Kategoria Artxiboak:Euskaldunak

Phinney atzoko faboritoetan nagusi

Atzoko lehen etaparako hiru faboritoak aipatu zituen Vaughtersek twitter bidez eta baita asmatu ere. Phinney (BMC, %14), Thomas (SKY, %21,3) eta Rasmussen (GRM, %2,7) izan ziren bere txioko izenak, baina ordena zehaztera ez zen ausartu. Hala ere, Rasmussenek irabaztea nahiko zuela pentsatu behar bere taldeko txirrindularia izaki.

Askok Thomas jotzen zuten faborito. Romandiako aitzin etapa irabazi zuen eta horrek abantaila ematen zion, baina gogoratu Romandiakoan zenbait txirrindularik euripean jokatu zutela atzo ez bezala. Dena den, Thomasek ez zuen hutsik egin eta denborarik onena jarri zuen.

Ez nuke aipatu utzi nahi Navardauskasen (GRM, %0,1) marka denbora luzez gainditu ezineko marka izan zela.

Continue reading “Phinney atzoko faboritoetan nagusi”

Baikorretik gutxi

Batez ere Euskal Herriko Itzuliaren harira, han eta hemen entzun dugu Miguel Madariaga Euskaltel Euskadiren managerra. Agur kutsua izan dute bere adierazpenek, inondik ere. Talde laranjaren etorkizuna datozen hilabeteetan argituko da, baina Madariagak argi utzi du bera ez dela bertan ariko.

Oharkabean pasatzen ez den horietakoa da Madariaga, egiazki. Azken bi hamarkadetan oso momentu gozoak bizi izan ditu. Gutxi batzuk aipatzearren, Roberto Laisekak Luz Ardinenen lorturiko garaipena –Euskaltelen lehen garaipena izan zen Tourrean- edota Iban Mayok eta Haimar Zubeldiak Tourreko podiuma hatz puntekin ukitu zutenekoa. Azken urteetan Samuel Sanchezek, Igor Antonek eta Mikel Nievek eman dizkiote poz gehien kirol arloan; bereziki hunkigarria izan zen Antonek Bilbon irabazitako Espainiako Vueltako etapa. Egun garratzak ere izan ditu, noski. Mikel Astarlozak positibo eman zuenekoa, kasu. Kirol arlotik kanpora ere jardun da Madariaga, besteak beste ate joka ibili da taldearen biziraupenerako beharrezko sosen bila.
Nork bere iritzia izango du Miguel Madariagari buruz. Hona hemen, azken egunotan Noticias de Gipuzkoan eta Euskal Telebistan esandakoen laburpentxoa.

Continue reading “Baikorretik gutxi”

Jon Izagirre protagonista Belgikan

Ez dakit Jon ala Ion idatzi behar dudan, baina guztiok dakizue norri buruz ari naizen. Ormaiztegiko Izagirre anaietan gazteenak erakustaldia eman du Gent-Wevelgem klasikoan.

Eguneko ihesaldian sartu da beste txirrindulari batzuekin, baina ihesaldiaren ibilbidearekin gustora ez eta aurrera jo du Lund (SAX) kide zuela. Biak azken 15 kilometrorarte lasterketa buruan izan dira baina, espero zen bezala, interes asko eta txirrindulari indartsuak zituzten atzetik eta harrapatu egin dituzte.

Continue reading “Jon Izagirre protagonista Belgikan”

Haimar Zubeldiak eta Markel Irizarrek ikurrinak dituzte

Atzo RadioShack-Nissan-Trek taldearen aurkezpena zertxobait jarraitzen izan nintzen. Aurkezpen ekitaldiarekin batera webgune berria ere martxan jarri zuten: RadioShackNissanTrek.com. Aurten soinean eramango duten maillot berriaz gain, sarrerako orriaren oinean zenbait txirrindulariren izenak eta banderak agertzen zirela ikusi nuen. Eta horien artean Haimar Zubeldia eta Markel Irizarrek aldamenean ikurrina bana zutela konturatu nintzen.

Gaur goizena Twitter bidez goian jarri dizuedan irudi hori jarri dut txio batean eta oihartzun pixka bat izan du. Bai Haimar eta Markelek ikurriñak zituztelako, baita Klödenek Europako bandera zuelako Alemaniarra izan beharrean.

Bandera edo herritartasun kontua ere mintzagai izan dugu askotan Tropelan bertan ere. Nik nire iritzia argi dut: bakoitzak gehien sentitzen duenaren araberako bandera erabil dezala. Euskal herritar naizen aldetik, nire uste aurrera pausu garrantzitsutzat jotzen dut txirrindularitza profesional mailako talde batek euskal txirrindulariei horrelako aukera ematea. Era berean, txalogarria iruditzen zait bai Haimar Zubeldia eta baita Markel Irizarrek ikurrinaren alde egitea.

Seguru polemikarako gaia izango dela, bai orain eta bai gero ere.

Euskaltel-Euskadi talde gorria izango da 2013tik aurrera [inozentada]

Dakizuen bezala Euskaltel-Euskadi taldeak 2012. urtera arte zuen ziurtatua Euskaltelen babesa. Egoera horren aurrean, euskal komunikazio zerbitzuen enpresaren erantzunaren zain geratu beharrean, aurrera egin eta beste babesle baten bila aritu dira. Eta lortu ere, lortu dute.

Vodafone izango da 2013tik aurrera eta 3 urtez egun Euskaltel-Euskadi taldea bezala ezagutzen dugun taldearen babeslea. Izen berria Vodafone-Euskadi izango da, eta noski, babesle nagusia Vodafone izanda, talde laranja izatetik talde gorria izatera pasako da. Sofía Rodriguez-Sahagún, Vodafone Españako irudi eta marka zuzendariaren hitzetan, Espainiako Vueltak Euskal Herrian izan duen harrera ona ikusita orain arteko talde laranja gorriz janzteak irudiari kalterik ez diola egingo argi geratu da. Continue reading “Euskaltel-Euskadi talde gorria izango da 2013tik aurrera [inozentada]”