Kategoria Artxiboak:Iritzia

Lemoatik Iparraldeko Infernura

(Karabie gaztetxekoen gutuna)

Aupa lagunok! Aspalditik dator horrelako lasterketa bat ikusteko gogoa, arratsalde baten egin zen plana, Lemoako Karabie gaztetxeko bederatzi lagunen artean. Argi geneukan nora gindoazen baina ez nola, eta aste batzuetan, geneuzkan posibilitateak aztertuz, kotxean joatea erabaki genuen, mugitzeko aukera gehiago edukitzeko.
Bidatz-orria egina zegoen; Euskal Herritik irten, Flandes bixitatu eta igandean Paris-Roubaix lasterketa handia ikusi!

Apirilak 8, iritsi zen eguna; A8 autobidea hartu eta martxan jarri ginen. 1200 kilometrotako ibilbide luzea. Paris pasata lo egitea erabaki genuen, eta hurrengo egunean Leuven-era heldu.

Paris Roubaix 2009. Lasterketaren zainApirilak 10 eta 11 Gent eta Brugge-n egon ondoren, iritsi zen egutegian markatuta geneukan eguna. Brujasetik goizean goiz irten eta gustuko “pabe” sektorearen bila. Urduritasuna nabaria zen gure artean. 10:30 aldera Mons-en-Pévèle 10. sektorean geunden. Oso jende gutxi zegoen, karabana batzuk eta gu! 3 kilometroko sektorea, sarrera oso txarrekoa, 90ºko kurba bi eta sektorearen bigarren aldea oso irregular.

Eguerdian juniorrak ikusi ondoren, bazkaldu eta laster bete zen gunea. Laurak pasata ziren; sarrera telebistatik ikusi eta errepide alboan jarri ginen. A ze momentuak. Abiadura handiz pasa zen faboritoen taldea, Tom Boonen buruan zela. Ikustekoak ziren gure aurpegiak. Hori abiadura!!!

Paris-Roubaix 2009. Euskaldunak larri.Aurreko taldea pasata euskaldunen zain geratu ginen. Aitor Galdos, Imanol Erviti, Pedro Horrillo, Markel Irizar, Pablo Urtasun pasa ziren, nahi baino gutxiago baina han urratu genuen eztarria.

Boonenek nola irabazten zuen ikusi eta gero abiatu ginen berriro etxerantz. Bidaia oso luzea aurretik baina bizitako esperientzia oso onarekin!

Testua eta argazkiak: Karabie Gaztetxea (Lemoa)

Puntuak aztertzen: Ezusteko gutxi (I)

EH Itzulia 2009. podiumaOraingo honetan Euskal Herriko Itzuliaren azterketa lehiaketaren ikuspuntutik egin nahiko nuke. Joko guztietan bezala, Tropela.net lehiaketetan ere bi motako parte hartzaileak izan ohi dira. Arriskatzen dutenak eta segurura jokatzen dutenak. Beno, gero ideiarik ez dutenak ere badaude, toki guztietan bezala eta gainera denborarik dedikatu gabe Tropelaren aurrealdean ibili nahi izaten dute.

Hemen ez dago misterio gehiegirik, ordea, aurrealdean ibiltzeko txirrindularitza gertutik jarraitzea komeni da. Aurreko lasterketen emaitzak jarraitu, iazko lasterketa gogoratu, ziklisten forma punttua zaindu eta aukeraketa buruarekin egin, lasterketaren garapena nondik nora joango den imajinatuz. Hori bai, Tropelako 5.000 erabiltzaileen artean lehenengoetakoa izateko, guzti horretaz gain, lasterketako ezustekoa zein izango den ere asmatu behar da. Eta horretarako zorte apur bat, edo dezente, ere behar izaten da.

Beraz, irabazi nahi duenak, guztia asmatu behar izaten du, arriskurik gabeko ziklisten aukeraketan eta lasterketa horretako ezustekoak zein izango diren. Ikus dezagun multzoz multzo zer egin behar zen aurtengo Euskal Herriko Itzulian Tropelean lehen postuetan ibiltzeko: (txirrindularien puntuazioak ikusteko sakatu hemen eta hauen aukeraketak ikusteko sakatu hemen)

HAUTAGAI NAGUSIAK

Hautagaiek puntu asko lortu ohi dituzte eta aurten ere horrela izan da, beraz, Continue reading “Puntuak aztertzen: Ezusteko gutxi (I)”

Multzoen azterketa (II). Euskaldunak

Oraindik ez dago ziur zein izango diren aurtengo Euskal Herriko Itzulian parte hartuko dutenak baina behin-behineko dortsalak aztertuta euskaldun dezente izango dira 160 ziklistaz osatuko den tropelean. Iaz 20ren bat txirrindulari izan genituen eta aurtengoan bat edo beste gehiago izango direla dirudi lasterketa hasteko bi egun falta direnean.

