#435 Tropela.eus podcastak: 2020ko Espainiako Vuelta

Irunetik abiatuko da 2020ko Espainiako Vuelta, COVID-19aren eraginez urriraino atzeratua izan delarik

Podcast berri honetan, Iban Hernandez (@piban), Lander Garro (@landergarro) eta Egoitz Lizaso (@elizaso) mikroen aurrean jarri dira 2020ko Espainiako Vuelta abiatu bezperatan kiniela errepasatzeko. Berandu? Bai, inoiz baino beranduago, baina ez zuten hutsik egin nahi eta hemen duzuen beraien solasaldia entzungai, beti ere, kinielak egiteko lagungarri izango delakoan.

Podcastera harpidetu

#420 Tropela.eus podcastak: 2020ko Italiako Giroa

Italiako lasterketa handia hastear dugu

Larunbat honetan abiatuko da 2020ko Italiako Giroa. 3 erlojupeko izango dituen edizio hau urrian jokatuko da pandemiak eraginda denboraldia berrantolatu beharrean izan baita UCI.

Podcast honetan Imanol Llucia (@imanolllucia), Eneko Garate (@egarate) eta Egoitz Lizaso (@elizaso) bildu dira bai ibilbideari errepasoa emateko, eta bereziki, Tropelaren aurtengo Giroaren kinielari.

Podcastera harpidetu

#419 Tropela.eus podcastak: 2020ko Frantziako Tourraren “kontraerasoa”

Tropelako 2020ko Frantziako Tourraren aurkezpen atala

Podcast honetan 2020ko Frantziako Tourrak Tropelan eta Tropelako erabiltzaileongan izan duen eraginaz aritzen dira solasean Iban Hernandez (@piban), Lander Garro (@landergarro), Eneko Garate (@egarate) eta Egoitz Lizaso (@elizaso). Errepaso honetan Tourra hasi aurreko podcastean esandakoak ere ekartzen dituzte gogora.


Podcastera harpidetu

#418 Tropela.eus podcastak: 2020ko Frantziako Tourra errepasoa – 21. etapa

San Bennettek (DQT) berdez jantzita irabazi du Parisen jokatu den azken etapa

Amaitu da 2020ko Frantziako Tourra gaur jokatu den 21. etaparekin. Garaipen berezia lortu du Bennettek (DQT) Parisen izan ere ez baita ohikoa berdez jantzita irabaztea. Edonola ere protagonista Pogacar (UAD) izan da Tourra, mendiko saria eta gazte onenaren sariak poltsikoratuz.

Podcast honetan Egoitz Lizasok (@elizaso) Tourrari berari baino Tropelako kinielari egiten dio errepasoa.

Podcastera harpidetu

#395 Tropela.eus podcastak: 2020ko Milan-Sanremo klasikoa

111. edizioa izango da larunbateko lasterketa

Denboraldiko lehen monumentua izango da larunbateko Milan-Sanremo klasiko handia. COVID-19ak abuzturaino atzeratzea eraginda, beraz, udazkeneko eguralditik udarako berotan murgilduta jokatuko da aurtengo Italiako monumentu hau. Podcast honetan Lander Garro (@landergarro), Eneko Garate (@egarate) eta Egoitz Lizaso (@elizaso) bildu dira klasikoaz hitz egiteko eta, nola ez, momentu honetan bolo-bolo dagoen Jakobsen (DQT) txirrindulariaren eroriko larria.