Contador jaun eta jabe Zallan

Alberto ContadorEspero bezala, Contadorrek erraz poltsikoratu du Euskal Herriko aurtengo itzulia. Itzulia eta bigarren etapa garaipena, bigarrenez jarraian. Eskerrak Samuelek erlojupeko txukuna egin duen ze bestela aurreratu egingo baizukeen. Maldan gora eta behera ziztu bizian joan da eta azkenean bigarren sailkatuari, Colomi, 30 segunduko errentarekin gailendu zaio sailkapen nagusian. Hori bai, aipatzekoa Colomek egindako erlojupekoa, Contadorrek mallorkiarra itzalean utzi badu ere, merezitako bigarren postua lortu baitu, bai etapan baita sailkapen nagusian ere. Samuelek podium egitea lortu du eta ez da gutxi izan (galtzerdietako eraztun olinpikoek lagundu al diote?). Evansek, berriz, espero baino maila baxuagoa eman du eta podiumetik kanpora geratu da ondorioz. Continue reading “Contador jaun eta jabe Zallan”

Multzoen azterketa (II). Euskaldunak

Oraindik ez dago ziur zein izango diren aurtengo Euskal Herriko Itzulian parte hartuko dutenak baina behin-behineko dortsalak aztertuta euskaldun dezente izango dira 160 ziklistaz osatuko den tropelean. Iaz 20ren bat txirrindulari izan genituen eta aurtengoan bat edo beste gehiago izango direla dirudi lasterketa hasteko bi egun falta direnean.

Egoi Martinez eta Iban Mayoz ihesiOhikoa den bezala, txirrindulari euskaldun gehien izango dituen taldea Euskaltel-Euskadi izango da. Samuel asturiarraz gain, gainontzekoak euskaldunak izango dira. Pena euskaldun guztiak Samuelentzat lanean aritu beharrean izatea. Hala eta guztiz ere Egoi Martinez kontutan hartu beharko genuken txirrindularia dela deritzot sasoiko baitago. Iaz urte sasoi honetan ederki ikusi genuen mendiko sariaren jabe eta guzti egin zelarik. Aurrealdean ikusi dugun beste txirrindulari laranja Ruben Perez izango da eta lan txukuna egin dezakeelakoan naiz. Zalantza asko Igor Antonekin ditut. Asko bere aldeko apostua egin duzue, baina lasterketan parte hartuko ez duenaren zurrumurruak iritsi zaizkit. Egia den ala ez bi egun barru jakingo dugu, baina garbi dagoena da zurrumurruak badaude sasoian ez dagoelako izan daitekeela.

Aipatzekoa Contentpolis-Ampo talde murtziarrak ekarriko duen taldea. Izan ere erdia baino gehiago euskalduna izango da kontrakoa pentsa badezakegu ere. Oker ez banaiz 5 txirrindulari euskaldun izango dira bertan eta hauetatik norbait nabarmentzekotan Mikel Gaztañaga izango dela uste dut. Gizon azkarra izaki, sprinten baten edo besten aurrealdean izan daiteke.

David Lopez garaileEuskal txirrindulari kopuruaren araberako ordenari jarraiki, Matxinen taldea aipatzea dagokit. Fuji-Servetto 3 txirrindulari euskaldunek Coborentzat egin beharko dute lan 2007ko garaipena errepikatu nahiko baitu kantabriarrak, beraz, Beñat Intxausti, Arkaitz Duran eta Iker Camañori morroitza lanak egitea egokituko zaie.

Antzeko zerbait gertatzen da Caisse D’Epargnen. Faborito nagusia Luis Leon Sanchez izaki, itzalean geratzen dira Imanol Erviti eta David Lopez. Baina Mitxinen taldean ez bezala, David Lopez askeago utziko dutelakoan naiz eta aukerarik ikusten badu aurrealdean izango dela uste dut.

Eroriko edo ezustekoren bat gertatzen ez bada, Juanma Garate apustu segurua izango da. Garatek Rabobank taldearen laguntza izango duela uste dut eta horrek lasterketan aurrealdean izaten lagunduko dio. Ez da itzulia irabazteko lehian arituko, baina etapa garaipenen bat lortzeko moduan ikusten dut.

Garate garaileAipatzeko geratzen zaizkidan hirurak talde ezberdinetan banatuak daude eta zalantzarik gabe beraien taldeburuentzat aritu beharko dute lanean. Haimar Zubeldiak Contador idolatratuarentzat bota beharko du izerdia Astana taldean, Jose Luis Arrietak Efimkin Ag2Reko taldeburuarentzat eta Bingen Fernandezek Moncoutierentzat Cofidisen. Aipatu Bingenek iaz erorikoa izan eta lasterketa amaitzerik ezin zuela izan.

Gogoan dugu nola iaz David Herrero itzuliaren garaipenaren lehian izan zen. Zoritxarrez azken aurreko Orioko amaieran izandako erorikoak lasterketatik at utzi zuen eta ez zuen azken erlojupekoa jokatzerik izan. Pena galanta euskal jarraitzaileontzat. Aurtengoan zail izango da euskaldunen bat lasterketa lehiatzen aritzeko moduan ikustea, baina norbaitengan apustu egitekotan aurrez aipatutako Egoi Martinezengan egingo nuke.

Angliru: Vuelta erabakita eta Igor etxera

Contador AnglirunAsko espero zen aurtengo Espainiako Vueltako 13. etaparengandik. Angliruko mendate gogorrean amaitzen zen eta edizio honetako ziklista indartsuenek (gehienak igotzaileak) dena eman behar izan dute azken igoera gogorrean. Eskerrak eguraldiak lagundu duen eta zorua lehorra zegoen, bestela arriskua handitu egingo zen tarte gogorrenetan jende ugari eta batzuk zoroen pare baitzeuden.

