Etiketa Artxiboak:portzentajeak

Aurten, arriskatzeak saria dauka

Aurreko urteetan zer gertatu den ez dut gogoan eta ez dut aztertu, baina aurten, ia lasterketa guztietan kale egin du Tropelako katedrak. Hau da, lasterketa ez du irabazi, proba hasi aurretik parte hartzaileentzat hautagai nagusiena zenak. Edo alderantziz: lasterketa irabazi duena ez zegoen aukeratuenen zerrendako lehen postuetan. Hona irabazleen zerrenda:

*Paris-Niza: PORTE, Richie (%18,6)
*Euskal Herriko Itzulia: QUINTANA, Nairo (%20,9)
*Ardenetako Hirukoa:
Amstel Gold Race: KREUZIGER, Roman (%1,4)
Fleche Wallonne (emakumeak): VOS, Marianne (%94,6) Asmatuta!!
Fleche Wallonne: MORENO, Daniel (%2,0)
Lieja-Bastogne-Lieja: MARTIN, Daniel (%17,7)
*Italiako Giroa: NIBALI, Vincenzo (%43,0) [Askok asmatua baina Wiggins gehiagok aukeratu zuten]
*Dauphine Kriteriuma: FROOME, Christopher (%82,7) Asmatuta!!
*Emakumeen Bira: JOHANSSON, Emma (%3,1)
*Frantziako Tourra: Irabazlea??

Informazio gehiago nahi duenak webgunean aurkituko du lehiaketa bakoitzeko informazio guztia. Halere, ziklisten aukeraketa-ehunekoen eta hauek metatutako puntuen arteko erlazio batzuk ondorengo taula hauetan laburbildu dizkizuet. Continue reading “Aurten, arriskatzeak saria dauka”

Zer gertatzen da Tropela.net-eko portzentajeekin?

Hau da askok egin duzuen galdera. Ez da harritzekoa, izan ere, Hautagai nagusien multzoan bi hautagai bakarrik daude, Contador eta Andy Schleck, eta biak A multzoan daude; nola da posible hori?

Aukeraketa-portzentajeen gaia oso eztabaidatua izan da Tropela.net sortu zenetik. Askok kentzea eskatu izan duzue txirrindularitzaz gehiegi ez dakienari mesede egiten diola argudiatuz. Beste hainbatek, ordea, portzentajeak defendatzen ditu ‘ez hain aditu izanik’ gida gisa lagungarri egiten baitzaie. Continue reading “Zer gertatzen da Tropela.net-eko portzentajeekin?”

Portzentaiak bai ala portzentaiak ez? (II)

PortzentaiakDauphine-ko lehiaketan kiniela egiterako garaian portzentaiak kentzea erabaki eta hala egin zen. Guztia portzentaien inguruan izan diren jarrera eta iritzi ezberdinek eraginda izan da. Orain proba hori egin ondoren, ondorioak ateratzeko garaia da.

Lehenik eta behin gehien antzeman dudana da txirrindularitza jarraitzen ez dutenek lehiaketan parte ez hartzeko erabaki dutela izan da. Bai nire inguruan behintzat. Egin ez dutenei galdetuta arrazoia ez da izan portzentai altueneko txirrindulariak aukeratu ohi dituztelako, portzentaiekin filtro lan bat egiten dutela txirrindulariekin baizik. Hau da, ez dituzte txirrindulari guztiak irakurtzen ibili behar kiniela egiteko eta mapa moduko bat iruditzen zaie kiniela egiteko garaian nekagarri egin ez dakieken.

Beste ondoriotako bat nik neronek antzeman dudana izan da. Portzentaiak jakin gabe gehienek hartutako txirrindulariak aukeratu nituen bat izan ezik. Azkenean txirrinduraitza jarraitzen dugunok antzerako aurre ikuspenak ditugu. Portzentaiak agerian izan banituen beste txirrindulariren batzuekin arriskatuko nintzateke kinielari etekin handiagoa ateratzeko asmoz.

Nik behintzat aipatutako bi puntu nagusi hauek atera ditut Dauphineko lehiaketatik. Hau ikusita nire ustez portzentaiek ez dute pentsatzen dugun besteko ‘kalterik’ eragiten. Ez dakienari bidea errazten zaio eta txirrindulari jarraitzaileari arriskatzeko aukera murrizten zaio. Nik ondorio garbia dut: portzentaiekin hobe.

Portzentaiak bai ala portzentaiak ez?

Txirrindulari aukeraketaren portzentaiakDakizuen bezala Tropela.net-en lehiaketak egiten hasi ginetik gutxira erabiltzaileek aukeratutako txirrindularien portzentaiak erakusten ditugu kiniela egiteko denbora tartean. Badakigu informazio hau erakusgarri izateak aldeko eta kontrako iritziak sortzen dituela eta hori eztabaidagai jarri nahiko genuke post honen bidez.

Azken astehetan ugaritu egin dira informazio hori kentzeko eskatu diguzuen erabiltzaile kopurua. Egia da txirrindularitza gehiegi jarraitzen ez duenarentzat erreferentzia garrantzitsua izan daitekeela informazio hori. Baina bestalde, kiniela egiteko orduan gehiengoak zein aukeratu duen jakinda arriskatzeko aukera ere eskaintzen du informazio honek.  Segur aski bakoitzak arrazoi ezberdinak izango ditu portzentaia hauek jartzearen ala kentzearen alde izateko.

2010eko Italiako Giroari dagokionez mantendu egingo ditugu portzentaia horiek guztien eskuragarri. Aurrera begira eztabaida honen arabera lehiaketaren batean edo besten informazioa ezkutatzeko aukera ez dugu baztertzen. Zuen iritziak jasotzeko irrikitan gara!