Aurre analisia: 21. etapa: Sèvres / Paris Champs-Élysées (109.5 km)

etapa 21

2015eko Frantziako Tourrak gaur ixten du pertsiana. Beste behin iritsi da egutegiko zita garrantzitsuena hurrengo urte-arte agurtzeko ordua. Hasiera batean bazirudien Froomek (SKY) Pirineotan lasterketa erabakita utzi zuela baina Alpeetan, eta batez ere atzoko Alpe D´Huezeko etapan, Quintanak (MOV) zirrara jarri zion lasterketari. Zale moduan ezin kexatuko gara! Aipatzekoa da ere, bereziki harrigarria dela top10 barruan dauden txirrindularietatik bakarrik 3k ezagutu dutela garaipena.

Orain balantzeak egiteko ordua da, ondorioak ateratzeko ordua alegia. Continue reading “Aurre analisia: 21. etapa: Sèvres / Paris Champs-Élysées (109.5 km)”

Aurre analisia: 20. etapa: Modane Valfréjus / Alpe d’Huez (110.5 km)

etapa 20Frantziako Tourreko azken etapa mendatetsua. Oso etapa laburra izango da, 110 km besterik ez. Tourreko antolatzaileek, horrelako etapei gustua hartzen ari direla dirudi. Lehenengoz 2011. urtean jarri zuten horrelako ezaugarrietako etapa bat, Alpe d’Huez mitikoan amaitu zen etapa motz baina oso bizia. Etapa hartan sekulako ikuskizuna eskaini zuten txirrindulariek, azken edizioetako etapa izugarrienetariko bat eskainiz. Ordutik aurrera Frantziako Tourrak horrelako ezaugarrietako etaparen bat jartzen du ibilbidean.

Aurtengo honetan, bi mendate izango dituzte ibilbidean, baina zein mi mendate. Tour honetan bigarrenez igoko duten Col de la Croix de Fer (29km, 5.2%) eta Alpe d’Huez (13.8km, 8.1%). Azken etapa izanik, sailkapenen nagusiaren lehian dauden taldeburuek azken esfortzua egin beharrean daude eta babak beraiek atera beharko dituzte heltzetik. Mendiko sailkapena ere etapa honetan argituko da, bi erraldoi hauek puntu sorta polita banatuko duten heinean. Litekeena da sorpresaren bat edo beste ikustea sailkapen honetan. Continue reading “Aurre analisia: 20. etapa: Modane Valfréjus / Alpe d’Huez (110.5 km)”

Aurre analisia: 19. etapa: Saint-Jean-de-Maurienne / La Toussuire – Les Sybelles (138 km)

etapa 19Frantziako Tourra amaitzera doa, atzera kontua hasita dago jada. Alpeetako azken bi etapa nagusiak eta Pariseko esprint handia geratzen dira bakarrik. Podiumeko postuak finkatuta daudela dirudi, nahiz eta Nibali (AST) eta Contador (TCS) seguru saiatuko diren hurrengo bi egunetan egoera hau aldatzen.

Nahiz eta sailkapen nagusiko lehen postuak argi diruditen, top10-eko txirrindularien arteko lehia polita espero da. Gainera, mendiko sailkapena ere jokoan da oraindik, beraz suziri bat baina gehiago ikusteko gaude oraindik. Etapa hau, bereziki garrantzitsua izango da mendiko sailkapenerako, beraz, sailkapen horren lehian dauden txirrindulariak, Bardet (ALM), Rodriguez (KAT) eta Fulgsang (AST) batik bat, hobe dute ez deskuidatzea. Continue reading “Aurre analisia: 19. etapa: Saint-Jean-de-Maurienne / La Toussuire – Les Sybelles (138 km)”

Aurre analisia: 18. etapa: Gap / Saint-Jean-de-Maurienne (186.5 km)

etapa 18Alpeetan barrena txirrindulariek bigarren etapa menditsuari aurre egin beharko diote. Perfila ikusiaz, ikusten da ez dela amaierarik gogorrenetarikoa, baina ibilbidean zehar hainbat mendate puntuagarri igo beharko dituzte, 7 hain zuzen ere. Etapako mendate garrantzitsuena, maila bereziko Col du Glandon (21.7km, 5.1%) erraldoia izango da, helmugatik 40 km-tara gaindituko dutelarik.

Argi dago ihesaldiak bere aukerak izan ditzakeela, baina Tourra amaitzeko hain gutxi geratzen delarik, sailkapen nagusiko txirrindulariek sailkapenean aurrera egitea nahiko dute eta beraz litekeena da beraien taldeek abiadura ezartzea pelotoi nagusiari. Gauzak honela, talde estrategiaren aukera jorratzeko ere etapa polita izan daiteke, Col de la Morte (3.1km, 8.4%) mendatean liderrak erasoa joaz ihesaldiko taldekideak aprobetxatzekotan. Gizon adoretsuren bat baldin bada pelotoian hori Contador (TCS) da, atzo saiatu zen urrutitik jotzen eta amaierarako, jaitsieran arazoak medio, denbora galtzen amaitu zuen. Ez gintuen batere harrituko zerbait asmatzeko intentzioa baldin balu etapa honetan ere. Hala ere MOV eta SKY bezalako talde indartsuekin ez da batere lan erraza izango. Continue reading “Aurre analisia: 18. etapa: Gap / Saint-Jean-de-Maurienne (186.5 km)”

Aurre analisia: 17. etapa: Digne-les-Bains / Pra Loup (161 km)

etapa 172015eko Frantziako Tourra azken txanpan sartu da. 5 etapa geratzen dira Tourra amaitzeko, eta Pariseko etapa kenduta, beste 4 etapek bere mamia izango dute. Alpeek betidanik izan ohi duten presentzia edukiko du aurtengo edizioak ere, 4 etapa mendatetsu izango dugularik aurtengo urtean. Lehen etapa hau, bigarren atseden egunaren biharamunean dator, eta denok gogoratzen dugu lehen atseden egunaren ostean zer gertatu zen La Pierre-Saint-Martingo etapa hartan, beraz etapa garrantzitsua izan daiteke.

Tourrak aurrera egin ahala, ikusi da Froomen (SKY) agintea ez dela hain nabarmena eta Movistarreko gizonak behin baina gehiagotan ikusi ditugu arazotan jartzen britainiarra. Alpeetan azken lehia ikustekotan gara. 4 egun geratzen direlarik, egunero bilatuko dute Froomen (SKY) aldetik ahulguneren bat, eta egoera honek etapa politak eskainiko digu. Contadorren (TCS) aldetik ere balentriaren bat edo beste espero dugu, urrutiko eraso batekin talde estrategia bilatuz, baina hori beste etapa batean izan beharko da. Duda gabe, sailkapen nagusiko txirrindularien arteko lehia ikusiko dugu, bai podiumerako lehia, baita top10-erako lehia ere. Continue reading “Aurre analisia: 17. etapa: Digne-les-Bains / Pra Loup (161 km)”