Etiketa Artxiboak:Adam Yates

#530 Tropela.eus podcastak: 2021eko Espainiako Vuelta. Errepasoa – 21. etapa

Roglicek (TJV) nagusitasun handiz eskuratu du 2021eko Vuelta

Espero bezala, gaurkoan etapa garaipena eta horrenbestez 2021eko Vuelta Roglicek (TVJ) eraman ditu. Beste behin etapa garaipena kendu dio eslovakiarrak Corti (EFN) gaur bigarren denborarik onena lortu duen txirrindulari eta Vueltako protagonistetako bati. Horrenbestez, Roglicek beste Vuelta bat poltsikoratu du Mas (MOV) eta Haigen (TBV) aurretik. Ineoseko lehena Yates (IGD) izan da eta podiumeko atarian geratu da ez baita gauza izan Haigekiko zuen minutuko atzerapena berreskuratzeko gaurko saioan. Gazterik onena Mäder (TBV) izan da, mendiko saria Storerrek (DSM) eraman du eta erregulartasunarena Jakobsenek (DQT). Taldekakoan, errepidean erakutsi moduan, Bahrainek eraman du. Euskaldunik onena Ion Izagirre (APT) izan da.

Gaurko etapak emandakoak eta Tropelan jasotako puntuei errepasoa ematen die Egoitz Lizasok (@elizaso) Vuelta honetako azken podcast honetan.

Podcastera harpidetu

#529 Tropela.eus podcastak: 2021eko Espainiako Vuelta. Errepasoa – 20. etapa

Champoussinek (ACT) etapa garaipena lortu du saio ikusgarri batean

Espero bezala ihesaldia osatu da, batez ere DSMek mendiko maillota ziurtatu nahi zuelako. Azkenean Storer-ek (DSM) irabaziko du edizio honetan. Ihesaldi horretan bertan zen gaurko etapa garailean, Champoussin (ACT). Hala ere meritu handiko garaipena frantziarrak lortu duena, izan ere faboritoen tropeltxoa lasterketa buruan zela atzetik aurrera egin azken bi kilometroetan eta garaipena lortu du. Sailkapen nagusian aldaketarik aipagarriena Miguel Angel Lopezek (MOV), etapa garaipena lortuta eta podium postuetan zela, faboritoen tropeltxotik moztuta geratu eta denbora asko galtzen ari zela ikusita, lasterketa uztea erabaki du. Zeresan handia emango du oraindik ere bere erabakiak. Haig (TBV) da orain podium postuetan eta bihar lehia ikus dezakegu Yates (IGD) eta bere artean. Maillot zuriak ere jabe berria du Bernal (IGD) Lopezen taldean baitzen eta Mäder (TJV) faboritoekin, denbora tarte nahikoarekin zuria eskuratzeko. Lider sendo, aldiz, Roglicek (TJV) jarraitzen du, gainera biharko erlojupeko faborito delarik.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#524 Tropela.eus podcastak: 2021eko Espainiako Vuelta. Errepasoa – 15. etapa

Majkak (UAD) irabazi du atseden aurreko mendiko etapa

Majkak (UAD) lortu du 15. etapa poltsikoratzea, Carusok (TBV) 9. etapan lortu zuenaren antzera. Zerbait gehiago espero zen faboritoen artean, baina erasoa jotzen bakarra Adam Yates (IGD) izan da, 15 segundo soilik urratzera iritsiz. Ondorioz, Eikingek (IWG) jarraitzen du gorriz.

Atzoko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#518 Tropela.eus podcastak: 2021eko Espainiako Vuelta. Errepasoa – 9. etapa

Carusok (TBV) erakustaldia emanda lortu du etapa garaipena

Ihesaldiak bide eginda, erakustaldia eman du Carusok (TBV), aurtengo Giroan podiumean izan den txirrindulari italiarrak. 70kmren faltan ihesaldiko kideei erasoa jo eta helmugaraino, sailkapen nagusiko oilarren erritmoa nahikoa izan gabe, etapa garaipena lortzeko. Gainera mendiko sailkapenean ere lider jarri da. Aipatzeko ihesaldi berean Julen Amezketa (CJR) izan dela. Sailkapen nagusiari dagokionez, Roglic (TJV) eta Mas (MOV) izan dira indartsuenak. Hautagai Nagusiko gainontzekoei dagokionez, Adam Yates (IGD) izan da Ineoseko onena gaurkoa eta Bernalek (IGD) ahuleziak erakutsi ditu. Carapaz (IGD) atzerago sailkatu da, baina guztietan okerren Mikel Landa (TBV) izan da. Murgiakoa portuaren hasieran erritmoa jarraitu ezinik lasterketa irabazteko lehiaz kanpo geratu da.

Gaurko etapak emandakoak eta etzikoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#415 Tropela.eus podcastak: 2020ko Frantziako Tourra errepasoa – 18. etapa

Ineos horrenbeste behar zuen etapa garaipena lortu Kwiatkowski (INS) eta Carapazekin (INS)

Gaur jokatu da aurtengo Tour honetako azken mendiko etapa garrantzitsua. Bertan ihesaldi mardul bateko parte izanda, Carapaz eta Kwiatkowski (INS) helmugaratu dira elkarrekin azken honek etapa garaipena lortuz. Azpimarratzekoa Pello Bilbaoren (TBM) lana etapa lehiatzeko hauekin izan baita atzeratuta geratu den arte, eta edozein kasutan, ondoren Mikel Landari (TBM) sailkapen nagusian aurrera egiten laguntzeko ere lanean izanik. Mikel Landa (TBM) mugitu da, baina, gutxi ez izanik ere, lortu duen saria sailkapen nagusian 5. postura igotzea izan da Adam Yates (MTS) eta Urani (EF1) denbora aterata.

Biharkoak trantsizioko etapa behar luke eta ihesaldia zein esprinterren arteko lehia espero da. Sailkapen nagusikoentzat atseden eguna izango da, larunbateko erlojupeko garrantzitsurako indarrak errekuperatzeko eguna.

Hau eta gehiago duzue entzungai Egoitz Lizasoren (@elizaso) eskutik datorkizuen podcast berri honetan.

Podcastera harpidetu