Kategoria Artxiboak:Analisia

#72 Tropela.net podcastak: Munduko Txapelketa 2012. Emakumezkoei errepasoa

Aurtengo Munduko Txapelketa Limburgen jokatuko da. Londreseko Olinpiar jokoetan egin bezala, Munduko Txapelketa honetan emakumezkoak ere aukeratu behar dira Tropelako kinielan. Podcast honetan Eneko Garate (@egarate), Axier Sukia (@sukigalp) eta Egoitz Lizasok (@elizaso) emakumezkoek egin beharko dituzten ibilbideak eta emakumezkoak aztertzen dituzte.

Ondorengo edukia aurkituko duzue entzungai besteak beste:

– Limburgeko ibilbidearen azterketa: erlojuaren kontrakoa (24km) eta errepidekoa (129km).
– Tropelako kinielan emakumezkoen multzoei azterketa.
– Limburgen izango diren emakume ordezkariak: Eneritz Iturriaga eta Ane Santesteban.
– Nola banatuko dira euskaldunen puntuak?

Partaideak, multzoka

Zigorrak, lesioak, Munduko Txapelketarako prestaketa edo txirrindulari gazteenei aukera ematea. Bada arrazoi mordoska, aurtengo Vuelta-ra izen ilustre ugari inguratzeko. Partaidetza aberats hontatik abiatuta, Tropela-ko kideek (azkenaldian ohi dutenez), kiniela mamitsua proposatu digute. Has gaitezen korapiloak askatzen:

HAUTAGAI NAGUSIAK

CONTADOR: Hiru astekoetan balorerik seguroena izan da azken urteetan. Ez dut uste sei hilabeteko etenak, gainditu ezin dezaken oztoporik sortuko dionik. Azkar hartzen du erritmoa, irrikaz eta gosez itzuli beharko litzateke, taldea ere esnatu zaio eta, batez ere, azkenaldian lehen aldiz, denboraz planifikatu ahal izan du bere prestaketa. Lehen astean, defentsan lan egin beharko du, azken astean erasora pasatzeko. Bjarne Riis-ek birritan errepikatu bezela: “Contador-i dagokio faborito nagusiaren txartela”. Continue reading “Partaideak, multzoka”

#69 Tropela.net podcastak: Londreseko Olinpiar Jokoak 2012. Ibilbidea eta txirrindulariak

Londreseko Olinpiar Jokoetan jokatuko diren errepideko eta erlojuaren kontrako lehiaketaren inguruan aritzen dira podcast honetan Axier Sukia (@sukigalp) eta Egoitz Lizasok (@elizaso). Lehiaketa honetan 20 txirrindulari aukeratu behar dira, 15 gizonezko eta 5 emakumezko. Axier eta Egoitzek beren analisia egiten dute eta kiniela egiterako orduan interegarri izan daitezkeen hausnarketak egiten dituzte.

Podcastaren lehen zatian ibilbideaz aritzen dira eta ondoren txirrindulariez, lehenik gizonezkoen multzoez eta ondoren emakumezkoenez.

#65 Tropela.net podcastak: Frantziako Tourra 2012. Txirrindularien azterketa

Eneko Garate (@egarate), Raul Perez (@raulperezmartin) eta Egoitz Lizasok (@elizaso) 2012ko Frantziako Tourrean izango diren txirrindularien azterketa egiten dute podcast honetan.

Kiniela egiterako orduan zalantzak? Solaskideen iritziak lagungarri izan dakizkizueke.

#64 Tropela.net podcastak: Frantziako Tourra 2012. Ibilbidearen azterketa

Axier Sukia (@sukigalp), Iban Perez (@piban) eta Egoitz Lizasok (@elizaso) 2012ko Frantziako Tourraren ibilbideari errepasoa egiten diete:

– Aldaketa nagusi moduan 100 kilometrotako erlojuaren kontrako bakarka jokatu beharra.
– Mendiko etapen egitura ere ezberdina aurtengoan.