Tropela prest Emakumeen Birari laguntza emateko

Ez da lehen aldia Agustin Ruiz de Larringanek, egungo Emakumeen Bira itzuliaren arduradun nagusiak, lasterketaren etorkizuna kinka larrian dela plazaratzen duena. Edonola ere, badirudi oraingo hau benetako agurra izan daitekeela.

Dakizuen moduan Tropela 3 urtez Emakumeen Biraren komunikazio digitala bultzatzen aritu zen, besteak beste webgune berri bat diseinatuz eta hiru hizkuntzetan informatuz, beti euskara lehenetsiz nola ez. Eta hori guztia Tropelako kideen lan boluntarioari esker. Antolakuntzaren parte gero eta ardura gehiago hartzeko proposamena ere luzatu genien, baina iazko edizioaren aurretik jaso genuen erantzuna gehiago gure beharrik ez zutela izan zen.

Bi urterako lortu zuen World Tour lizentzia Agustinek eta badirudi behin bere nahia lortu ondoren, lasterketa mailarik gorenera eramatea, eta bi urteko konpromisoa osatuta, jada bere zikloa amaitutzat ematen duela.

Tristea iruditzen zaigu Emakumeen Biraren etorkizuna horrela ikustea eta norbait antolakuntzaren ardura hartzeko asmotan bada, esan Tropela Elkartea berriro ere komunikazio lanetan laguntzeko prest izango duela. Horretarako gurekin harremanetan jartzea besterik ez luke izango.

Oharra: gustatu zaizue azken bi urteetako lasterketaren logo eguneratua? Jakin ezazue hau izan zela Tropela elkarteak Emakumeen Birarentzat egin zuen azken lanetako bat, hau ere musu-truk.

#248 Tropela.eus podcastak: 2018ko Italiako Giroa errepasoak – 12. etapa

Giroko 12. etapan ezusteko gehiegirik ez da izan, eguneko ihesaldia eta amaieran esprinta. Azkenean azkarrena, eta indar handiz, Bennett (BOH) izan da. Sailkapen nagusian aldaketarik ez eta Yatesek (MTS) jarraitzen du lider. Hau eta gehiago kontatzen digu Iban Perezek (@piban) mini podcast honetan.

Teknologia berriak eta antolakuntza zaharkituak

Atzo goizean Lokatza Elkarteak aurtengo Gorlako igoerako “Radio Tour” internetez entzun ahal izango dela zabaldu zuen. Hau da, epaile eta lasterketa barruko ibilgailuen artean informazioa zabaltzeko eta lasterketaren egoera zein den jarraitzeko erabiltzen den irrati seinale hori edonork entzun ahal izango duela internet bidez. Inoiz halako seinalerik jarraitu ez duenak ez espero irrati saioen moduko ezer, aspergarria ere izan baitaiteke, seinalea galtzea ohikoa izaten delarik, soinu kaxkarra… baina dudarik gabe, lasterketaren informazioa momentuan jasotzeko biderik zuzenena da. Aurrerapauso bikaina eta txalotu beharreko ekimena teknologia berrien bitartez txirrindularitza jendearengana hurbiltzeko. Continue reading “Teknologia berriak eta antolakuntza zaharkituak”

2016ko sorpresen bila

Paris-Nice 2015 - 09/03/2015 - Etape 1 - Saint Remy Les Chevreuse - 196,5 Km - France - Le peloton au passage à Chambord

Txirrindularitzan lokatza garaia utzi berri dugun honetan Munduko Txapelketaren ospakizunarekin, Tropelako jarraitzaile eta kolaboratzaileok bagoaz gutxinaka-gutxinaka aurre denboraldiko etapa ezberdinak erretzen.

Proiektu honetako zati diren lehiaketa ezberdinak hurbildu ahala geroz eta sakonago ikertzen ditugu taldeen nondik norakoak. Continue reading “2016ko sorpresen bila”

XVIII. Emakumeen Bira Bubnenkovak irabazi du

Somarriba 8.a izan da lasterketan.

Emakumeen Biraren XVIII. edizioa amaitu da. Aurreneko egunetik lider jarri zen Svetlana Bubnenkova errusiarrak goitik behera menperatu duen lasterketa izan da. Podioan Trixi Worrack eta Mirjam Melchers izan ditu lagun. Euskaldunen artean Joane Somarriba eta Eneritz Iturriaga izan dira onenak, 8. eta 12. postuetan, 4 minutu inguruko atzerapenarekin.