Egoi Martinez eta Iban Mayoz ihesiOhikoa den bezala, txirrindulari euskaldun gehien izango dituen taldea Euskaltel-Euskadi izango da. Samuel asturiarraz gain, gainontzekoak euskaldunak izango dira. Pena euskaldun guztiak Samuelentzat lanean aritu beharrean izatea. Hala eta guztiz ere Egoi Martinez kontutan hartu beharko genuken txirrindularia dela deritzot sasoiko baitago. Iaz urte sasoi honetan ederki ikusi genuen mendiko sariaren jabe eta guzti egin zelarik. Aurrealdean ikusi dugun beste txirrindulari laranja Ruben Perez izango da eta lan txukuna egin dezakeelakoan naiz. Zalantza asko Igor Antonekin ditut. Asko bere aldeko apostua egin duzue, baina lasterketan parte hartuko ez duenaren zurrumurruak iritsi zaizkit. Egia den ala ez bi egun barru jakingo dugu, baina garbi dagoena da zurrumurruak badaude sasoian ez dagoelako izan daitekeela.

Aipatzekoa Contentpolis-Ampo talde murtziarrak ekarriko duen taldea. Izan ere erdia baino gehiago euskalduna izango da kontrakoa pentsa badezakegu ere. Oker ez banaiz 5 txirrindulari euskaldun izango dira bertan eta hauetatik norbait nabarmentzekotan Mikel Gaztañaga izango dela uste dut. Gizon azkarra izaki, sprinten baten edo besten aurrealdean izan daiteke.

David Lopez garaileEuskal txirrindulari kopuruaren araberako ordenari jarraiki, Matxinen taldea aipatzea dagokit. Fuji-Servetto 3 txirrindulari euskaldunek Coborentzat egin beharko dute lan 2007ko garaipena errepikatu nahiko baitu kantabriarrak, beraz, Beñat Intxausti, Arkaitz Duran eta Iker Camañori morroitza lanak egitea egokituko zaie.

Antzeko zerbait gertatzen da Caisse D’Epargnen. Faborito nagusia Luis Leon Sanchez izaki, itzalean geratzen dira Imanol Erviti eta David Lopez. Baina Mitxinen taldean ez bezala, David Lopez askeago utziko dutelakoan naiz eta aukerarik ikusten badu aurrealdean izango dela uste dut.

Eroriko edo ezustekoren bat gertatzen ez bada, Juanma Garate apustu segurua izango da. Garatek Rabobank taldearen laguntza izango duela uste dut eta horrek lasterketan aurrealdean izaten lagunduko dio. Ez da itzulia irabazteko lehian arituko, baina etapa garaipenen bat lortzeko moduan ikusten dut.

Garate garaileAipatzeko geratzen zaizkidan hirurak talde ezberdinetan banatuak daude eta zalantzarik gabe beraien taldeburuentzat aritu beharko dute lanean. Haimar Zubeldiak Contador idolatratuarentzat bota beharko du izerdia Astana taldean, Jose Luis Arrietak Efimkin Ag2Reko taldeburuarentzat eta Bingen Fernandezek Moncoutierentzat Cofidisen. Aipatu Bingenek iaz erorikoa izan eta lasterketa amaitzerik ezin zuela izan.

Gogoan dugu nola iaz David Herrero itzuliaren garaipenaren lehian izan zen. Zoritxarrez azken aurreko Orioko amaieran izandako erorikoak lasterketatik at utzi zuen eta ez zuen azken erlojupekoa jokatzerik izan. Pena galanta euskal jarraitzaileontzat. Aurtengoan zail izango da euskaldunen bat lasterketa lehiatzen aritzeko moduan ikustea, baina norbaitengan apustu egitekotan aurrez aipatutako Egoi Martinezengan egingo nuke.

Txirrindulari bat hil da Mungian

Inoiz aipatu nahiko ez nukeen gertakari bat. Atzo Mungian, 50 urteko txirrindulari bat hil zen kamioi batek zapalduta. Ez BERRIAn (labur-labur eta egunkari erdialdean ezkutatuta) idatzi duten bezala “kamioiaren azpian geratu zen”, bera han pausatu balitz bezala.

IstripuaNon eta Bizkaiko Aldundiak asteburuetan txirrindularioi erabiltzeko gomendatzen digun ingurune batean. Errepide “ghettoak” nahi dituzte, gainerako errepide guztiak autoentzat gordez eta haietatik abiatzen garen “ausartok” arduragabe batzuk garen irudia jendartean zabalduz. Eta noski zerbait gertatuz gero, erantzuleak bizikleta erabiltzaileak ginateke, “babesturiko” errepideetan ez gabiltzalako. Ba Mungian zerraldo geratu zenak “babes” gutxi izan zuen. Asteburua ez zelako agian? Badakizue bada agintari zenbaitek zer pentsatzen duten: bizikletak astebururako eta autoak oztopatzen ez ditugun errepideetarako direla.

