Zer nolako egutegia nahiko zenuke 2017rako?

Urte bukaera eta berriaren hasiera honetan lanean gabiltza 2017ko denboraldia prestatzen. Prestaketa horretan, ordea, zuen iritzia jakin nahi dugu eta horretarako ondorenko galdeketa hau prestatu dugu. Lasai, minutu bateko kontua izango da.

Screen Shot 2016-12-31 at 18.30.50

Eskerrik asko aldez aurretik eta urte berri on guztioi!!!!

Tropelak ere bultzada eman dio euskarari gailurrera bidean

Hemen duzue Puntu Eus fundazioak berriki kaleratu duen bideoa. Bertan euskararen ibilbidea sarean errepasatzen da 1994az geroztik. Buber’s basque page webgunetik hasita, euskal postak, Kaixo.com, Sustatu.com, euskarazko Wikipedia, software librea euskaratzen dabilen Librezale lantaldea, Blogari.net, Blogak.com… eta Tropela!

Asko poztu gara geu ere ibilbide honetan euskararen presentzia sarean indartzen laguntzeaz, eta nola ez, bideo honetako parte izatea gure txirrindulari bereziak ordezkatuta. Izan ere asko eta asko dira euskararen presentzia sarean ere bermatzeko lanean dihardutenak nahiz eta bideoan ez azaldu. Hori bai, guztion elkarlana beharrezkoa izango da aurrean ditugun mendietan gora egiten jarraitzeko. Ea ba euskaldun on moduan mendi hauek ere menderatzeko gai garen!

Kinielen “arrisku maila”

Kinielen arrisku mailaAsteburu honetan konturatuko zineten nola ikur berri bat agertu zaizuen “Nire Tropela” atalean. Beno, “Nire Tropela” atalean eta baita kinielatan bertan ere irudietan erakusten dizuegun moduan. Bada ikur berri hori zuen kinielen arrisku maila da. Baina zer esan nahi du horrek?

Oraindik Beta fasean dagoela esan genezake izan ere doitze prozesu bat burutu nahi dugu zuei erakusten dizuegun zenbaki horrek izatea nahi dugun esanahia egoki adierazi dezan. Eta funtsean erraza da kontzeptua: kinielaren arrisku maila kiniela horrek gainontzeko kiniela guztiekiko duen arriskatze maila adierazten du. Continue reading “Kinielen “arrisku maila””

#109 Tropela podcastak: 2016ko Euskal Herriko Itzulia

Henao eta Joaquim Rodriguez 2015eko ItzulianPost honetan Iban Perezek (@piban), Eneko Garatek (@egarate) eta Egoitz Lizasok (@elizaso) grabatutako podcasta aurki dezakezue. Podcast honetan 2016ko Euskal Herriko Itzulia lehiaketaren kinielari errepasoa egiten diote. Hona hemen jorratu diren gai nagusiak:

– Ez ahaztu, Tropelak 11 urte!!
– Ibilbidea, beti bezalakoa ala gogorragoa?
– Faborito nagusiak, pentsatu baino gutxiago
– Euskaldunak sorpresa emateko prest
– Azkarrak gutxi, oso gutxi
– Eta bai, Laboral Kutxa Saria babestutako sailkapeneko Orbea bizikleta eramateko klabeak podcast honetan aurkituko dituzue ;-)

Tropelak gidatuta, Itzulia eta Emakumeen Bira puntuEUS-era

puntuEUS_itzulia_bira_tropela_20162014etik gabiltza Euskal Herriko Itzuliarekin elkarlanean webgunea eta sare sozialak kudeatzen teknologia berrietara egokitzen laguntzeko asmotan, eta batez ere euskararen presentzia sarean indartzeko intentzioarekin. Aurtengoa hirugarren urtea izango da eta bidea egonkortzen doala dirudi.

Bide horretan eta ikusita Emakumeen Bira ere indarra hartzen ari dela – gogoratu 2017an UCI WorldTour ligako parte izateko dela -, gure esperientziarekin laguntzeko prest gaudenez, aurten kolaborazioan lan egingo dugu Emakumeen Bira eta Tropelak lehen aldiz.

puntuEUS abian jarri zen unetik guk argi genuen bertan izan behar genuela eta horregatik Tropela.net izateari utzi eta Tropela.eus bihurtu ginen. Itzulia eta Emakumeen Birarekin ere berdin egin behar genuelakoan ginen. Hori dela eta itzulia.eus eta emakumeenbira.eus domenuak jarri ditugu martxan, baita klasikoa.eus, Donostiako Klasikoari dagokion domeinua.

Hau guztia dela eta, atzo izan ginen puntuEUS-eko Josu Waliñorekin batera puntuEUS-en kanpaina berriaren aurkezpenean, izan ere apirilaren 1etik 17ra, Itzulia eta Bira ospatzen diren egunetan .EUS domeinuak 15€-tan eskuratu ahalko dira. Horretaz gain Itzuliako eta Birako lehen euskaldunei .EUS domeinu bat oparituko die puntuEUS-ek.

Harro gara, beste behin Tropelan horrelako ekimenak aurrera eramateko laguntzeko gai garela ikusita. Etorkizunean ere berdin jarraitzea espero dugu eta horretan, ez izan zalantzarik, zuen babesa ezinbestekoa zaigu.