Irizar enpresak autobus berriak emango dizkio Euskalteli [inozentada]

Hilabete hasieran Miguel Madariagaren eskutik jakin genuen nola egungo Euskaltel-Euskadi taldeak txirrindulariei ordaindu beharreko soldatak ordaintzeko zailtasunak zituen. Zehazki 857.902€ behar zituen azken bi hilabeteetako soldatak ordaintzeko. Ordainketa hauei aurre egiteko talde berriak – Basque Pro Cycling Team enpresak zuzenduko duen talde berriak – egun talde laranjak dituen ibilgailuak erostea eskatzen zuen Miguel Madariagak. Ibilgailu hauen balioa – lau autobus, kamioi bat eta roulotte bat – 938.000€ ingurukoa litzateke.

Egoera honen aurrean, eta jakinda Euskaltel berriak World Tour lizentzia 2016. urtera bitartean izango duela, Irizar konpainiari ez zaio zuzena iruditu zaharkitutako autobusak taldeak berrerabiltzea. Batez ere honek enpresaren irudian izan dezakeen eraginak arduratzen du enpresa goierritarra. Hori dela eta, egun Euskaltelek dituen 4 autobus horiek jaso eta Irizar i6 azken modeloaren 4 ez, 5 autobus emango lizkioke ordainetan Igor Gonzalez de Galdeanoren Euskaltel berriari. Arduradunen arabera era honetan beraien irudirik onena emango lukete mundu mailan eta bertako proiektu berriari bultzadatxo bat eman.

Ez da, beraz, batere berri txarra hurrengo hiru urteetan talde laranja errepideetan puntako ibilgailuekin ikusiko dugula jakitea. Honek txirrindularien deskantsuan lagunduko duelakoan naiz eta ondorioz garaipen gehiago lortzen lagun dezakeenaren ustea dut.

Argazkia: http://autobusesyautocares.blogspot.com.es

Eguneraketak: inozentada

Atzo inozentaden eguna izan zen eta nik ere nirea egin nahi izan nuen berri honekin. Inork gutxik sinistu zuelakoan nago eta espero dut barretxoren bat edo beste sortaraziko zizuela.

Elkarrizketa Igor Gonzalez de Galdeanori ETBn

Igor Gonzalez de Galdeano atzo ETBsat-eko “La entrevista” saioan izan zen. Bertan Jose Iturte kazetariak elkarrizketa egin zion batez ere Euskaltel berria izango denaren inguruan.

Garbi dago gaia pil-pilean dagoela. Kontrako jarrerak ageru izanaren arrazoiaz galdetzean Igorrek zalegoak egoera ez ondo ulertzeari egozten dio. Hala bada ardura zati handia beraiena izan dela esango nuke. Ala horrelako aldaketa egin aurretik ez zuten eztabaida sortuko zenik aurrikusi?

Elkarrizketa ikustera gonbidatzen zaituztet. Gero bakoitzak atera ditzala beraien ondorioak.

 

Rabobankek agur esan dio eliteko txirrindularitza babesteari

Rabobank taldeaErrepideko txirrindularitza profesionaleko denboraldia amaitu da baina ez du horregatik protagonismorik galdu. A ze giroa dagoen!

Hibaik artikulu bikain batean Euskaltel berriaren inguruan aritu zitzaigun eta Raulek orain egun gutxi USADAk Armstrongen kasuaren inguruan argitaratutako ebazpenak medioetan sortutako iritzi ezberdinak bildu zizkigun. Bada ebazpen horrek soka luzea dakarrela dirudi.

Iruzkin batean agertzen nuen moduan USADAren ebazpen hori irakurtzen ari naiz. Ez dut oraindik guztia irakurtzerik izan, baina badakit bertan Luis Leon Sanchez txirrindulari murtziarra 2007an, Rabobank taldean hasi aurretik, Ferrari, bizi osorako zigortua izan den medikuarekin aritu zela. Era berean, aste honetan jakin da Barredo asturiarrari espedientea ireki diotela pasaporte biologikoa aurkitutako ezohiko emaitzak tarteko.

Continue reading “Rabobankek agur esan dio eliteko txirrindularitza babesteari”

Euskaltel-Euskadi talde gorria izango da 2013tik aurrera [inozentada]

Dakizuen bezala Euskaltel-Euskadi taldeak 2012. urtera arte zuen ziurtatua Euskaltelen babesa. Egoera horren aurrean, euskal komunikazio zerbitzuen enpresaren erantzunaren zain geratu beharrean, aurrera egin eta beste babesle baten bila aritu dira. Eta lortu ere, lortu dute.

