Gaur 9 urte luze betetzen ditugu

Gaur betetzen ditu Tropelak urtea, 9 hain zuzen ere. Bai, 10. denboraldia da aurtengoa baina bete ditugun urteak 9 dira. Baina hala ere ez al dira asko? Pentsa zein lanpetuta gabiltzan post hau idazteko ere astirik hartu ezinda ibili garela. Baina ezin dugu gaur bezalako egun garrantzitsu bat, guretzat bederen, aipatu gabe aurrera egin.

Tropela Bertatik Bertara-n hizpide

Asteartean emitituko den saioaren parte izango da. Gaueko 9etatik aurrera eta Bertatik Bertara saioaren barnean, Tropela Elkartearen proiektuaren berri telebistaz jasotzeko aukera izango da. Zarauzko Malekoian grabatu zen elkarrizketan, Tropela Elkarteko hiru kidek Itxaro-rekin jardun zuten tropela.eus-en inguruan hitz egiten. Galderak, erantzunak… eta ordenagailuan tropela.eus. Hau guztia, astearte honetako Bertatik Bertara saioan.