Lehen aldia izan da Tropelak Ardenetako Hirukotean emakumezkoen Flèche Wallonne lasterketa sartzen duena. Horrek gaurkoan, Tropelan ohi ez bezala, egun berean bi emaitza izatea zekartzan. Noski, denok zain zain izan gara. Asko izango zineten ez zenekitenak emakumezkoek gizonezkoek baino ordu t’erdi lehenago amaitzen zutela lasterketa. Ikusi ere ikusiko genuke lasterketa zuzenean, baina zoritxarrez emakumezkoen lasterketak, iazko Londreseko Olinpiar jokoak salbu, zail da telebistan aurkitzea. Continue reading “Vos eta Moreno Flèche Wallonneko garaileak”
Kategoria Artxiboak:Iritzia
Kreuzigerren lehen klasiko handia
Saxo Bank-Tinkoff taldeko txekiarrak irabazi du Amstel Gold Race. Bakarrik helmugaratu da. Valverde izan da azkarrena pelotoian, 22 segundora eta Gerrans hirugarren izan da. Taldetxo horretan, besteak beste, Henao kolonbiarra, Gilbert Munduko Txapelduna, Mollema holandarra eta Gasparotto italiarra –iazko garailea- sartu dira.
Inolako zalantzarik gabe oso garaipen garrantzitsua erdietsi du Kreuzigerrek, eta agian bide berri bat urratzen hasi. Izan ere, igotzaile ona da txekiarra. Eta erlojuz kontra ere itxuroso moldatzen da. Horrek, baina, ez dio balio izan hiru asteko itzulietako podiumik zapaltzeko; bereziki handia izan zen iazko Giroan jasotako zaplastekoa. Etapa irabazi zuen Alpe di Pampeagon, bai, baina bezperan minutu asko galdu eta agur esan behar izan zion sailkapen nagusiari. Beharbada, klasikoetan bide oparoa urratuko du Kreuzigerrek aurrerantzean. Continue reading “Kreuzigerren lehen klasiko handia”
#76 Tropela.net podcastak: Ardenetako Hirukotea 2013. Ibilbidearen eta txirrindularien azterketa
Post honetan Axier Sukiak (@sukigalp), Hibai Martinez eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Ardenetako Hirukoteari errepasoa egiten diote, denboraldiko hirugarren kinielari begira interesgarri izan dakizukeena. Gainera askok eskatu diguzue podcast hau prestatzea eta nola esan ezetz!
Hona hemen jorratu diren gaiak:
– Ibilbideari errepasoa.
– Multzoei errepasoa, bai gizonezkoen multzoei baita emakumezkoei ere.
– Zein estrategia erabili txirrindulariak hautatzeko orduan? Solaskideek zenbait klabe eta izen ematen dituzte.
Argazkia: Team Sky
Klasikoak bai…baina zein klasiko?
“Klasikoek geroz eta garrantzi handiagoa daukate nazioarteko egutegian”. Halaxe zioen iaz urria aldera Igor Gonzalez de Galdeanok. Hala zioen, paradoxikoki, txirrindularitzaren historian bere izena urrezko letraz idatzirik duen Fiorenzo Magni klasiko gizon handia (ez baitzuen, italiarra izanagatik, alferrik “Flandeseko Lehoia” goitizena jaso), zendu eta egun gutxira. Eta paradoxikoki diot, esaldi harexek berak txirrindularitzarentzat horren zutarri garrantzitsu den bere historiari berari, izan zuri-beltzean nahiz kolorean, nolabaiteko errespetu falta erakusten ziola iruditu zitzaidalako orduko hartan. “Klasikoak klasiko badira, urteetan zehar kirol honetan ukaezinezko garrantzia izan dutelako izango da”, pentsatu izango genuen askok; klasikoak, txirrindularitzaren erromantizismoaren ikur, bi gurpilen gaineko totem askoren jaioleku, eta zalantzarik gabe, txirrindularitza bera bere osotasunean ulertzeko ezinbesteko osagaia. Continue reading “Klasikoak bai…baina zein klasiko?”
Rene Vietto eta Radio Caracol
Martin alemaniarrak irabazi du Beasaingo erlojupekoa. Sailkapen nagusiari dagokionez, Quintana kolonbiarrak -bigarrena izan da erlojupekoan- etxeratu du Itzulia gehienek Porte faboritotzat jotzen bazuten ere. Porte eta Henao izan ditu ondoan Quintanak Beasaingo podiumean.
Hala ere, azken emaitzaz harago, beste bi zertzelada ematera natorkizue plaza honetara oraingoan. Ez dago dudarik. Amets Txurruka izan da Itzuliko protagonista nagusia. Edo nahiago baduzue protagonista nagusienetako bat. Ziurrenik Ametsek ez du jakingo nor zen Rene Vietto. Ezta kinielan beste inork baino puntu gehiago lortu dituen Sakopakok ere -bejondeiola!-. Kinieletan balego askok aukeratuko genuke begiak itxita, ziur. Nor zer Vietto?. XX. mendeko 30 eta 40ko hamarkadetako txirrindulari frantziarra zen. Viettok ez zuen Tourra irabazterik izan, baina bera beste inor baino gehiago maite zuten zaleek. Izugarrizko estimua zioten, Ametsi bezala. Continue reading “Rene Vietto eta Radio Caracol”