“Eta Somarriba eta Iturriagaren ondoren zer?” galdetzen genion zaletuok elkarri Eneritz bere ibilbidearen ilunabarrean zenean. Bagenuen halako kezka bat. Erreferentziazko emakumerik gabe, izango al zuen jarraipenik harrobiak?
Gaur da eguna, galdera hori erantzuna izan dena. Kezkak, itxaropenari tokia utzi diona, Bembimbre-n, Espainiako Txapelketan, maila ederra erakutsi duen belaunaldi berri bati esker. Egia da lehen ere jardun dugula belaunaldi honen bertuteez, baino emaitzen sostengurik gabe, pazientzia eskatuz. Gaur ordea, emaitza jarri digute mahai gainean, espero baino lehenago akaso.
Gaurko etapa amaitzean bolo-bolo zebilen australiarraren izena zaletuen ahotan. Askok lehen aldiz entzun dute gazte honen izena gaur. Ez du etapa irabazi, baina burutu duen erlojupeko borobilak 2. postua lortu eta lidertzan jartzeko balio izan dio, baita goi-mailan bere burua ezagutzera emateko.
(Post hau positiboa jakin aurretik idatzia izan zen, Giroa amaitu aurretik hain zuzen ere)
Nibali eta Wigginsen arteko lehia moduan planteatu da aurtengo Giroa – nire ustez Hesjedal ez da ahaztu behar, baina beno-. Lau etapa besterik ez dira jokatu eta segundoen dantza ikusten hasi gara.