#postEuskaltel

postEuskaltelIritsi da Euskaltel gabeko lehenengo denboraldia. Abian da, jada. Eta talde laranjaren hutsune hau izango da zaleontzat, garai berria ulertzeko gakoetako bat. Talde ohiaren txirrindulari zein langileentzat gertaera honek izan dituen ondorioak ezagunak ditugu. Eta horregatik, beste ikuspegi bat eman nahi nioke hausnarketari: zaleona. Zaleok nola, zein eratan nozituko dugu #postEuskaltel aroa?

Egokitzapen honetako lehen ariketa Santos Tour Down Under-ek ekarri digu: iazkoan 6 euskal ordezkari izan bagenituen, aurten Imanol Erviti bakarrik. Iaz Izagirre anaiek, desordutan, hain hurbiletik jarraitu arazi ziguten lasterketa, aurten urrunago sentitzen dugu. Denboraldia beranduago hasiko zaigu. “#postEuskaltel” irakurtzen jarraitu

People’s Choice Classic: Tour Down Under lasterketaren aurrerapena

Gaur jokatu da People’s Choice Classic, Adelaiden jokatzen den lasterketa Tour Down Under hasi aurretik. Denboraldiko lehen World Tour Lasterketa asteartean hasiko da, baina taldeek gaurko lasterketan ere parte hartzen dute.

Ohi moduan, esprintean amaitu da gaurko etapa:

1. Kittel (GIA)

2. Greipel (LTB)

3. Ewan (UNI)

4. Sutton (SKY)

5. Rojas (MOV)

6. Alaphilippe (OPQ)

7. Renshaw (OPQ)

8. Cantwell (AUS)

9. Viviani (CAN)

10. Roelandts (LTB)

Hemen duzue esprintaren bideo ikusgai: “People’s Choice Classic: Tour Down Under lasterketaren aurrerapena” irakurtzen jarraitu

Berriro ere martxan da nazioarteko tropela

Tour Down UnderDenboraldia gero eta lehenago hastea ohitura bihurtzen ari den honetan, urtarrilaren 3. astea hasi ez eta jada martxan ditugu taldeak. Duela urte batzuk talde apalen lasterketak zirenak gero eta partaidetza sendoagoa bereganatzen doaz, baita zaleen arreta handiagoa ere, txirrindularitza denboraldi berri baten goseak bultzatuta lehen mokaduaren bila dabiltzanak.

Munduko txirrindulari garrantzitsuenetariko askok denboraldi hasierako lasterketa hauek prestaketa bezala erabiltzen dituzte hurrengo hilabeteetan izango dituzten helburuei begira eta beste batzuek, esprinter askok kasu, urteko lehen garaipena poltsikoratzea izango dute gogoan lehen aste hauetan. Horregatik, talde askok hegazkina hartu, ekuatorea zeharkatu eta hego hemisferiora abiatzen dira lasterketa eta tenperatura egokien bila.

“Berriro ere martxan da nazioarteko tropela” irakurtzen jarraitu

2014rako Tropelako lasterketen egutegia prest!

20140116-012000.jpgAsko zineten 2014ko egutegiaren zain zinetenak eta azkenean prestatu dugun kiniela publiko egiteko eguna iritsi da. Ea zer iritzi duzuen!

Gogoan izango duzue nola iazko denboraldiaren amaieran galdeketa bat jarri genuen abian. Galdeketa horren bidez Tropelan ditugun lasterketen inguruan zuen iritzia jasotzea zen asmoa. Iritzi horiek ere kontutan hartu ditugu ikusiko duzuen moduan.

Aurtengo denboraldiari Paris-Nizarekin ekingo diogu. Bai, askok Tour Down Under lasterketa egutegian sartzeko eskatzen zeniguten eta ez dugu sartu. Ez sartzearen arrazoi nagusiena otsailean lasterketa esanguratsurik ez dagoela da eta Tour Down Under eta Paris-Nizaren artean tarte handiegia ikusten genuela. Beraz, azken urteetan bezala, Paris-Nizarekin hasiko gara.

Hasiera lasterketa berarekin izan arren, aurten guztira 20 lehiaketa izango ditugu. Ondoren zerrendatu ditugu aurten berriak izango direnak:

– Tirreno – Adriatikoa

– Milano – Sanremo

– Kataluniako Volta

– Flandriako Tourra

– Paris – Roubaix

– Suitzako Tourra

– Giro Rosa

– Lombardia

“2014rako Tropelako lasterketen egutegia prest!” irakurtzen jarraitu

Neguko gurpil gaineko ikuskizunak amaitzear

Aitor Hernandez 2013-2014 denboraldianAurtengo ziklokros denboraldia azken txanpan sartzen ari da. Asteburu honetan daude herrialde desberdinetako txapelketak jokoan eta otsailaren 1 eta 2an munduko txapelketak ospatuko dira Hoogerheide-n (Herbehereak).

Gureei dagokienez, Aitor Hernandez ari da izaten denboraldiko dominatzaile nagusia. 15 lasterketa irabazi ditu dagoeneko, oker ez banago estatuan jokatu dituen guztiak 2 izan ezik eta Lezamako lasterketan, berak lortu zuen Euskadiko Txapelketa ere. Egoitz Murgoitio oso sendo hasi zen, baina 2 hilabete doa lasterketetatik kanpo, antza denez erorketa batek eragindako arazo fisikoen ondorioz.

Javier Ruiz de Larrinaga, aldiz, oso erregular aritu da Munduko Kopan egin dituen agerraldietan eta nazioartean inoizko mailarik onenean ari da. Etxean, baina, Aitor Hernandez bikain bat izan du aurrean eta pasa den asteburuan Ormaiztegin bakarrik lortu zuen Aitor atzean utziz garaipena eskuratzea. Hau horrela, indarrak oso berdindurik iristen dira Segorben igandean ospatuko den elite mailako Espainiako Txapelketara. “Neguko gurpil gaineko ikuskizunak amaitzear” irakurtzen jarraitu