Kategoria Artxiboak:Italiako Giroa

#111 Tropela podcastak: 2016ko Italiako Giroa

Italiako Giroko mapaPost honetan Iban Perezek (@piban), Eneko Garatek (@egarate) eta Egoitz Lizasok (@elizaso) grabatutako podcasta aurki dezakezue. Podcast honetan 2016ko Italako Giroaren lehiaketaren kinielari errepasoa egiten diote. Hona hemen jorratu diren gai nagusiak:

– Aspaldiko partez euskaldun bat Giroaren lehian izango da: Mikel Landa
– 3 atseden eguneko Giroa
– Ostiralean hasten da Giroa, eguerdian, ez larunbatean
– Bonifikazioak izango dira?
– Gazteen maillota 26 urtez azpikoen artean erabakiko da
– Esprinterrak egoki aukeratzea klabea
– Laboral Kutxa Saria babestutako sailkapenean izena ematea ezinbestekoa sarien lehian izan nahi bada

 

Mikel Landaren ordua

Ate joka dugu jada urteko lehenengo hiru asteko itzulia. Harbideetako klasikoak gogoangarriak izan baziren, erabat bestelakoak suertatu ziren Ardenetakoak, eta agian horregatik, zaletuak gosez dira, Italiako Giroa noiz hasiko zain.

Lasterketa arrosak duen berezko xarmaz gain, gainera, aurten euskal zaleak badu beste pizgarri bat. Eta ez euskal zaleak bakarrik; Mikel Landaren azken urteko bilakaerak ikusmin handia sortu du txirrindularitza munduan, eta aurten Sky taldearen koloreekin lehiatzeak ikusmin hori areagotzea eragin du.

Mikel Landa

Denboraldi hasiera ez zen lasaia izan talde britainiarrarentzat arabarri dagokionez. Apustu handia egin zuen Mikel Landaren fitxaketarekin: taldean lider berri bat sartzeak suposatzen duen ahalegin ekonomikoak zuzenean Sky-ren harri bitxietako bat bilakatu zuen Landa. Eta beste gauza batzuen artean, Tim Kerrison taldeko kirol errendimendu burua bere zerbitzuetara jartzea suposatzen zuen horrek. Continue reading “Mikel Landaren ordua”

Mikel Landa Giroko hautagai nagusia

Sekula ez du Tropelak euskal txirrindulari bat Giroko hautagai nagusien multzoan izan, eta esango nuke Tourrean eta Vueltan ere ez. A ze esperantzak piztu dituen Murgiako txirrindularia zaleon artean!!

2016_Mikel_LandaIzan ere ez da soilik hautagai nagusien multzoan sartzeko besteko meritu izatea: momentu honetan Tropelan hautatuena dugu SKYko liderra. Eta ez da harritzekoa ikusita iaz erakutsi zuen maila eta aurtengo denboraldi hasiera bikaina.

Osasun arazoak edo behar beste errendimendua aurkitu ezinda zebilela jakin genuen denboraldi hasieran. Martxoa amaiera arte ez da lehian hasi baina Garrastatxun gora zalantzak uxatu zituen arabarrak. Etapa eta lidergoa eskuratu zituen, baina lasterketa erritmo faltak eraginda seguruenik, ez zen eusteko gai izan. Taldeak berak ere ez zuen espero sailkapen nagusiaren lehian izatea, baina ez zuen harritu etapa garaipenak. Continue reading “Mikel Landa Giroko hautagai nagusia”

Euskaldunen Girorik onena, euskal talderik gabe

Beñat Intxaustik etapa garaipena 2015ko GiroanAzken egun hauetan, Italiako Giroa tarteko, hainbat zale irakurri ditut sare sozialetan Euskaltel-Euskadiren falta gogorarazten. Euskaldunak inoizko Girorik onena egiten eta talde euskaldunik World Tour-ean ez izatea ze nolako galera izan den aipatuz. Ai!! Zer ez ote genuen egingo euskal talde batekin… Badirudi etapa erdiak eta sailkapen orokorra ere eskuratu ahal izango genituela….Eztabaidarako ematen du behintzat. Continue reading “Euskaldunen Girorik onena, euskal talderik gabe”

Amestu dezagun, zergatik ez?

4 etapa faltan, Mikel Landa murgiarra Giroko bigarren postuan sailkatua da azken 10 urtetako itzuli handietako txirrindulari onenarengandik 4 minutura. 59km-ko erlojupekoan jasan zuen denbora galera berbera, alegia. Ezbairik gabe, Landa da Giroko txirrindulari indartsuena maldan gora. Contadorri jarraitzeko gai den bakarra, eta Contador bera uzteko gai izan den bakarra ere bai. Edizio honetako bi etapa dolomitikoen irabazle, non eta Madonna di Campligion eta Aprican, Mortirolo handia pasa ondotik gainera. Mendiko bi etapa jarraian lehen postuan, tamaina honetako azken balentria 2008an izan zen, Sella italiarraren eskutik. Continue reading “Amestu dezagun, zergatik ez?”