Euskara, teknologia eta txirrindularitza
Eitb.com eta Tropela Elkartearen lankidetzari esker, aurtengo Frantziako Tourrean etapen jarraipena gure webgunean bertan egin ahal izango duzue. Eskuinean azaltzen diren oharrak minutuz minutu eguneratuko dira eta bertan Eitb-ko lagunek sartutako azken iruzkinak irakurriz eguneko etapa zein egoeratan aurkitzen den jakingo dugu. Bikaina!
Gaurko erlojupekoa jarraitu nahi duzula? Bada, hemen duzu beste aukera bat! Orain ez duzu aitzakiarik zure ziklista taldeari jarraipen berezia egiteko.
Ikaragarria Hushovdek daukan indarra, ikaragarria Cancellararena. Baina atzoko etapako gakoetako bat Pozzato izan zen. Cancellararen erasoei erantzutea ia ezinezkoa da, oso gutxik eusten diote, baina atzo Pozzatok erakustaldia egin eta harrapatu egin zuen. Eta etapa italiarrak irabazi behar zuela zirudienean, tropela gainera etorri zitzaien eta norvegiar handiak irabazi zuen. Columbia taldea ere oso indartsu dabil (Kirchen 2., Ciolek 3.). Garaipenaren zati handi bat Renshaw taldekideari zor dio Hushovdek �hori onartu zuen�, oso lan ona egin zuen-eta; etapa bukaerako besarkadek argi utzi zuten. Continue reading “Hushovd-Cancellara-Pozzato, eta gaur esprinta”
Nagusitasun handiz Valverde murtziarrak etapa garaipena eta liderraren mallot horia eskuratu zituen atzoko lehen etapan. Hasieran Schumacher eta gero Kirchen saiatu baziren ere, Valverdek bere bizikleta “flamantearekin” aurre hartu zien guztiei azken ehun metroetan.
Bagenekien Valverderi bukaera hau egoki zetorkiola, baina irakurri nion beharbada ez zutela nahi lehen egunean liderraren mallota eskuratzerik nahi horrek eskatzen duen arduragatik. Kontuak kontu, lehen egunean soinean jarri duela (portzierto, ez al zioten lau bat taila handiagoko mallota jantzi podiumean?). Continue reading “Murtziarra nagusi”
Amaitu da aurtengo Tourrerako kiniela egiteko epea eta iazko marka guztiak hautsiz denon artean zortzi mila kidetik gorako Tropela osatu dugu, 8.073 kinielakoa hain zuzen. A ze errekorra!
Gaurko eguna (eta gaua) erabiltzaile eta partehartzaileen datuak aztertzen pasako dugu, eta arauak betetzen ez dituzten erabiltzaileak eta beraien kinielak ezabatu egingo dira. Adibidez, datu faltsuak eman dituztenak, kiniela bat baino gehiago egin duten erabiltzaileak eta abar…
Hori dela eta, jakinarazi nahi dizuegu bihar arratsaldera arte ez ditugula lehen etapako sailkapenak argitaratuko. Eskerrik asko denoi proiektu honetako partaide izan eta tropel handiago bat osatzeko zuen hondar alea ipini duzuelako.
Zorte on guztioi eta onenak irabaz dezala!
Tropela.net webguneko lehiaketetan puntu gutxien banatu izan duen multzoa dugu berau. Hala ere, azken sailkapenean aurrean ibili nahi duen orok aukeraketa ona egin beharra du kasu honetan ere.
Azken multzo honetan, lehiaketarako interesgarriak sorta daitezkeen ezaugarri desberdineko txirrindulariak pilatzen dira. Bertan, etorkizun ederra espero zaien baina itzuli handietan oraindik ezer gutxi erakutsi duten gazte jendea, hirugarren mailako sprinterren bat, Tour hasiera polita egin ondoren – aurreneko erlojupeko baliatuta adibidez – egunero banatzen diren sailkapen orokorreko puntuak pila ditzakeen baten bat edo helmugara iristen diren ihesaldietan trebatuak diren txirrindulariekin topo egin dezakegu. Norberaren arabera gelditzen da zein nolako ezaugarriak dituzten txirrindulariak aukeratuko dituen jakitea.
Badira sailkapen orokorrean aurrean amaitzeko aukerak dituzten txirrindulari batzuk. Dena dela, mota honetako apustu batek garesti irten dezake, askotan beraien Continue reading “Multzoak aztertuz (VI): Besteak”