Eneritz Iturriaga – Tropela.eus bloga

#72 Tropela.net podcastak: Munduko Txapelketa 2012. Emakumezkoei errepasoa

Aurtengo Munduko Txapelketa Limburgen jokatuko da. Londreseko Olinpiar jokoetan egin bezala, Munduko Txapelketa honetan emakumezkoak ere aukeratu behar dira Tropelako kinielan. Podcast honetan Eneko Garate (@egarate), Axier Sukia (@sukigalp) eta Egoitz Lizasok (@elizaso) emakumezkoek egin beharko dituzten ibilbideak eta emakumezkoak aztertzen dituzte.

Ondorengo edukia aurkituko duzue entzungai besteak beste:

– Limburgeko ibilbidearen azterketa: erlojuaren kontrakoa (24km) eta errepidekoa (129km).
– Tropelako kinielan emakumezkoen multzoei azterketa.
– Limburgen izango diren emakume ordezkariak: Eneritz Iturriaga eta Ane Santesteban.
– Nola banatuko dira euskaldunen puntuak?

Tropela.net 2011 sari banaketa ekitaldia: eskerrik asko

Ostiralean arratsaldeko 18:30etatik aurrera ospatu genuen Tropelaren 7. sari banaketa ekitaldia. Zarauzko Merkatu plazan izan ekitaldi hau lehen aldiz eta bertan bildu ginen aurkezle lanetan aritu zen Arritxu Iribar kazetaria, Koldo Fernandez de Larrea, bertsolariak, sarituak eta Tropela elkarteko kideak.

Post honekin eskerrak eman nahi dizkiegu ekitaldia aurrera eramaten lagundu ziguten guztiei asko izan baitzimeten: Arritxu Iribar kazetaria eskertu nahi genuke jada bigarrengo urtez aurkezle lanetan aritu baitzen, Koldo Fernandez de Larreari sariak banatzen lagundu izanagatik, Oier Aranzabal eta Oier Aizpurua bertsolariei ekitaldi azken bertsoengatik eta bertaratu zineten saritu guzioi.

Baina ez dira hauek guztiak, beste zenbaitek ere zer esan handia izan baitzuten aurtengo ekitaldian. Hauei guztiei ere gure eskerrik beroenak: Ruth Aristondori ekitaldian ikusgai izandako bideo bikain hori prestatu izanagatik, Maider Beldarraini bere ezagutzekin ekitaldia antolatzen lagundu izan zigulako, Gari Berasaluzeri (Zarauzko Udala) aretoaren antolakintzan emandako laguntzagatik, gure babesle guztiei (Kiroljokoa, Jakion, www.euskalpilotaonline.com, Ipintza Sagardotegia, …) sariak beraiei esker banatu ahal izan baikenituen, eta maillotak sinatuta eman dizkiguten euskal txirrindulari guztiei (Eneritz Iturriaga, Juanjo Oroz, Amets Txurruka, Mikel Nieve, Igor Anton, Gorka Izagirre, Juanma Garate, Xabier Zandio, Beñat Intxausti, Markel Irizar eta Haimar Zubeldia).

Eskerrik asko guztioi!!

Juanito1949 izan da Tropelako lehen garailea

Erabiltzaileen kinielak eskuragai.

Datuak aztertu ondoren eta arauak betetzen ez zituzten zenbait erabiltzaile lehiaketatik kanpo utzi ostean, 3057 dira Tropela lehiaketan parte hartuko dutenak. Hauetatik gaurkoan garailea juanito1949 erabiltzaile zarauztarra izan da eta beretzat izango da Eneritz Iturriagaren maillota.

Lehiaketari gardentasuna eman asmotan, ondorengo pdf fitxategi hauetan bildu ditugu erabiltzaile guztien kinielak, herria eta kinielaren azkeneko aldaketa egin deneko data:

tropela_erabiltzaile_kinielak_Znbk-A-B.pdf (583Kb)

tropela_erabiltzaile_kinielak_C-H.pdf (469Kb)

tropela_erabiltzaile_kinielak_I-J.pdf (527Kb)

tropela_erabiltzaile_kinielak_K-N.pdf (626Kb)

tropela_erabiltzaile_kinielak_O-P.pdf(230Kb)

tropela_erabiltzaile_kinielak_R-Z.pdf (588Kb)

Zorte on guztioi!!

Lehenengo etapa, lehenengo saria

Euskal txirrindulariek sinatutako maillotak.

Gaur izango da Tourreko lehenengo etapa, beraz, gaur jakingo dugu Tropeleko lehenengo garailea. Eta lehen garailearentzat Eneritz Iturriagaren maillota izango da. Izan ere Eneritz Espainiako txapelketako emakumezkoen erlojupekoan garaile izan da orain egun gutxi eta gaurko etapa erlojupekoa da.

Eskerrik asko Eneritz zure eskuzabaltasunagatik, baita euskal txirrindulari guztiei ere, eta animuak guztioi!!

Juanma Garate errepideko Espainiako txapeldun

Eneritz Iturriaga erlojupekoan txapeldun izan zen.

Irundarra Murtzian jokatu den Espainiako Txapelketan errepideko txapeldun izan da. Gaur jokatu da 231 kilometrotako ibilbidea izan duen lasterketa. Juanma eta Francisco Mancebo iritsi dira elkarrekin helmugara baina Garate izan da indartsuago azken metrotan.

Saunier Duvaleko txirrindulariaren maillota gure sarien artean dugu. Beraz, aurtengo bi Espainiako txapeldunen maillotak izango dira beste hainbat euskal txirrindularirenekin batera gure sarien artean; bat Juanma Garaterena eta bestea Eneritz Iturriagarena.