Euskara, teknologia eta txirrindularitza
Aste honetan atseden hartzen ari gara Paris-Niza eta Tirreno-Adriatikoaren ondoren. Larunbatean berrekingo diegu lasterketei, oraingo honetan Milan-Sanremo klasiko handiarekin.
Podcast honetan Eneko Garate (@egarate) eta Egoitz Lizaso (@elizaso) bildu dira kinielari errepaso bat emateko. Ea ba gustuko duzuen!
Australiako esprinter txikiak bere Giro honetako bigarren garaipena lortu du. Ewanek (LTS) horrenbestez, bigarren etapa irabazteaz gain, bihar erregulartasunaren maillota ere eramango du. Bere atzetik sailkatu dira Cimolai (ISN) eta Merlier (APC). Sailkapen nagusian aldaketarik ez eta Valter (GFC) gazteak jarraitzen du lider.
Gaurko etapaz eta biharkoak eman dezakeenaz aritzen da Egoitz Lizaso (@elizaso) podcast berri honetan.
Berriro ere esprinterrentzako eguna izan da gaurko Italiako Giroko 5. etapa eta ongi kontrolatua izan dute beraien taldeek hala izan zedin. Azkarrena gaurkoan helmugan Ewan (LTS) izan da, bigarren Nizzolo (TQA) izan delarik. Bigarren postu horri esker, erregulartasunaren sailkapenean buruan jarri da italiarra.
Edozein kasutan gaurko notizia Mikel Landaren (TBV) erorikoa eta etxeratzea izan da. Bidard (ACT) eta Dombrowskirekin (EFN) batera izandako erorikoan, hiruak ala hiruak etxerako bidea hartu behar izan dute erdibitzailea adierazten ari zen motozalearen kontra jo ondoren. Ez dira hauek etxerako bidea hartu duten bakarrak, izan ere Sivakov (IGD) berak ere aurrez eroriko bat izan eta, helmugaratu bada ere, bihar ez da irteeran izango.
Hau eta gehiago kontatzen digu Egoitz Lizasok (@elizaso) podcast berri honetan.
Azkarrenek beste aukera bat izan dute 2020ko Frantziako Tourreko 11. etapa honetan eta etapa garaipen berri bat lortu duena Ewan (LTS) izan da. Saganek (BOH) bigarren egin badu ere, zigortua izan da azken posturaino atzeratuz. Eguneko albiste txarra Ion Izagirrek (AST) erorikoa izan eta lasterketa utzi beharrean izan dela da. Hau guztia eta 12. etapak eman dezakeena Iban Hernandezek (@piban) kontatzen digu podcast berri honetan.
2020ko Frantziako Tourrek 3. etaparen errepaso honetan gidoia bete eta esprintean amaitu da etapa. Azkarrena Ewan (LTS) izan da eta gaurko etaparen ondoren maillot aldaketa bakarra erregulartasunaren berdearena izango baita Saganek (BOH) eskuratu baitu. Mendikoaren lehian, berriz, Cosnefroyk (ALM) eutsiko dio Perezek (COF) jaitsieran erori eta lasterketa utzi beharrean izan baita. Hau eta biharko etapan izan daitekeenaren inguruan mintzo da Iban Hernandez (@piban) podcast honetan.