itzulia.net: Tropela Euskal Herriko Itzuliarekin elkarlanean

Itzulia.net webgunea
Ostiralean jarri genuen martxan Euskal Herriko Itzuliaren webgune berria: itzulia.net. Webgune berri hau Euskadi Txirrindularitza Antolakuntzak-en eta Tropela Elkartearen arteko elkarlanaren fruitua izan da.

Gure ustez, Euskal Herriko Itzuliak Interneteko egungo beharretara egokitu beharra zuen. Hori dela eta, gure ekimenez, antolakuntzarekin harremanetan jarri ginen moldaketa horiei aurre egiteko eta, nola ez, euskarari falta zitzaion presentzia emateko, zer egin zitekeen mahai gainean jarriz. Continue reading “itzulia.net: Tropela Euskal Herriko Itzuliarekin elkarlanean”

Tropela bloga Blogetan.com lehiaketan

2014_Tropela_bloga_BlogetanAspaldi danik gabiltza gure blog hau elikatzen, txirrindularitzaren inguruko berriak eta gogoetak euskaraz interneten zabaltzen. Serio hartu izan dugu denbora guzti honetan – jada ia 9 urte! –  gure bloga eta bide bera jarraitzeko asmotan gabiltza.

Orain blogen lehiaketa batean parte hartzen ari gara eta zuen laguntza behar dugu. Blogetan! izeneko lehiaketa hau Argia eta Azkue fundazioak antolatzen dute eta euskarazko blogak sustatzea du helburu. Atal ezberdinak daude eta gure Aisialdia kategorian ari da lehian. Beraz, blog hau gustuko baduzu – hala delakoan gaude! – ez zalantzarik egin eta eman zure botoa “Tropela bloga” aukerari. Gogoratu egunera eman ahal izango duzuela botoa – egunean boto bat erabiltzaile bakoitzak – eta zenbat eta gehiago jaso orduan eta aukera gehiago izango dugu aurrera egiteko. Botoa emateko Blogetan.com webgunera jo beharko duzu.

Eskerrik asko aldez aurretik. Eta genioen moduan, aurtengo denboraldia itzela izango delakoan gaude! Sari hau irabazita, are eta itzelagoa!!

2014a berrikuntzekin dator!

Tropela.netUrte berri on guztioi!!!

Egun gutxi barru hasiko da errepideko txirrindularitzaren denboraldi berria. Gu dakizuen moduan buru belarri ari gara lanean 2014ko urtea prestatzen. Dagokion momentuan izango duzue berrikuntzen berri. Bitartean itxaroteko eskatzea besterik ez zaigu geratzen.

Guretzako 2014a urte gogoangarri bat izango delakoan gaudela ekin diogu urte berri honi. Zuentzat ere hala izango dela espero dugu.

Jarrai dezagun txirrindularitzaz gozatzen!!

2014 denboraldiko lasterketen inguruko galdeketa. Emaitzak

Olentzero gaur gauean izango da gurean opariak eta batez ere poztasuna banatzen. Guk hitz eman genizuen bezala, Olentzerorekin batera, 2014 denboraldiko lasterketen inguruko galdeketaren emaitzak plazaratu nahi izan dugu. Eta 2014 denboraldiko egutegia noiz argitaratuko dugun? Bada berandu baino lehen, laster.

435 izan zineten galdeketa erantzun zenutenak eta guzti guztioi gure eskerrik beroenak eman nahi dizkizuegu zuen iritzia gugana ekarri izanagatik. Zuen erantzunek asko lagundu digute hurrengo urteko denboraldia egituratzeko orduan hurrengo lerroetan ikusiko duzuen moduan.

Lau izan ziren erantzun beharreko galderak. Hona hemen galderak, erantzun posibleak eta zuen erantzunak banan bana aztertuta.

Continue reading “2014 denboraldiko lasterketen inguruko galdeketa. Emaitzak”

2013ko Urteko sailkapeneko irabazleak sariak jaso ditu

Atzo elkartu ginen 2013ko Tropelako Urteko sailkapeneko irabazleari sariak emateko. Izan ere kepaeik TiendaAzul.com etxetresna merkeen web bidezko dendak emandako Philips telebista zoragarria eta Tropelaren aski ezaguna den maillota jaso behar zituen.

Lekeitiarrak ez zuen erraza izan Urteko sailkapena irabazteko azken lehiaketan aurreratu baitzuen lados Gernika-Lumoko erabiltzailea. Azkenean ladosek podiumeko 3. postuarekin konformatu behar izan zuen marangoni zarauztarrak era aurre hartu baitzion. Honela geratu da aurtengo podiuma Urteko sailkapenean:

1. kepaei 31.802 puntu

2. marangoni 31.353 puntu

3. lados 31.184 puntu

Ez da meritu makala podiumeko postuetan sailkatzea 17.472 erabiltzaileren artean. Gure zorionik beroenak aurrean amaitu duzuen guztioi nahiz eta sariak irabazlearentzako soilik genituen aurtengo urte honetan.

Ondoren bideo honetan Kepari, 2013ko Urteko irabazleari, eta Aitorri (TiendaAzul.com) egindako elkarrizketa duzue ikusgai:

Gure eskerrik beroenak aurtengoan ere Tropelari lagundu dioten babesleei, TiendaAzul.com eta Ipintza Sagardotegiari. Baita gure kolaboratzaile guztiei ere. Baina bereziki eskertu beste urte batez ere Tropelan parte hartu duzuen guztioi, zuek gabe ez baikenuke hemen jarraituko.