Pello Bilbao – Tropela.eus bloga

Tropelaren Erlojupekoa #1 | 2022/02. Pello Bilbao, solasaldia eta izen propioak

Tropelaren lehen erlojupekoan Pello Bilbao izan dugu

Errepideko denboraldiarekin batera, Tropela.eus atariaren podcast denboraldiari hasiera emango diogu saio berri batekin. Hauxe duzue, Tropelaren Erlojupekoa. Hilero denbora hartuko dugu txirrindularitzari buruz aritzeko. Elkarrizketak, solasaldiak, analisiak eta bestelako atalak tartekatuko ditugu.

Otsaileko erlojupekoa Pello Bilbao txirrindulari bizkaitarra elkarrizketatu du Imanol Lluciak (@imanolllucia). Solasaldian, Imanol berak gidatuta, Eneko Garate (@egarate) eta Egoitz Lizaso (@elizaso) partaideekin 2023ko Frantziako Tourraren Bilbok Grand Depart-a eta aurtengo Euskal Herriko Itzulia izan dituzte hizpide. Saioaren azken atalean, hilabete honetako izen propioak errepasatzen dizkigu Inaxio Esnaolak (@inaxioesnaola) atalak desberdinak aurkezteaz gain. Ea ba gustuko duzuen ekimen berri hau.

Denboraldi berri baterako prest?

Podcastera harpidetu

#491 Tropela.eus podcastak: 2021eko Frantziako Tourra

Azkenean, ohiko egutegira bueltatuta, hemen dator aurtengo Frantziako Tourra! Bi hautagai nagusi eta hamabi multzoz osatutako kiniela dugu aurtengoan. Euskaldunei dagokionez, zazpi izango dira lehian, bost taldetan banatuan. Nola ez, Astanak izango ditu euskal txirrindulari gehien, hiru hain zuzen ere.

Aurtengo Tourrari bere osotasunean eta bereziki Tropelako kinielari errepasoa emateko Iban Perez (@piban), Lander Garro (@landergarro) eta Egoitz Lizaso (@elizaso) bildu dira mikrofono hauetara. Ez galdu ezinbesteko izango zaizuen podcast hau eta zorte on!

Podcastera harpidetu

#489 Tropela.eus podcastak: 2021eko Italiako Giroa errepasoa – 20. etapa

Carusok (TBV) garaipen garrantzitsua azken mendateko etapan

Ikusgarria Giroko 20. etapa nahiz eta sailpanen nagusian aldaketa gehiegirik ez zuen sortu. Bardet (DSM) eta Caruso (TBV) oso ausart erasoan, Bernal (IGD) eta Daniel Felipe Martinez (IGD) bikian arrosaren defentsan. Azkenean Carusok etapa garaipena lortzeaz gain, bigarren postua sendotu zuen, hein handi batean Pello Bilbaoren (TBV) lan eskergari esker.

Atzoko etapak emandakoa eta gaurkoak eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu

#467 Tropela.eus podcastak: 2021eko Italiako Giroa

Badator 2021eko lehen itzuli handia! Ohiko egutegiari jarraituz, aurtengo 2021eko Italiako Giroa larunbatean bakarkako erlojuaren kontrako saio batekin ekingo zaio eta 21 etapen ostean, Milanen amaituko da beste erlojuaren kontrako saio batekin. Italiako lasterketa honi errepasoa egin, eta batez ere, kiniela aztertzeko, podcast honeta Lander Garro (@landergarro), Iban Perez (@piban) eta Egoitz Lizaso (@elizaso) bildu dira.

Ez ahaztu sarien lehian izateko Laboral Kutxak babestutako sailkapena dugula. Eman izena kiniela gordetzerakoan! Zorte on!

#447 Tropela.eus podcastak: 2020ko Italiako Giroa errepasoa – 21. etapa

Geoghegan Hart (IGD) dugu 2020ko Italiako Giroko irabazlea

2020ko Italiako Giroko 21. etapa honekin amaitu da aurtengo bigarren itzuli handia. Erlojuaren kontrako saioan, espero bezala Gannak (IGD) lortu du etapa garaipena, bere 4 garaipena Giro honetan. Horretaz gain, ordea, INEOS taldeak, Geoghegan Hartek (IGD) Hindleyri (SUN) ateratako denbora tarteari esker, egungo txapeldun berria dugu. INEOSek, beraz, egun borobila gaurkoan. Podiuma Keldermanek (SUN) osatu du. Pello Bilbaok (TBM), aldiz, Almeidak (DQT) egin duen erlojupeko bikainaren ondorioz, postu bat galdu eta 5. amaitu du azkenean.

Hau eta Tropelako puntuaketa nola geratu den kontatzen digu Iban Hernandezek (@piban) podcast honetan.