Italiako Giroa – 29 orrialdea

Italiar belaunaldi berria: zer espero dezakegu?

Ostiral egun batez eta Belfastetik. Hasiera xelebrea, edo zergatik ez, interesgarria, izango du Italiako Giroak. Baina datu horren gainetik, partaidetza bera da agian lasterketaren bereizgarria aurtengo ekitaldian. Zaletu, aditu eta apustulari guztien ahotan Nairo Quintana eta Joaquim Rodriguezen izenak azaltzen dira ia soilik. Bigarren maila batean, baina distantzia dezentera, iazko podiumean izan ziren Rigoberto Urán eta Cadel Evans ditugu. Gauzak honela, lasterketa arrosaz hitz egiten ari garela, galderak argia dirudi: non dira italiarrak?

Esan gabe doa, iazko garaile handia eta itzuli handietarako Italiako erreferente nagusi den Vincenzo Nibali irteeran ez egoteak baldintzatzen du egoera hau. Bere itzala luze ageri da: Ivan Basso aspaldi onenak emanda delarik, eta Michele Scarponi bere enegarren azken apustuaren aurrean, Domenico Pozzovivok har lezake buruzagitzaren lekukoa. Hamar lehenen artean hiru alditan sailkatu ostean, bere aurreneko podiuma izango du jomuga Ag2r-ko igotzaile txikiak.

Domenico Pozzovivo Continue reading “Italiar belaunaldi berria: zer espero dezakegu?”

#90 Tropela.net podcastak: Italiako Giroa 2014. Ibilbidearen eta txirrindularien azterketa

Italiako Giroa 2014 Post honetan Eneko Garatek (@egarate) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Italiako Giroari errepasoa egiten diote. Hona hemen jorratu diren gaiak:

– Ibilbideari errepasoa: aurtengo urtean Irlandatik abiatuko da Giroa.
– Erlojuaren kontrako hiru etapa izango dira, bakoitza mota ezberdinetakoak: taldekakoa, bakarkako arrunta eta krono-igoera. Esprinterrek ere 8-9 aukera izan ditzakete.
– Hautagaiak nagusiak: bitik bat aukeratu behar da eta aztertzen den aspektuaren baitan bataren ala bestearen alde egin daiteke.
– Beste hautagaiak: zein izango dira podiumaren inguruan lehian izan daitezkeenak?
– Igotzaileak: taldeko liderrak, etapa ehiztariak edota lehen euskaldunaren puntuak jasotzearen alde egingo dugu?
– Azkarrak: esprinterren aukeraketak bere garrantzia izan dezake, batez ere Giroaren lehen zatian.
– Beste azkarrak: zalantza asko sortzen dituen multzoa. Kontuz esprint bideratzaileekin.
– Besteak: zein irizpide erabili multzo honetan aukeraketa egiteko?
Continue reading “#90 Tropela.net podcastak: Italiako Giroa 2014. Ibilbidearen eta txirrindularien azterketa”

Italiako Giroa Irlandatik abiatzea gustatzen ari zait

Dakizuen moduan aurten Belfastik abiatuko da Giroa. Hiru egunez Irlandako errepideetan izango da eta ondoren, atseden eguna baliatuz bidaiatzeko, Italiako lurretan izango da Brescian, maiatzaren 26an, amaiera eman arte.

Continue reading “Italiako Giroa Irlandatik abiatzea gustatzen ari zait”

Mauro hazi da

(Post hau positiboa jakin aurretik idatzia izan zen, Giroa amaitu aurretik hain zuzen ere)

Ez da ez unerik egokiena Santambrogiori buruz idazteko gero. Giro bikaina egiten ari zen, etapa garaipen eta guzti, baina Beñat Intxaustik sekula ahaztuko ez duen etapan pott egin du Vini Fantini taldeko liderrak. Hala eta guztiz ere, zuen guztion baimenarekin, txirrindulari hau egiten ari den itzulia letra larriz nabarmendu nahi nuke. Eta bide batez, eta barkatu harrotasun puntua, lau haizetara zabaldu Santambrogioren ‘aurkitzailea’ izan nintzela. Txantxa bat da noski. Kontua da 2011eko Paris Nizako kiniela egiteko ordua iritsi zenean, Santambrogio aukeratu nuela eta lankide ohi batek -Tropelako zale porrokatua eta ni baino dezente finago ibiltzen dena sailkapenetan, dena esan beharra baitago- nire kiniela ikusi eta Santambrogio nor demonio ote zen galdetu zidan, harri eta zur. Horrekin nahikoa ez eta aste hartako arratsalde batean esan zidan Santambrogiok Paris-Nizako etapa irabazi berri zuela. Ni pozarren, eta berak berehala, barre artean, adarra jotzen ari zitzaidala esan zidan.

Continue reading “Mauro hazi da”

#78 Tropela.net podcastak: Italiako Giroa 2013. Bigarren asteari errepasoa

Italiako Giroaren lehen asteari errepasoa egiten diote podcast honetan Iosu Garatek (@iosugarate), Iban Perezek (@piban) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Wiggins eta Hesjedalek lasterketa utzi dute eta Nibali bakarrik utzi dute.
– Gesinkek ondo hasi zuen Giroa baina azken egunetan denbora galdu du.
– AG2R eta Betancur. Talde frantziarraren positiboa eta kolonbiarraren zailtasunak etapa irabazteko.
– Cavendish, esprinterretan onena eta erregulartasunaren maillota eramateko hautagai sendoa.
– Euskaldunak: Beñat Intxausti eta Egoi Martinezen protagonismoa azken astean.
– Giroko azken asteak zer emango digu?
– Gure Tropela: cacaito santurtziarra lider.