Kategoria Artxiboak:Euskaldunak

#74 Tropela.net podcastak: Euskaltel berria eztabaidagai

Podcast honetan Igor Gonzalez de Galdeanoren Euskaltel berriaz aritzen dira Axier Sukia (@sukigalp), Iban Perez (@piban), Hibai Martinez eta Egoitz Lizaso (@elizaso). Hona hemen eztabaidan jorratutako zenbait puntu:

– Igor Gonzalez de Galdeanok lehen helburua lortu du. Gaur jakin dugu Euskaltel berriak World Tour lizentzia izango duela.
– Baina beharrezko al da World Tour lizentzia? Zeren ordainetan?
– Ivan Velasco eta Amets Txurruka alboratuak izan dira. Honek Euskaltel-Euskadi taldean izandako zenbait txirrindulari ohiek eskutitz bat idaztea ekarri zuen taldearen izaera aldaketak kezkatuta.
– Euskaltel berriak fitxatutako atzerritarrek ze suposatzen dute? Zein izango da hurrengo urtean beraien papera?
– Gaia zuzen ez da eraman. Komunikazio gabezia nabarmena sumatzen dute solaskideek prozesu guzti honetan.

Elkarrizketa Igor Gonzalez de Galdeanori ETBn

Igor Gonzalez de Galdeano atzo ETBsat-eko “La entrevista” saioan izan zen. Bertan Jose Iturte kazetariak elkarrizketa egin zion batez ere Euskaltel berria izango denaren inguruan.

Garbi dago gaia pil-pilean dagoela. Kontrako jarrerak ageru izanaren arrazoiaz galdetzean Igorrek zalegoak egoera ez ondo ulertzeari egozten dio. Hala bada ardura zati handia beraiena izan dela esango nuke. Ala horrelako aldaketa egin aurretik ez zuten eztabaida sortuko zenik aurrikusi?

Elkarrizketa ikustera gonbidatzen zaituztet. Gero bakoitzak atera ditzala beraien ondorioak.

 

Amildegiaren ertzean

Denbora aurrera dihoa, eta Igor Gonzalez de Galdeanoren gidaritzapean sortuko den Euskaltelen proiektu berriak oraindik galdera ikur eta hodei ilun asko aurkezten ditu etorkizun hurbilean.

Victor Cabedoren zorigaiztoko istripuak une hartan bigarren maila batean utzi bazuen ere, Amets Txurruka eta Ivan Velascoren gainean hartutako erabakiak soka luze xamarra ekarri du (taldean izandako zazpi euskal txirrindulari garrantzitsuren eskutitz irekia, besteak beste), hein handi batean Galdeanok berak txirrindulariei emandako tratuagatik.

World Tour mailari nola edo hala eusteko lehian murgilduta dago zuzendari arabarra, eta oraingoz jakina den bakarra, bide horretan proiektuaren eraberritzea atzerriko txirrindulariak ekartzetik etorriko dela da. Hortik aurrera, ezer gutxi. Halakoetan ohikoa den bezala, zurrumurruak izan badira: Barredo, Schulze, Vrecer…Oraingoz baieztaturiko fitxaketa bakarrak Gari Bravo eta Jon Aberasturirenak dira, eta Jure Kocjan esloveniarra ere datorren urtean laranjaz jantziko dela dirudi. Kirol zuzendaritzari dagokionez, Oscar Guerrero nafarra taldeko kotxeetako batean izango da.

Continue reading “Amildegiaren ertzean”

Haimar Zubeldiak bere lesioaren berri eman du

Haimar Zubeldiak gaurko etapa hasi aurretik komunikabideak deitu ditu komunikatu bat irakurtzeko. Bertan denboraldi hasieran lasterketatan parte hartu gabe izatearen benetako arrazoiaren berri eman du. Hemen duzue:

“Orain dagoeneko Tourra amaitzear dela, niretzako aurtengo lasterketa oso garrantzitsua izan dela aipatu nahi nizuen.

Niretzeko garrantzitsua izan da izan ere orain 3 hilabete aurikulako fibrilazio egonkor bat jasan nuen, eta medikuek esaten zidatenaren arabera nire kirol ibilbidearen amaiera izan zitekeen. 4 astez erabateko atsedenean eta tratamenduan izan nintzen azaldu dizuedan egoera honen ondorioz.

Gaur arte dena ondo joan da eta Bodegas medikuari (hemendik agur bat berari), nire familiaren baldintzarik gabeko sostenguari, lagun eta taldeari (nire egoeraren berri izan baitzuen uneoro) esker, berriro ere txirrindularitzaz gozatzeko aukera izan dut inoiz egin ez nuen moduan. Continue reading “Haimar Zubeldiak bere lesioaren berri eman du”

#67 Tropela.net podcastak: Frantziko Tourra 2012. Bigarren asteari errepasoa

Frantziako Tourreko bigarren asteari errepasoa egiten diote podcast honetan Eneko Garate (@egarate), Iban Perez (@piban) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Skyren nagusitasuna Alpeetako etapa nagusietan. Nor da taldeburua, Wiggins ala Froome?
– Euskal txirrindulariak: Egoi Martinez eta Gorka Izagirre etapen lehian, eta Haimar Zubeldia sailkapen nagusiari begira.
– Sailkapen ezberdinei errepasoa.
– Gaur jakin den Frank Schlecken ez negatiboa.
– Geratzen diren bost etapei begirada.