Kategoria Artxiboak:Lehiaketak

#104 Tropela podcastak: Frantziako Tourra 2015, 2 atseden eguna

Froome, Quintana, Contador, Van Garderen, Valverde eta NIbaliPost honetan Imanol Lluciak (@ImanolLlucia), Iban Perez (@piban) eta Egoitz Lizasok (@elizaso) grabatutako podcasta aurki dezakezue. Podcast honetan 2015eko Frantziako Tourreko bigarren asteak eman duenaren inguruko azterketa aurkituko duzue. Hona hemen jorratu diren gai nagusiak:

– Zer gertatu da 4 izugarriekin? Froomek Tourra erabakita utzi al du?
– Lasterketan zehar helburuak aldatzea bertute bat da
– Ezustekoak izan dira
– Nola sartzen ditu Tropelak eguneroko emaitzak?
– La Course abian da!
– Alpeen zain

argazkia: http://www.skysports.com
Continue reading “#104 Tropela podcastak: Frantziako Tourra 2015, 2 atseden eguna”

Aurre analisia: 16. etapa: Bourg-de-Péage / Gap (201 km)

etapa 16Hirugarren astean murgilduta jada, Frantziako Tourreko pelotoi handiak bigarren atseden egunera iristeko etapa hau gainditu beharra dauka. Beste behin, azken egunetako joera berdintsua izango du etapa honek. Oso ibilbide aproposa izango dute iheslariek arrakasta izateko, are gehiago, azken bi egunetako pelotoiaren jarrera eta abiadura ikusirik. Gapeko etapako irabazlea ihesaldian egongo delakoan gaude.

Ihesaldia antolatzeko abiadura izugarria izango da hasierako kilometroetan, baina behin ihesaldia antolatuta dagoela, pelotoiak hanka altxa eta iheslariek errenta polita irabaziko dute mugimendua Gapeko helmugara eraman ahal izateko. Ibilbideak bi mendate dauzka, bereziki garrantzitsua izango da azken mendatea Col de Manse (8.9km, 5.6%), 12 km-ren faltan gaindituko dutelarik. Mendate honetan erabakiko da etapako irabazlea, gorantz ez bada, beherakoan. Oso jaitsiera bihurria da eta teknikoki trebeak diren txirrindulariek abantaila izan dezakete jaitsiera arriskutsu honetan. Continue reading “Aurre analisia: 16. etapa: Bourg-de-Péage / Gap (201 km)”

Aurre analisia: 15. etapa: Mende / Valence (183 km)

etapa 15
Frantziako Tourra azken astean sartzera doa, aurretik ordea, bigarren asteko azken etapa hau geratzen zaie egiteko. Etapa benetan zaila aurreikusteko. Ihesaldiak, beste behin, mugimendua helmugara eramateko aukera ona izango du, baina azken 40 kilometroak lauak diren heinean, baliteke txirrindulari azkarrak dauzkaten taldeek etapa honi ere zukua atera nahi izatea.

Ibilbidea ez da batere erraza izango, erdi bidean mendate garrantzitsu bat igo beharko dutelako Col de Escrinet (7.9km, 5.8%). Duda gabe, mendate honek esprinter garrantzitsuak atzeratuko ditu, ihesaldiak abantaila polita lortzeko aukera ezin hobea izango duelarik etapako zati honetan. Azken mendate gainetik helmugara 56 km faltako zaizkie, eta ihesaldiak daukan errentaren arabera talde bat edo beste jarri daiteke ihesaldia zapuztu nahian. Continue reading “Aurre analisia: 15. etapa: Mende / Valence (183 km)”

Aurre analisia: 14. etapa: Rodez / Mende (178.5 km)

etapa 14

Frantziako Tourreko bigarren asteburuko lehen etapa ihesaldiarentzat egina dago. Ez dago ibilbidea ikusi besterik ez, ihesaldiak aukera paregabea izango duela jabetzeko. Beste behin, ikusteko etapa polita izango dugu aurretik, batez ere ihesaldian murgiltzen diren txirrindularien artean egongo diren mugimendu ezberdinengatik.

Ibilbidearen lehen zatian mendate bat izango dute txirrindulariek, eta normalena, bertatik ihesaldia antolatuta ateratzea izango litzateke. Talde ezberdinek ondo dakite etapa hau ihesaldiak irabaziko duela, eta oraindik garaipen gabe dauden taldeek txirrindulariren bat edo beste ihesaldian sartzea nahiko dute, hasiera benetan bortitza izango duelarik etapa honek. Hortik aurrera, pelotoiak nabarmen altxako du hanka, ihesaldiak errenta polita hartzen duen heinean. Continue reading “Aurre analisia: 14. etapa: Rodez / Mende (178.5 km)”

Aurre analisia: 13. etapa: Muret / Rodez (198.5 km)

etapa 13

Pirinioetako etapa erreginaren biharamunean, hona hemen Frantziako Tourreko 13. etapa. Inondik inora, pelotoi nagusiari hanka altxatzeko balio izango dion etapa, hemendik eta igandera bitartean ihesaldien garaia iritsi dela esan daitekeelako. Ihesaldi indartsuak antolatu ezkero egun hauetan, pelotoi nagusiak ez dituzte helmugara bitartean ikusiko. Etapa honetan konkretuki, hiru mendate puntuagarri izango dituzte, beraz ihesaldiak bere aukerak izan ditzake. Continue reading “Aurre analisia: 13. etapa: Muret / Rodez (198.5 km)”