Tropelaren hausnarketa ETB1en

2021eko apirilaren 10ean jokatu zen Itzulia 2021eko azken etapa erabakigarria. Etapa hasieran McNulty (UAE) lider abiatu bazen ere, Rogliček (TJV) urrutitik aurre hartu zuen tropeltxoan sartuta, Itzulia poltsikoratu zuen. Etapa hau zuzenean eman zuen ETB-k eta bertan, etaparen hasieran, Tropelako Elkarteko kide dugun Egoitz Lizasoren bideo bat emititu zuten.

Euskal txirrindulariek astean zehar izandako protagonismoa gogoratu ondoren, Egoitzek nola Itzuliaren antolakontzak azken bi etapak jokatzeko falta zirela, webgune ofizialaren domeinua Itzulia.eus izatetik ItzuliaBasqueCountry.eus izatera pasa zutela azpimarratzen du. Bere iritziz erabaki hori ez da zuzena eta, eztabaida mahai gainean jartzeaz gai, antolakuntzari aurreko domeinura bueltatzeko eskari luzatzen die. Besteak beste, bere argudioa indartzeko, txirrindularitza lasterketa handiek duten irizpidea ekartzen du gogora.

Itzulia, logo aldaketa batera mugatu den komunikazio estrategia “berria”

Gaur aukera izan dut Itzulia bertatik bertara bizitzeko Zarautzen. Eguraldi paregabea egin du, ezin uka, eta giroa ere paregabekoa izan da. Hoberena presiorik gabe joan naizela da, izan ere, Itzuliako webgune ofizial eta sare sozialak kudeatzearen ardurak alde batera uzteak lasaitasun handia ematen du. Era horretan, gustura egin dugu sinadura bilketaren jarraipena eta nola ez, gustura agurtu antolakuntzako eta batez ere prentsa aretoko kideak, azken urte hauetan ezagutu ahal izan ditugunak genituen ardurak tarteko.

Gogoa nuen komunikazio arduradun berriak, Borja Vergarak eta bere lantaldeak, Donostiako Klasikoatik kargua hartu zutenetik, bertatik bertara eta internet bidez, Itzulia honen zabalkundea nola gauzatzen zuten ikustea. Nioen moduan lau urteko esperientzia izan dut eta esan dezaket ez dela gauza bera egun bateko lasterketa, Klasikoa kasu, edo 6 egunetakoa, Itzulia. Continue reading “Itzulia, logo aldaketa batera mugatu den komunikazio estrategia “berria””

Tropelak gidatuta, Itzulia eta Emakumeen Bira puntuEUS-era

puntuEUS_itzulia_bira_tropela_20162014etik gabiltza Euskal Herriko Itzuliarekin elkarlanean webgunea eta sare sozialak kudeatzen teknologia berrietara egokitzen laguntzeko asmotan, eta batez ere euskararen presentzia sarean indartzeko intentzioarekin. Aurtengoa hirugarren urtea izango da eta bidea egonkortzen doala dirudi.

Bide horretan eta ikusita Emakumeen Bira ere indarra hartzen ari dela – gogoratu 2017an UCI WorldTour ligako parte izateko dela -, gure esperientziarekin laguntzeko prest gaudenez, aurten kolaborazioan lan egingo dugu Emakumeen Bira eta Tropelak lehen aldiz.

puntuEUS abian jarri zen unetik guk argi genuen bertan izan behar genuela eta horregatik Tropela.net izateari utzi eta Tropela.eus bihurtu ginen. Itzulia eta Emakumeen Birarekin ere berdin egin behar genuelakoan ginen. Hori dela eta itzulia.eus eta emakumeenbira.eus domenuak jarri ditugu martxan, baita klasikoa.eus, Donostiako Klasikoari dagokion domeinua.

Hau guztia dela eta, atzo izan ginen puntuEUS-eko Josu Waliñorekin batera puntuEUS-en kanpaina berriaren aurkezpenean, izan ere apirilaren 1etik 17ra, Itzulia eta Bira ospatzen diren egunetan .EUS domeinuak 15€-tan eskuratu ahalko dira. Horretaz gain Itzuliako eta Birako lehen euskaldunei .EUS domeinu bat oparituko die puntuEUS-ek.

Harro gara, beste behin Tropelan horrelako ekimenak aurrera eramateko laguntzeko gai garela ikusita. Etorkizunean ere berdin jarraitzea espero dugu eta horretan, ez izan zalantzarik, zuen babesa ezinbestekoa zaigu.

Tropela aurten ere Itzuliarekin lanean

Iaz hasitako bidetik, aurten ere Tropela Itzuliarekin elkarlanean izango da. Martxan jarri genuen itzulia.net webgune eleanitz propio berria eta aurten ere webgunearen kudeaketaz arduratuko gara.

Horretaz gain aurkezpen ekitaldiak ere streaming bidez zuzenean emateko ardura ere egokitu zaigu. Ostegunean izan zen Itzuliaren aurkezpena eta zuzenean sarean zabaltzeaz Tropela arduratu zen lantaldearen lan bikainari esker. Badakigu hobetzeko tartea badagoela, baina guretzat erronka handia izan zen aurrera eramatea.

Hemen gehitzen dizuegu aurkezpen ekitaldian zuzenean eman genuen streamingaren bideoa.

itzulia.net: Tropela Euskal Herriko Itzuliarekin elkarlanean

Itzulia.net webgunea
Ostiralean jarri genuen martxan Euskal Herriko Itzuliaren webgune berria: itzulia.net. Webgune berri hau Euskadi Txirrindularitza Antolakuntzak-en eta Tropela Elkartearen arteko elkarlanaren fruitua izan da.

Gure ustez, Euskal Herriko Itzuliak Interneteko egungo beharretara egokitu beharra zuen. Hori dela eta, gure ekimenez, antolakuntzarekin harremanetan jarri ginen moldaketa horiei aurre egiteko eta, nola ez, euskarari falta zitzaion presentzia emateko, zer egin zitekeen mahai gainean jarriz. Continue reading “itzulia.net: Tropela Euskal Herriko Itzuliarekin elkarlanean”