Ez Boran ezta Visman ere, Uijtdebroeks Euskaltel taldean izango da 2024ean [inozentada]

Nahasmen eta saltsa handia sortu da Uijtdebroeks belgiar txirrindulariarekin bere etorkizuna dela eta. Boraren X sare sozialean belgiarrak kontratua duela 2024ean ere taldearekin eta bertan jarraituko duela, fitxatu berri duten Roglic-ekin batera. Aldiz, Visma taldeak sare sozial berean kolore hori-beltzekin arituko zela zioten. Pentsa, tentsioak baretze aldera, UCIk berak ere komunikatu ofizial bat argitaratu beharrean aurkitu zela.

Urtea ez da oraindik amaitu eta affair hau ere ez. Tropelakook Uijtdebroeks-ekin egin dugu topo Labraza herrian, araban. Mutila Orbea bizikleta batekin zebilen eta buruan Euskaltel-Euskadiko kaskoarekin, nahiz eta oraindik jantzia Borakoa zuen.

Galderak egiten hasita, bere amona Labrazakoa dela esan zigun eta beti izan duela Euskal Herriarekiko horrelako maitasun bat. “Txikitan hemen izaten nintzen Labrazako maldetan bizikletan gora eta behera” kontatzen zigun farrez eta gogoan dituela Euskaltel-ek lortutako hainbat garaipen gogoangarri, eta horregatik egiten zuela beti amets talde laranjan aritzearekin.

Guk gure harridura erakutsi diogu izan ere Euskaltel-Euskadira joanda WorldTour mailatik kanpoko talde batean aritzea suposatzen du. Cianen esanetan, ordea, horrek motibazio bikoitza eragiten diola. “Asko hitz egin nuen Boran Sergio Higuitarekin Euskaltelez, bera bertan izan baitzen, eta asko gozatu zuela esaten zidan. Nik enbidiaz entzuten nion, noski, berak ere bai baitzeukan nire sustraien berri. Baina horrela, seguru naiz mailaz igotzen lagunduko dudala eta garaipen gogoangarriak eman”.

Zorionik onenak opa genizkion eta elkar agurtu genuen, arabako herririk txikiena atzean utziz. Laster izango dira, beraz, azkenean Uijtdebroeks 2024ean laranjaz jantzita ikusiko dugunaren baieztapen ofizialak. Adi izan!

Tropelaren Erlojupekoa #5 bis | 2022/08. Idoia Eraso

Erlojupekoa #5 bis

Imanol Lluciak gidatuta, entzungai duzue Erlojupekoaren 5. saioaren “bis” hau. Izan ere Idoia Erasori (LKF) egindako elkarrizketak aurreko audioan behar zukeen. Edonola ere, hemen duzue galdu ezin duzuen elkarrizketa berri hau.

Podcastera harpidetu

#530 Tropela.eus podcastak: 2021eko Espainiako Vuelta. Errepasoa – 21. etapa

Roglicek (TJV) nagusitasun handiz eskuratu du 2021eko Vuelta

Espero bezala, gaurkoan etapa garaipena eta horrenbestez 2021eko Vuelta Roglicek (TVJ) eraman ditu. Beste behin etapa garaipena kendu dio eslovakiarrak Corti (EFN) gaur bigarren denborarik onena lortu duen txirrindulari eta Vueltako protagonistetako bati. Horrenbestez, Roglicek beste Vuelta bat poltsikoratu du Mas (MOV) eta Haigen (TBV) aurretik. Ineoseko lehena Yates (IGD) izan da eta podiumeko atarian geratu da ez baita gauza izan Haigekiko zuen minutuko atzerapena berreskuratzeko gaurko saioan. Gazterik onena Mäder (TBV) izan da, mendiko saria Storerrek (DSM) eraman du eta erregulartasunarena Jakobsenek (DQT). Taldekakoan, errepidean erakutsi moduan, Bahrainek eraman du. Euskaldunik onena Ion Izagirre (APT) izan da.

Gaurko etapak emandakoak eta Tropelan jasotako puntuei errepasoa ematen die Egoitz Lizasok (@elizaso) Vuelta honetako azken podcast honetan.

Podcastera harpidetu

#529 Tropela.eus podcastak: 2021eko Espainiako Vuelta. Errepasoa – 20. etapa

Champoussinek (ACT) etapa garaipena lortu du saio ikusgarri batean

Espero bezala ihesaldia osatu da, batez ere DSMek mendiko maillota ziurtatu nahi zuelako. Azkenean Storer-ek (DSM) irabaziko du edizio honetan. Ihesaldi horretan bertan zen gaurko etapa garailean, Champoussin (ACT). Hala ere meritu handiko garaipena frantziarrak lortu duena, izan ere faboritoen tropeltxoa lasterketa buruan zela atzetik aurrera egin azken bi kilometroetan eta garaipena lortu du. Sailkapen nagusian aldaketarik aipagarriena Miguel Angel Lopezek (MOV), etapa garaipena lortuta eta podium postuetan zela, faboritoen tropeltxotik moztuta geratu eta denbora asko galtzen ari zela ikusita, lasterketa uztea erabaki du. Zeresan handia emango du oraindik ere bere erabakiak. Haig (TBV) da orain podium postuetan eta bihar lehia ikus dezakegu Yates (IGD) eta bere artean. Maillot zuriak ere jabe berria du Bernal (IGD) Lopezen taldean baitzen eta Mäder (TJV) faboritoekin, denbora tarte nahikoarekin zuria eskuratzeko. Lider sendo, aldiz, Roglicek (TJV) jarraitzen du, gainera biharko erlojupeko faborito delarik.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#527 Tropela.eus podcastak: 2021eko Espainiako Vuelta. Errepasoa – 18. etapa

Lopezek (MOV) lortu du azkenean talde urdinak horrenbeste desiratze zuen etapa garaipena

Azkenean lortu du garaipena Movistarrek Vuelta honetan. Miguel Angel Lopez (MOV) lortu du azken igoeran erasoa jota etapa garaipena. Aipatzekoa gaurkoan ere Storer (DSM) protagonista izan dela, eta etapa garaipenaren lehian sartu ez bada ere, behintzat mendiko maillotaren lehian maillota janztea lortu du gaurkoan. Sailkapen nagusian aldaketa nabarmenik ez Guillaume Martinek (COF) postuak galtzeaz gain, eta Roglicek (TJV) jarraitzen du lider.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu