Etiketa Artxiboak:Igor Anton

“Zortzi urteotan nire lekua lortu dut tropelean”

Koldo Fernandez de Larrea 30 urteko gasteiztarra Tropela Elkartearen sari banaketa ekitaldian izan zen. Sariak banatzen lagundu zigun eta harekin solasteko aukera izan genuen. Euskaltel-Euskadin zortzi urte eman ondoren, datorren urtean, nazioarteko tropeleko izar nagusietako baten laguntzailea, Farrarrena, izango da, Garmin-Cervelo taldean –azaroaren 17an aurkeztuko dute taldea-. 2007tik 2010era urtero altxatu ditu besoak probaren batean edo bestean. Orain arteko urterik emankorrena 2008a izan du, bost lasterketatan nagusitu baitzen, tartean Euskal Bizikletako etapa batean. Honatx orain artekoaz eta etorkizunaz esan ziguna.

Continue reading ““Zortzi urteotan nire lekua lortu dut tropelean””

Tropela.net 2011 sari banaketa ekitaldia: eskerrik asko

Arritxu Iribar eta Koldo Fernandez de LarreaOstiralean arratsaldeko 18:30etatik aurrera ospatu genuen Tropelaren 7. sari banaketa ekitaldia. Zarauzko Merkatu plazan izan ekitaldi hau lehen aldiz eta bertan bildu ginen aurkezle lanetan aritu zen Arritxu Iribar kazetaria, Koldo Fernandez de Larrea, bertsolariak, sarituak eta Tropela elkarteko kideak.

Post honekin eskerrak eman nahi dizkiegu ekitaldia aurrera eramaten lagundu ziguten guztiei asko izan baitzimeten: Arritxu Iribar kazetaria eskertu nahi genuke jada bigarrengo urtez aurkezle lanetan aritu baitzen, Koldo Fernandez de Larreari sariak banatzen lagundu izanagatik, Oier Aranzabal eta Oier Aizpurua bertsolariei ekitaldi azken bertsoengatik eta bertaratu zineten saritu guzioi.

Baina ez dira hauek guztiak, beste zenbaitek ere zer esan handia izan baitzuten aurtengo ekitaldian. Hauei guztiei ere gure eskerrik beroenak: Ruth Aristondori ekitaldian ikusgai izandako bideo bikain hori prestatu izanagatik, Maider Beldarraini bere ezagutzekin ekitaldia antolatzen lagundu izan zigulako, Gari Berasaluzeri (Zarauzko Udala) aretoaren antolakintzan emandako laguntzagatik, gure babesle guztiei (Kiroljokoa, Jakion, www.euskalpilotaonline.com, Ipintza Sagardotegia, …) sariak beraiei esker banatu ahal izan baikenituen, eta maillotak sinatuta eman dizkiguten euskal txirrindulari guztiei (Eneritz Iturriaga, Juanjo Oroz, Amets Txurruka, Mikel Nieve, Igor Anton, Gorka Izagirre, Juanma Garate, Xabier Zandio, Beñat Intxausti, Markel Irizar eta Haimar Zubeldia).

Eskerrik asko guztioi!!

Igor Gonzalez de Galdeanori, agur

Euskaltel-Euskadi taldearen zuzendaritza utziko du denboraldiaren bukaeran.

Talde laranjan sei urte eman eta gero, “arrazoi pertsonalengatik” utziko du lana. Galdeanoren hitzak jaso ditu Euskaltel-Euskadiren webguneak; bere bizitzari “beste norabide bat” eman nahi omen dio aurrerantzean. Gasteiztarrak gaineratu duenez, erabaki zaila izan da, Miguel Madariaga Euskadi fundazioko presidentearekin duen harremana oso estua delako, alegia esparru profesionaletik haratago doalako. Ez du argitu, ordea, ziklismoa utzi behar duen behin betiko ala beste talde batean ariko den. Continue reading “Igor Gonzalez de Galdeanori, agur”

Badirudi ez zirela hain txarrak

Gaurko honetan utziko didazue pixka bat luzatzen eta aldez aurretik horregatik barkamena eskatzen dizuet. Baina uste dut jorratuko dudan gaiak merezi duela eta gainera zenbait gogoeta sakon egiteko parada dela iadanik errepideko txirrindularitza denboraldia ia-ia amaituta dagoenean. Gogoratu Tropela.net-en urteko azken lehiaketa datorren asteburuan jokatuko dela: Errepideko Txirrindularitzako Munduko Txapelketa, horren inguruan ere berri emango dugu, nola ez, leku honetan.

Geox taldearen inguruan gogoeta batzuk bultzatu nahi ditut. Vuelta amaitu da eta askorentzat sorpresa izan da sailkapen nagusiko irabazlea. Tropelako kinieletan faboritoen artean zeuden Wiggins, Nibali edo Igor Anton bera. Hirurek ezin izan diote aurtengo edizioaren garaileari aurre egin: Juanjo Cobo, Geox taldeko kantabriarra (Tropelako kinieletan soilik % 12,5ak aukeratu zuen txirrindulari hau).

Continue reading “Badirudi ez zirela hain txarrak”

Tropela Bilbon II: Igor Antonen garaipena etxean

Euskaltel Euskadiko txirrindulariak irabazi du Espainiako Vueltako 19. etapa, Bilbon bukatu dena. Igor Antonek, Gorka Verdugok, Bruseghinek eta Dyachenkok osatu dute eguneko ihesaldia 29. kilometroan. Vivero mendatearen 2. igoeran laukotea sakabantu egin da: Igor Antonenk eta Bruseghinek aurrera egin dute, eta azkenean galdakaoztarrak atzean utzi du Movistarreko italiarra Viveroko malda gogorretan. Continue reading “Tropela Bilbon II: Igor Antonen garaipena etxean”