Etiketa Artxiboak:Juanma Garate

#32 Tropela.net podcastak: Tourreko lehen asteari errepasoa

Tourra lehiatzen ari diren txirrindulariek gaur izan dute lehen atseden eguna. Atseden egun hau probestuz, Eneko Garate (@egarate), Iosu Garate (@iosugarate) eta Egoitz Lizasoz gain (@elizaso), gonbidatu berezi batek hartu du parte: David Etxebarriak (@davidetxebarria). Eskerrik asko Davidi gure gonbitea onartu izanagatik.

Lau solaskide hauek lehen asteko erorikoez, euskaldunez, faboritoez, hurrengo egunetan ikus dezakegunaz eta gertakari “ilunez” (atzokoan auto batek Flecha eta Hoogerland bota zituenekoa eta gaur jakin den Kolobneven ustezko positiboa) izan dituzte mintzagai. Eta noski, Tropelako lehen postuen inguruan ere aritu dira.

Podcast hau gustuko izan baduzu, hemen dituzu aurreko podcastak entzungai.

Tourreko multzoen azterketa: euskaldunak

Egoi MartinezAurtengoan 14 euskaldun izango ditugu Tourreko irteeran. Gehienak txirrindulari zailduak ditugu Frantziako errepideetan: Juanma Garate, Haimar Zubeldia, Xabier Zandio edo Egoi Martinez bezalako txirrindularientzat lasterketa honek ez du sekreturik. Hirurek esperientzia galanta dute, baina euren luzimenturako baino, morroi lanetarako erabiliko dute.

Juanma Garate inoiz ez bezala iristen da uztailera, Sierra Nevada eta Alpeetan taldearekin kontzentrazio luzeak egin ondoren. Gesink dute lider argia Rabobank taldean eta Continue reading “Tourreko multzoen azterketa: euskaldunak”

#7 Tropela.net podcastak: 2010eko Tourreko 7. etapa. Chavanel berriro ere lider!!

Tropela Elkarteak beste aurrera pausu bat eman asmotan Tourreko zenbait etapen kronikak audio bidez egitea pentsatu du. Iritziak eta galderak badituzue erabili ohiko bideak: bloga, [email protected], Facebook edota Twitterreko @tropela bidez.
Lehen honetan Tourreko 7. etaparen inguruko kronika egiten dugu. Gustuko izango duzuelakoan gaude.

Idatzi gabeko arauen arriskua

Cancellara Tourreko etapa aurretikJuanma Garate txakur zaharra dugu. Hanka indartsuak izateaz gain, pelotoiko bururik argienetarikoa duela ere erakutsi digu hainbatetan, bai errepidean bai errepidetik kanpo. Gaurko Berrian, atzoko etapan gertaturikoa azaldu du. Argi esaten du idatzi gabe dagoen arau bati jarraiki erabaki zutela etapa “neutralizatzea” txirrindulariek. Ez epaile edo antolatzaileek. Pisuzko arrazoia da, baina ez nago ados.

Egoeraren larritasuna epaitzen ez naiz hasiko, horretarako beren lekuan egon beharko bainuke, baina oso arriskutsua iruditzen zait horrelako argudioak erabiltzea. Nahiz eta hasera batean “fair play”ari dagozkion “arauak” izan gehienak (kirol denetan topa daitezke, adib. futbolean baloia kanpora bidaltzea norbaitek min hartzean), horrenbeste idatzi gabeko arau aipa daitezke txirrindularitzan, nahasmena besterik ez dakartela. Hain irekiak daude interpretazioetara, oso zaila dela “arau” horiek justuak izatea.

Zenbait “arau” ezagunak dira: itzuli handietako azken etapako paseoa, kasu. Beste batzuk ez dira hain ezagunak eta batik bat profesionaletan aplikatzen direnak: adib. etaparen lehen zatian txiza egiteko “tregua” bat egitea bizpahiru kilometrotan zehar. Beste “arau” batzuk herrialdeka izaten dira eta zerrendatzen hasiz gero asko luza genezake gaurko post-a.

Are gehiago, idatzi gabeko “arauak” ez dira soilik txirrindularien artekoak. Juanma berak segur aski ongi ezagutzen ditu horietako asko. Ezagunak dira txirrindulari eta taldeen artean egon ohi diren idatzi gabeko arauak, talde eta antolatzaileen artekoak, UCI eta taldeen artekoak, zuzendarien eta UCIren artekoak etab.

Adibidez, jakina da idatzi gabeko (eta ondorioz onartu gabeko eta publiko egin gabeko) “arauen” ondorioz UCIk taldeei zenbait txirrindulariren fitxaketak oztopatu izan dizkiela, edo antolatzaileek taldeei parte-hartzeko baldintza bereziak ezartzen dizkietela edo txirrindulari nahiz zuzendariak zerrenda beltzetan sartu. Txirrindulariak euren artean gardentasunez jokatzen ez badute, inplizituki talde, UCI, antolatzaile etabarrek aplikatzen dituzten “arau” ilunak onartzen ari dira.

