Euskara, teknologia eta txirrindularitza
Jokoz kanpo harrapatu du Evenepoel (DQT) gazteak tropela, edo geratzen zena, Murgil tontorrari ekiteko ibilbide lauan. Ez da bakarrik izan, Skujins (TFS) bikain bat bidelagun izan du maldarik gogorrenak iritsi arte. 15 segundo, 30 baita ia 50 segundoko tartea ere ateratzen zien Movistar eta ondoren Astanak zuzentzen zuen nagusien tropeltxoa.
Continue reading “Evenepoel UCIko lasterketak poltsikoratzen hasi da”Gaurkoa izan da 2018ko Espainiako Vueltako sailkapen nagusirako etapa erabakigarria. 20. etapak, Col de la Gallinan amaitzen zenak, sailkapen nagusian aldaketak eragin ditu. Simon Yatesek (MTS) sendoena izan dela erakutsi du eta berak eramango du Vuelta hau. Podiumean bigarren Mas (QST) izango da, gaurko etapa garailea, eta hirugarren Lopez (AST) kolonbiarra. Euskaldunik onena Ion Izagirre (TBM). Hau guztia kontatzen digu Egoitz Lizasok (@elizaso) mini podcast berri honetan.
2018ko Giroko 20. etapa zuten txirrindulariek beraien sailkapen nagusiko postuengatik lehiatzeko. Froome–Dumoulin eta Miguel Angel Lopez–Carapaz ziren besteak beste. Hala ere etapa garaipena ihesaldian egon da eta bertako indartsuena Mikel Nieve (MTS) naparra izan dugu. Egoitz Lizasok (@elizaso) kontatzen digu gertatutakoa eta bere analisia.
Giroko 8.etaparen inguruan aritzen da Egoitz Lizaso (@elizaso) podcast honetan. Gaurkoan ihesaldian tropeltxo txikiagoa izan da eta bertan indartsuena, edo behintzat azkena harrapatu dutena Bouwman (TLJ) izan dela kontatzen digu Egoitzek. Etapa garaipena, ordea, tropel nagusiko gazterik onenak lortu du eraso bortitz baten ondoren, Carapazek (MOV). Sailkapen nagusian aldaketa esanguratsurik ez eta Simon Yatesek (MTS) jarraitzen du lider.
Txirrindularitzaren garapenak eta profesionalizazioak gauza on eta ez hain onak ekarri ditu. Ontasunen artean bada bat azpimarratzekoa dena. Munduko txoko desberdinetan lehiatzen diren lasterketa gero eta gehiago ezagutzen ditugu. Horren ondorio da Ruandako itzuliak izandako oihartzuna. Kigaliko aldapatzarrari esker egin da, batez ere, ezaguna. Roubaixeko harbideak Anglirun jarriko balira, Kigaliko hormaren antza izango luke.
Joseph Areruya (Dimension Data for Qhubeka) gaztea izan zen itzuliko irabazlea. Halere, hamaikagarren sailkatu zen Kigaliko aldapan. Beste gazte bat izan lehena helmugan; Valens Ndayisenga, 2016ko sailkapen nagusia eskuratu zuena. Areruyaren lorpena ez zen oharkabean igaro. Izan ere, hilabete batzuk lehenago 23 urtez azpiko Italiako Giroan garaipen historikoa lortu zuen.
Continue reading “Kigaliko enbaxadorea”