Noiz gertatuko eta Ertzaintzak bizikleta eta moto gidarien arau hausteak zaintzeko kanpaina bat martxan jarri eta gutxira. Ezagunak ditut semaforoak gorrian zeharkatzeagatik multaturiko txirrindulariak. Azkenaldian entzun ditugu (Iruñean) alkoholemia tasa gainditzeagatik multaturiko bizikleta erabiltzaileak ere. Baina ez dut txirrindulariak arriskuan jartzeagatik zigorturiko auto edo kamioi gidaririk ezagutzen. Bi kasuak berdin zigortuko balira ere ez nengoke ados. Txirrindulari baten arau hauste batek nekez sor baitezake hildakorik. Auto edo kamioi batek txirrindulariren bat hurbil duela egindako arau hausteek ordea, bizitza asko jartzen dituzte arriskuan. Herrizaingo sailak badirudi ez duela hain argi eta kezkatzen nau.

Ez delako kasu solte bat. Baina ez gara zenbatzeaz ere arduratzen ia. Pasa den astean, argitu gabeko arrazoiengatik beste txirrindulari bat ere hil zen Euskal Herrian. Euskal gatazkaren biktima balitz, lehen orrietan genuke. Genero indarkeriaren biktima balitz erakunde publiko denek omenduko zuten. Lanean hil balitz sindikatuek euren estatistiketan sartu eta hilketa salatuko zuten. Baina bere hurbilekoetatik at, inori ez zaio axola txirrindulari gajo bat. Txirrinduzale eta txirrindularioi ere badirudi ezetz. Noiz egingo dugu planto?

Bihoakio bada hemendik, nire dolumina atzo hildako txirrindulariaren sendiari. Eta Euskal Herriko Itzulia, bera eta errepidean hildako gainontzeko txirrindulariak omentzeko ekitaldi bat izan dadila.

Argazkia: El Correo Digital

Multzoen azterketa (I). Hautagai nagusiak

2009. urteko aurreneko lehiaketa irabazi nahi duenak, aurreneko multzoan fin ibili beharko du txirrindulariak hautatzerako garaian. Bertatik lau gizon aukeratu behar direla kontuan izanda, garailea eta honek gertuen izango dituenak asmatzea ia ezinbestekoa izango da gainera. Baina honezkero partaideek soberan dakitena esaten gehiegi luzatu gabe, joan gaitezen harira, hots, multzoa osatzen duten txirrindulariak aztertzera.

cunego_evans

-    Alberto Contador: aurkezpenik ez du behar espainiarrak. Iazko Itzulian bera izan zen garaile, eta aurtengoan ere hautagai nagusitzat har daiteke. Aste bakarreko itzuli gehienetan bezalaxe, ibilbidea lagun izango du. Gauzak normal direla,  hartzen ez duenak hanka-sartze handi xamarra egin izango du.

-    Andy Schleck: anaietan gazteenak ez du oraindik berarengandik espero den mailarik eman aurten. Tirreno-Adriaticon baxu xamar azaldu da, eta horrek zalantzak sortarazten ditu bere sasoi-puntuari dagokionez. Gainera, erlojuaren aurkako saioan faborito gehienak baino ahulxeagoa da. Hori bai, berezko talentuak eta igoera motz baina gogorrek bere alde egiten dute. Arriskatu nahi duenak aukera hobeak ditu beste batzuengan dena den.

-    Antonio Colom: Itzulian podiuma zapaldutako gizona da mallorcarra. Denboraldi hasiera indartsua darama, eta berez hau zuen sasoiko lehen erronkarik nagusiena. Euskal errepideetan motibazio berezia topatzen du, eta horrek eta bere jarrera erasokorrak beste batzuekiko erlojuaren aurka gal lezakeen denbora berreskuratzen lagun liezaioke. Apustu fidagarria, baina podiuma zapaltzeko ere arazoak behar lituzke.

-    Cadel Evans: iragan urtean bezalaxe, Coppi-Bartali-n lortu du bere aurreneko garaipena australiarrak, dagoeneko onenen artean egoteko prest denaren seinale. Nekez ikusiko dugu erasoan, baina bere dohainak lasterketa irabazteko aproposak dira. Erabakiorra izango den erlojupekoan gutxi izango ditu aurretik. Apustu seguru antzekoa; Contador bera baino faboritoago da, baina hortik aurrera ez da Silence-Lottokoa bezain txirrindulari osorik. Continue reading “Multzoen azterketa (I). Hautagai nagusiak”