Vodafone izango da 2013tik aurrera eta 3 urtez egun Euskaltel-Euskadi taldea bezala ezagutzen dugun taldearen babeslea. Izen berria Vodafone-Euskadi izango da, eta noski, babesle nagusia Vodafone izanda, talde laranja izatetik talde gorria izatera pasako da. Sofía Rodriguez-Sahagún, Vodafone Españako irudi eta marka zuzendariaren hitzetan, Espainiako Vueltak Euskal Herrian izan duen harrera ona ikusita orain arteko talde laranja gorriz janzteak irudiari kalterik ez diola egingo argi geratu da. Continue reading “Euskaltel-Euskadi talde gorria izango da 2013tik aurrera [inozentada]”

Euskaltel-Euskadik 2011ko Giroan parte hartuko du

Hiru urte eta gero, Euskaltel-Euskadi Italiako Giroan izango da. UCI Pro Tourrean onartua izanarekin batera, hauxe da talde laranjaren inguruan azken asteetako albiste nagusia. Igor González de Galdeanoren esanetan, gaur egungo taldeak ez dauka zerikusirik 2007an azken Giro hartan parte hartu zuenarekin. Taldea askoz helduago ikusten du, bere aukeretaz konfiantza gehiagorekin, Giroan zeresana emateko moduan, azken finean.

Eta albiste honen barrIgor Anton Vueltako podiumeanuan beste albistea, titular handiagoa akaso,  Igor Antonek Giroan parte hartuko duela da. 2005ean, bere debut urtean, joan zen Igor Girora lehenengoz, eta azkenekoz. Urte hartan Giroa ez zegoen bere planetan, baina Alberto López de Munainek lepauztaia hautsi zuen lasterketa baino egun batzuk lehenago, eta arabarraren lekua Antonek bete zuen. Eta nola bete gainera. Lehen astean etapa amaieran zegoen malda labur baina tente baten Paolo Bettini, Damiano Cunego eta Davide Rebellin bezalako txirrindularie gangortu egin zitzaien, eraso kolpe bikain bat jota. Gero atzetik atrapatu egin zuten, baina han gelditu zen txirrindulari txiki eta ezezagun baten agerraldi hura. Gero, normala den moduan, lasterketa luzea eta gogorra egin zitzaion, baina azken astean, etapa erregina ahaztezin hartan, Finestre beldurgarrian lehen 10 kilometroak taldeko buruan egin zituen, Savoldelli, Simoni, Di Luca, Rujano, etabarrekin. Azkenean sailkapena 83º postuan bukatu zuen, eta leher eginda. Taldetik bigarren astean lasterketa uztea proposatu zioten, hain gaztea izanik luzea egingo zitzaiola argudiatuz, baina galdakoztarrak burugogor amaiera arte jarraitu zuen.

Datorren urtean, ordea, beste helburu batekin joango da Girora Igor. Azken Vueltan erakutsi du zenbat hasi den, tropeleko igotzailerik onenetariko bat izatera iristeraino gaur egun. Eta Giroan faboritoa izango da, ezinbestean. Gainera datorren urteko Giroa, antolatzaileen estiloari jarraiki, oso gogorra izango da. Akaso aurtengoa baino gogorragoa. Bada zerbait. Guzti hori gutxi balitz, Mikel Nieve galdakoztarrarekin izango da Torinoko irteeran. Ikusteke dago zein txirrindularirekin osatuko duen taldea Galdeanok, baina bi izen horiekin nire ilusioa piztuta dago dagoeneko. Koldo Fernández eta Urtasun ziurrenik Giroan izango dira. Nire ustez Daniel Sesma edo Miguel Mínguez, Cazaux, Alan Pérez eta Aramendiak irteeran izateko aukera asko dituzte. Oroz nora joango den ikusteke dago, joko asko ematen baitio taldeari parte hartzen duen lasterketa guztietan. Izan ere, Samuel Tourrera joanda, honekin batera Amets, Egoi Martínez, Ruben Pérez eta Gorka Verdugo ziur joango dira Frantziar errepideetara. Romain Sicardi ere ordua iritsi zaiola deritzot. Girora itzulita, Igor Antonen aurkari nagusiei gainbegirada bat emanda, Ivan Basso aipatzea ezinbestekoa da. Azken Giroko irabazlea Liquigas talde indartsu bat atzetik duela joango da. Sylvester Szmyd, Robert Kiserlovski, Valerio Agnoli… talde gizon onak dira duda gabe. Dena den, Nibali ziurrenik ez da joango, aurtengo Vuelta irabazita ziurrenik Tourrean konzentratuko baita, bere txirrindulari karreran beste pausu bat emateko. Dena den, Scarponi, Evans, Vinokourov edo Cunego bezalako txirrindulariak ere irteeran izango dira, ondo bidean.

Euskaltel-Euskadiren datorren urteko denboraldiari gainbegiratu orokor bat emanda, ilusioa izateko arrazoiak badauzkagu. Laburpen azkar bat eginda: Giroan Igor Anton eta Mikel Nieve. Tourrean Samuel Sánchez, Romain Sicard eta Amets Txurruka. Vueltan Igor Antón, Mikel Nieve eta Amets Txurruka. Aurtengo denboraldi aparta hobetuko al du Euskaltel-Euskadik? Igor Antonek Giroan podiuma zapalduko al du? Hala bada, irabazteko moduan ikusten al duzue? Galdera guzti hauen erantzuna, datorren urteko Maiatzean.