Guzti honegatik, oso arriskutsua iruditzen zait idatzi gabeko arauak argudio bezala erabiltzea. Arau horiek zentzuzkoak badira, onartu eta arautegian idatzi egin beharko lirateke. Gainontzean, idatzi gabeko “arau” horiek ez dute inolako bermerik eskaintzen eta oso zaila da aplikazioan berdintasuna eskaini ahal izatea alde guztiei. Adibidez, atzokoari berriro erreparatuz, zergatik ez zen oraindik gehiago mantsotu lasterketa Vandevelde edo Farrar pelotoira iritsi arte? Nork erabakitzen du geldialdi nahikoa izan zela? Zergatik behin jaitsiera arriskutsua gainditu eta denak elkartzean ez zen gutxienez 2. postuagatik lehiatu?

Tourreko multzoen azterketa: euskaldunak (VI)

euskaldunakSailkapen nagusia lehiatzeko euskal txirrindularirik ez dago, baina etapa gehienetako ihesaldietan etxeko ziklistaren bat ikusiko dugu ziur aski. Batzuentzat lehenengo Tourra izango da. Goza eta era berean asko ikas dezatela opa diegu!

Juanma Garate
Rabobankeko igotzaileak galtzak bete lan izango ditu, bai Menchovek bai Gesinkek sailkapen nagusia izango dutelako begiz jota. Hala ere, irundarra etapa ehiztari aparta da; Vueltan eta Giroan etapak irabazi eta gero, oso handia egin zuen iaz, Mont Ventouxen nagusitu baitzen. Mendiko etapetan ihesaldietan sartuko da ziurrenik eta beraz, puntuak eman eman ditzake.

Amets Txurruka
Adorea barra barra du txirrindulari bizkaitarrak. 2007an oso-oso gertu izan zuen etapa garaipena Tourrean eta iaz, Bartzelonan bukatu zen etapan ere jo eta ke ibili zen. Tropelean ez da geldirik egongo, eta gauzak ondo, egun batean baino gehiagotan iritsiko da tropel nagusiaren aurretik. Aurrena iristea beste kontu bat da. Ametsen ametsa.

Egoi Martinez
Joan den urteko Tourrean mendiko maillota eskuratzeko borrokan ibili zen Franco Pellizotti italiarrarekin, eta Juanma Garateren adina eskarmentu du. Garate eta Txurruka bezala, Etaparen bat irabazteko borrokan egongo da, ziur.

Iban Mayoz
Donostiarra Giro bikaina egina iritsiko da Frantziara. 27 urteko txirrindularia eztitan dagoela ematen du. Tourrean baina, ez du esperientziarik, eta hori eta Italian pilatutako nekea izan ditzake oztopo nahi bezain gerlari aritzeko.

Aitor Perez Arrieta
Caisse d’Epargne, Extremadura, Contempolis… Talde askotan egona da zegamarra. Aurten Footon-Serveton dago, Matxinen esanetara, eta azken orduko aldaketa bati esker debuta egingo du Tourrean.

Arkaitz Duran
Aitor Perezen taldekideak ere aurreneko Tourra du. 24 urteko gasteiztarrak ikastea izango du egiteko nagusia.

Imanol Erviti
Caisse d’Epargneko 26 urteko iruindarra ere lehenengo aldiz izango da Tourrean. Giroa eta Espainiako Itzuli, aldiz, ezagutzen ditu.

Gorka Verdugo
Etxarri Aranatzeko ziklistak 31 urte ditu eta Samuel Sanchezen mesedetan lan garrantzitsua egin dezake, esperientzia bai baitu: azken lau Tourretan parte hartu du eta laurak bukatu ditu.

Iñaki Isasi
33 urteko arabarrak, Gorka Verdugok bezala, eskarmentua badu itzuli handietan. Euskalteleko ziklistak lau aldiz bukatu du Tourra eta hiru Espainiako Vuelta. 2006ko Tourreko etapa batean bosgarren sailkatu zen.

Juanjo Oroz
Nafarrak iaz lehen aldiz parte hartu zuen Tourrean. Hortaz, aurten joan den urtekoan ikasitakoa langungarri izatea espero du Euskalteko txirrindulariak.

Ruben Perez
Zaldibiko 28 urteko ziklistak zenbait Tour ditu zakuan, eta 2007an bestei nork baino kilometro gehiago eman zituen ihesean. Borrokarako grina eramango du Euskaltelekoak, ziur.

Ivan Velasco
Euskalteleko 30 urteko arrasatearrarentzat Tourrean egotea bada garaipen handia, estreinako aldiz ariko baita proban.

Alan Perez

28 urteko nafarrari buruz beste horrenbeste esan daiteke. Irteeran egotea ametsa betetzea izango da berarentzat, aurreneko aldiz lehiatuko baita. Honek ere mailot laranja eramango du soinean.

Zeinen alde egin? Nik Juanma Garate eta Amets Txurruka aukeratuko nituzte.