreko mailloten irabazleak

Hauxe duzue 2019ko Frantziako Tourreko 21. eta azken etaparen podcasta. Bertan Egoitz Lizasok (@elizaso) azken etapa esprintean Ewanek (LTS) irabazi zuela kontatzen digu. Horretaz gain, sailkapen guztiak errepasatzen ditu baita Tropelako puntuak ere.

Gogoratu aurtengo Tourreko irabazlea Bernal (INS) izan dela Thomas (INS) eta Kruijswijken (TJV) aurretik.

#360 Tropela.eus podcastak: 2019ko Frantziako Tourra errepasoa – 20. etapa

Nibalik (TBM) irabazi du 2019ko Frantziako Tourreko 20. etapa

Alpeetako azken etapa eta 2019ko Frantziako Tourreko azken etapa erabakigarriaren laburpena egiten digu Egoitz Lizasok (@elizaso) podcast honetan.

59 km-ra laburtutako 20. etapa hau behintzat ospatzeko moduan izan da eta indartsuena Nibali (TBM) izan da etapa garaipena eramanez. Tourra, aldiz, Bernalek (INS) eramango du etapa garaipenik lortu ez arren. Bigarren Thomas (INS) taldekidea izango da eta hirugarren Kruijswijk (TJV) herbeheretarra Alaphilippek (DQT) helmugan 3 minutu galdu ondoren.

Bihar 21. eta azken etapa izango da Tourrean, 21:00ak aldera amaitzea espero den etapa.