Euskara, teknologia eta txirrindularitza
L’Equipe-k atera berri du albistea. Dioenez, hirugarren belaunaldiko EPOarekin eman du positibo.
L’Alpe d’Huez-eko etapa irabaztea zuen hurrengo helburu, eta, zergatik ez, podiuma ere. Baina positibo horren ostean, zigorra… Ba, ez du inoiz irabaziko L’Alpe d’Huez-en. Eta ea zer egiten duen Saunierrek geratzen diren etapetan: Cobo, Piepoli… Ikusiko dugu.
Hortaz, beste bat jausi da, ea zein den hurrengoa.
37 urteko Beltran izan zen lehena EPOarekin akusatua orain egun gutxi, eta gaur 27 urteko Dueñas. Honen kasuan polizia frantziarrak sustantzien frogak aurkitu ditu bere gelan, beraz, ezin ezan egoera berean dagoenik. Dueñasek erlojupekoan egindako analisietan eman zuen positibo Hori jakinda, ohikoa den bezala, polizia frantziarrak miaketa burutu du zegoen gelan eta sustantziak aurkitu aurreratu dizuedan bezala. Ondorioz Frantzian onartu berri den sustantzien legearen arabera, 75000 eta 5 urterainoko kartzela zigorrari aurre egin beharko dio. Oraindik komisarian omen dago Barloworldeko gaztea. Continue reading “Dueñas ere bai”
Aurtengo Tourraren lehen astea (ia lehen erdia ere esan genezake) oso polita eta ikusgarria izan da. Eta atzoko etapak nabarmen utzi duen bezala ez dauka patroirik edota lider sendorik. Horrek ikuskizunari dagokionez ate asko parez pare irekita uzten ditu, beraz, datozen egunetan eraso eta ezusteko dezente izango ditugunaren esperantza daukat. Ikusiko ditugu. Bitartean egun hauetan ikusitakoaren irakurketa egin nahiko nuke.
Ibilbideari dagokionez, aurten antolakuntzak aldaketa nabariak egin ditu. Bazirudien gainsariak ez izatean lehen aste honek tristea behar zuela izan. Prologorik ez da egon baina lehen etapako amaiera gogorrak tarteak sortuko zituela bazekiten guztiek. Azken kilometroetan sartutako aldapatxoek Italiako Giroa gogorarazi didate, eta horri esker amaiera esplosiboa duten ziklistek beraien aukerak izan dituzte. Valverdek eta Hushovd-ek irabazi zituzten amaiera aldrebes horiek eta lehen gaintxo serioxeagoan Riccok erraz menderatu zuen faboritoa, Valverde. Amaiera ikusgarriak izan ziren hirurak. Beste amaiera gogorra 7. etapan izan zuten, baina hemen indartsuenen taldetxoari Luis Leon Sanchezek aurrea hartu zien eta beste garaipen eder bat ikusi genuen.
Lehen astea izateko aurtengo Tourreko hautagaiek aurpegia nahikoa erakutsi behar izan dute, nahiz eta beraien arteko denborak ez diren batere erabakigarriak izan. Denbora tarteei dagokionez, 4.etapan izan zuten erlojupeko laua izan da oraingoz tarte handienak eragin dituena. Stefan Schumacher-en garaipenak gehienoi ezustean harrapatu gintuen, Cancellarak ordularia puskatuko zuela uste baikenuen. Continue reading “9.etaparen ondoren, dena airean!”
Askok morboa sustatzearen errudun joko nauzue, baina ezin dut utzi albo batera atzo jaso genuen berri hau. Gainera niri ematen didate amorrurik gehien holako gertaerek, inguruko askok tribialki jotzen baitituzte txirrindulari guztiak “dopatzailetzat”. Eta horrek sutu egiten nau.
Hau esanda, Jaengo 37 urteko ziklistaren positiboak izango dituen ondorioak aipatu nahi nituzke. Hasteko, dakizuen bezala Beltranek EPOarekin positiboa eman zuen A laginarekin. Gogoratu gero zein tirabira izaten diren B laginekin, baina oraingoz lehenengoak positiboa eman du. Ondorioz, Pozzato eta bere taldekideek (Kreuziger, Nibali,…) lasterketan jarrai dezaten Beltran taldetik alboratu dute. Beraz, oraingoz, Liquigasek lasterketan jarraitu ahal izango du. Continue reading “Beltran, Beltran”
Banuen gogoa erlojupeko honen emaitzak ikusteko! Eta a ze emaitza!! Tourraren nondiko norakoak aldaketak izan dituela ezin ukatu. Continue reading “Erlojupekoa gauzak beren lekuan jartzen”