Mikel Nieve ere ikurrinarekin

2014_SKY_Mikel_Nieve_webguneaUrte hasiera guztietan bezala, txirrindulari talde guztiek beraien ekipamendu berriarekin argazkiak ateratzen dituzte. Ekipamendu berriarekin eta taldekide berriekin. Izan ere, dakizuen moduan, nahiz eta 2014rako kontratuen berri lehenago jakin, irudi kontratuak tarteko, ezin talde berriaren jantziekin atera urtea hasi aurretik.

Sarean txirrindulari eta taldeen aurkezpen argazki mordoa aurkituko duzue egunotan. Horietatik guztietatik, ordea, Mikel Nieverena ekarri nahi nuen blogera. Izan ere, iaz Haimar Zubeldia eta Markel Irizarrek Radioshack-Nissan-Trek talde amerikarrean ikurrinarekin agertu ziren moduan, aurtengoan Mikel Nieve izan da ikurrina SKYren wegunera eraman duena.

Pozgarria benetan hiru euskaldun hauen jokabidea gai honen inguruan. Ni behintzat asko pozten naiz.

2014a berrikuntzekin dator!

Tropela.netUrte berri on guztioi!!!

Egun gutxi barru hasiko da errepideko txirrindularitzaren denboraldi berria. Gu dakizuen moduan buru belarri ari gara lanean 2014ko urtea prestatzen. Dagokion momentuan izango duzue berrikuntzen berri. Bitartean itxaroteko eskatzea besterik ez zaigu geratzen.

Guretzako 2014a urte gogoangarri bat izango delakoan gaudela ekin diogu urte berri honi. Zuentzat ere hala izango dela espero dugu.

Jarrai dezagun txirrindularitzaz gozatzen!!

Euskaltelek, Samuel Sanchez buru duela, Formula 1 helburu [inozentada]

Euskaltel autoaDerioko enpresak marketin arloan aldaketa sakon baten beharra azaldu zuten eta berriki jakin dugu estrategia zertan izango den. Talde laranjak gurpil gainean jarraitzea du helburu, baina bi gurpiletatik lau gurpiletara jauzi egiteko asmo sendoa erakutsi dute.

Dakizuen moduan finantziazio arazoak tarteko txirrindulari taldea kudeatzen zuen enpresak ateak itxi ditu baina Derioko arduradunek, langileei ahalik eta irtenbiderik onena emateko asmotan, enpresari eustea erabaki dute izen aldaketa bat gauzatuta: Basque Pro F1 Team. Horixe, Formula 1ean aritzeko helburua izango lukeen enpresa berria izango litzateke. “Euskaltelek, Samuel Sanchez buru duela, Formula 1 helburu [inozentada]” irakurtzen jarraitu

2014 denboraldiko lasterketen inguruko galdeketa. Emaitzak

Olentzero gaur gauean izango da gurean opariak eta batez ere poztasuna banatzen. Guk hitz eman genizuen bezala, Olentzerorekin batera, 2014 denboraldiko lasterketen inguruko galdeketaren emaitzak plazaratu nahi izan dugu. Eta 2014 denboraldiko egutegia noiz argitaratuko dugun? Bada berandu baino lehen, laster.

435 izan zineten galdeketa erantzun zenutenak eta guzti guztioi gure eskerrik beroenak eman nahi dizkizuegu zuen iritzia gugana ekarri izanagatik. Zuen erantzunek asko lagundu digute hurrengo urteko denboraldia egituratzeko orduan hurrengo lerroetan ikusiko duzuen moduan.

Lau izan ziren erantzun beharreko galderak. Hona hemen galderak, erantzun posibleak eta zuen erantzunak banan bana aztertuta.

“2014 denboraldiko lasterketen inguruko galdeketa. Emaitzak” irakurtzen jarraitu

Rogersek ere klenbuterola odolean

Izenburu gordina jarri diot berri honi, baina uste dut garai hauetan dopinaren aurkako jarrera gogorragoa hartu beharrean garela.

Txirrindularitza aldatzen ari dela lau haizetara zabaltzen duten honetan, Rogers australiarrak positibo eman duela jakin berri dugu. Zerekin eta klenbuterol sustantzia aski ezagunarekin, bestela galdetu Irungo harakinari. Baina ez da kontua hor geratzen, izan ere Rogers Contadorren taldekidea izan baita aurtengo urte honetan eta ondo dakigun moduan Contadorrek sustantzia berarekin eman zuen positibo orain 3 urte. B lagina eskatzeko aukera izango du Saxokoak, baina zer gertatuko den nahiko argi dut nik behintzat.

Tinkovek hartu du Riisen taldearen jabetza berriki. Errusiarrak hasiera traketsa izan duela agerian da. 2014a ere hain oker joango ote zaie?