Logikak agindu du (orain arte ikusitakoarekin uste genuen bezala), Astana taldeak lan bikaina egin du etapa garaipena lortzeko eta Contadorrek oraintxe tropeleko -igotzaile- indartsuena dela erakutsi du. Etapa, lidergoa eta sailkapen nagusiko bigarren postua beraientzat. Denborei dagokionez ere, jada bere aurkari guztiak oso atzeratuta dituela esan daiteke eta beraz, Vuelta erabakita dagoela.

Vuelta honetako beste talde indartsua, Caisse d’Epargne, -gaurko etapan 4 ziklista 15 lehenen artean- ez da batere mugitu baina ziklistak aurrean izan ditu. Halere, ostegunean Valverdek egindako hutsegitearekin Contadorri aurre egiteko aukera guztiak galdu zituzten. Gaur, irudia garbitzea eta beraien animoa berreskuratzea lortu dute eta hemendik aurrera gerra pixka bat eman dezaketen bakarrak direla iruditzen zait, liderra baino indartsuagoak izan ez arren kopuru aldetik dezente direlako. Halere, daukaten zuzendariarekin eta berak esandakoengatik taldean eduki dezaketen giroarekin ez dut esperantza gehiegirik.

Gaurko atsekabea, Igor Antonen eskutik etorri da. Beti bezala, erretransmisioa anuntzioetan zegoela gertatu da. Azkenaurreko mendatea jaisten ari zirela, arrisku berezirik ez zuela zirudien kurba batean lurrera joan da Euskaltel-Euskadiko liderra. Berehala konturatu da golpea ez dela txantxetakoa izan eta hezurren bat hautsita izango zuela eta etxerako bidea hartu behar izan du.

Berari entzundakoagatik, taldeak orain arte eman duen itxura ikusita eta abar, esperantza handiak genituen euskal zaletuok Igorrengan eta guztiontzat golpe gogorra izan da. Egoi Martinezek liderraren maillota galduko zuela argi zegoen, baina Igorrek Alberto Contadorri noraino eutsiko zion jakiteko gogoarekin geratu gara asko eta asko. Beste batean izan beharko du. Animo Igor eta eutsi goiari!

Orain ze helburu aldaketa egingo ditu Euskaltel-Euskadi taldeak? Oraindik beste aste oso bat geratzen da Vueltan eta dena erabakita eta euskaldunon ikuspuntutik ilun dagoen arren, sorpresa gehiagori ere leku egin beharko diogu. Ea oraingoan sorpresa denon gustukoa den!

Argazkia: AFP Photo

Multzoak aztertuz (V): Euskaldunak

Amets Txurruka Parisko podiumean iazAdiskide batek honako hau esan zidan: “Egoitz, nola jarri duzue euskaldunetan bi txirrindulari aukeratzeko? Garbi dago eta faborito Haimar eta Astarloza izango direla eta partehartzaile guztiek bi horiek aukeratuko dituztela. Ez zait iruditzen multzo hau erabakigarri izango denik guztiok txirrindulari berdinak hartuko baititugu”. Beharbada nire adiskideak arrazoi du eta asko izango zarete berak bezala pentsatzen duzuenak. Baina hain ziur al zaudete?

Dakizuen bezala hiru asteko lasterketa batean denetik gerta daiteke: erorketak, doping kasuak (iaz euskadunen artean Mayoren kasu sonatua izan genuen), gaixotzeak, ezinak… Faboritoei ere toka dakieke. Continue reading “Multzoak aztertuz (V): Euskaldunak”

Aiako malda beldurgarriak

egoi_kohl_orio_5etapa.jpgOriotik ihes eginda pasa baziren ere, Egoi Martinezek eta Kohlek gainean zuten tropela. Pena izan zen, baina garbi zegoen faboritoek denbora ateratzeko baliatu nahi zutela Aiako igoera gogor hura.

Jendez gainezka zen Aiako igoera. Bi metro t’erdiko bide zabalera metro eskasean bihurtu zen zegoen jende andanak estututa. Txirrindulariak hanka lurrean jartzera behartuak izan ziren, motoren bat edo beste kea dariola ibili zen,… eta guzti horri euria eta hotza gehitu behar. Ikaragarria benetan Aiak txirrindulariengan eragin zuen sufrikarioa!!

Hala ere maldan behera zenbaitek galdutako denbora errekuperatzea lortu zuten, Cunego irabazleak kasu. Baina esan bezala, euria gogor hasi zen azken kilometrora sartzerako eta maldan behera zetozen zenbait txirrindularik eroriko izan zuten. Aipagarriena David Herrororena, etapa garaipenaren lehian ari zela erori baitzen. Bera negarrez ikusi genuen helmugaratzen eta ez dakit ba gaur erlojupekoa jokatzeko moduan izango den. Esan bezala irabazle Cunego eta atzetik Contador. Lehen euskaldunak Mikel Astarloza eta Igor Anton izan ziren.

Gaur amaituko da Euskal Herriko Itzulia. Erlojupeko interesgarria izango da zalantzarik gabe arratsaldeko 15:00tik aurrera. Contador Evans eta Herreroren beldur da. Nik Dekker eta Astarloza era kontuak hartuko nituzke. Ikusiko dugu.

Lehiaketari dagokionez bero-bero doa. Gaurko erlojupekoak sailkapenetan eragin handia izango du kontutan izanda bukaeran banatzen diren puntu kantitatea oso kontutan hartzekoak direla. Onenak irabaz dezala!

[gogoratu Italiako Giroa maiatzaren 10ean hasten dela]

Argazkia: Tropela Elkartea