Aurre analisia: 6. etapa, Abbeville / Le Havre (191.5 km)

etapa 66. etapa honek, benetan amaiera bihurria izango du. Hasiera hasieratik txirrindulariak ibilbide gorabeheratsuan ibiliko dira, eta gainera, kostaldetik doazen heinean, bat baina gehiagok estu ikusi dezake bere burua tropel handia jarraitzerako. Esprinta da aukera fidagarriena noski, baina ihesaldi indartsu bat antolatzen baldin bada etapako lehen zatian beraien aukeratxoa ere izan dezakete.

Etapa honetan ere haize-babesak beraien garrantzia izan dezakete, etaparen azken zatia ere kosta partetik egingo dutelako. Etaparen azken kilometro pasea goranzko joera garbia dauka (850m, 7%), azken 500m-ak lau antzean izango direlarik (1%). Duda gabe, aldapa honek esprinter bat baina gehiago jokoz kanpo utziko du eta gure ustez, Sagan (TCS) bezalako txirrindulari batentzat amaiera ezin hobea da. Matthews (OGE) ondo egon balitz, etapa polita izango litzateke berarentzat, baina erorikoa dela eta ez da bere momentu hoberenean aurkitzen. Saganek (TCS) garaipena gertu izan du egun hauetan baina oraindik ez du besoak altxatzea lortu, egoera hau aldatzekotan egongo da eslovakiar gaztea. Le Havreko amaiera beretzat egina dagoela dirudi, faborito argia izango da etapa irabazteko. Continue reading “Aurre analisia: 6. etapa, Abbeville / Le Havre (191.5 km)”

Aurre analisia: 5. etapa, Arras Communauté Urbaine / Amiens Métropole (189.5 km)

etapa 5Atzoko etapa urduriaren ostean, barea iritsiko da berriz ere pelotoi nagusira. 5. etapa, ibilbideari dagokionez, lasterketako etaparik errazenetarikoa izango da eta sailkapen nagusiko hautagaiak erlaxatzeko aukera izango dute etapa honetan. Nahiz eta perfilak gogortasun puntu bat adierazi, ez dute mendate puntuagarririk izango Amiensera bidean, beraz gizon azkarren esprinta ziurtatuta dagoela esan dezakegu.

Perfilari tentuz erreparatzen baldin badiogu, ikusiko dugu nola ibilbidearen zehar hainbat aldapatxo gainditu beharko dituzten, aparteko zailtasun gabekoak ordea. Hala ere, esfortzu hauek txirrindulari azkarren indarrak lermatuko ditu. Eguraldiak ere bere garrantzia izan dezake etapa hontan, euri pixkat espero baita egunean zehar. Continue reading “Aurre analisia: 5. etapa, Arras Communauté Urbaine / Amiens Métropole (189.5 km)”

Aurre analisia: 4. etapa, Seraing / Cambrai (223.5 km)

Frantziako Tourra 2015: 4. etapa

Gutxika gutxika badoa Tourra martxa hartzen eta 4. etapa, etapa handia da oso, inflexio puntu bat izan daitekeen harbideetako etapa. Belgikako mugak atzean utziz, Frantzian sartzen da Tourra.

Iaz gertatutako ikusirik, aurten ere harbideetako ikuskizun handiarentzat etapa bat gorde dute antolatzaileek eta esan beharrik ez dago etapa garrantzitsu baten aurrean gaudela. Tourreko etaparik luzeena izango da (223km) eta etapako azken 40 kilometroetan 6 harbide ezberdin gainditu beharko dituzte txirrindulariek. Sailkapen nagusiaren lehian ibiliko diren txirrindulariek benetan beldur die horrelako ibilbideei, beraien aukerak horrelako etapetan galdu ditzakete eta. Iazko sarraskia ikusirik, gainditu beharreko erronka baten aurrean daude. Continue reading “Aurre analisia: 4. etapa, Seraing / Cambrai (223.5 km)”

Aurre analisia: 3. etapa, Anvers / Huy (159,5 km)

Frantziako Tourra 2015: 3. etapaTourreko 3. etapa klasika kutsua izango du. Belgikako mugak zeharkatuz, Huy aldapa beldurgarri eta gogorrenean amaituko da klasika deitu dezakegun etapa hau.

Antolatzaileek keinu polita egin nahi izan die Ardenetako Fleche-Walonne klasika handiari, 3. etapa klasikaren erreplika bat kontsideratu baitaiteke. Kasu honetan ere, Huy-ko tontorra erabakigarria izango da, bertan aurkitzen diren % gogorrek (1.3km, 9.6% / max. 19%) irabazlea nor izango den erakutsiko baitigu.

Faboritoez hitz egiten baldin badugu, aldapa motz eta gogorretan ondo aritzen diren txirrindulariei erreparatu beharra dago.

Continue reading “Aurre analisia: 3. etapa, Anvers / Huy (159,5 km)”

Aurre analisia: 2. etapa, Utrecht / Zélande (166 km)

Frantziako Tourra 2015: 2. etapa

Tourreko 2. etapa, oraindik lur Herbehereetan murgildurik, Utrecht hiritik Zélandera eramango dituzte txirrindulariak, Tourreko lehen lineako etapa izango dena, etapa arriskutsua benetan.

Denok dakigunez, Tourreko lehen asteak oso urduriak izaten ohi dira. Taldeak guztiek pelotoi buruan kokatze nahiak zoramena dakar eta hau, tamalez, erorikoetan bilakatzen da. Lehen etapa hau ez da salbuespen bat izango, are gehiago, etapa urduri eta arriskutsua espero da etapako azken 50 kilometroak kostaldean egingo dituzten heinean, haizearen presentzia ziurtaturik dagoelako. Haize-babesak bere garrantzia izango du etapa honetan.

Taldeei erreparatzen baldin badiogu EQS, BMC, SKY edota AST bezalako taldeek pelotoia mila zatitan apurtzeko ahalmena eta indarra daukate, beraz ikusiko dugu ea ze jarrera hartzen duten talde ahaltsu hauek. Ez dago dudarik etapa esprintean amaituko dela, kontua da ea ze esprinter izango ditugun etaparen lehian, bat edo bestek bere aukerak galduko baititu Zélandera bidean.

Continue reading “Aurre analisia: 2. etapa, Utrecht / Zélande (166 km)”