#20000baietz kanpaina. Inoizko tropelik handiena Tourrean!!

Gaur hasi eta hurrengo ostirala bitartean, bi egunak barne, #20000baietz kanpaina jarriko dugu martxan. Kanpaina honen bidez Tropelak lehiaketa berean inoizko kiniela kopururik handiena biltzeko asmoa du, 20.000 kiniela. Marka handia da izan ere azken urteetan 18.600tik gora lortu genituen 2016an, eta iaz atarian geratu ginen, 19.770 kinielekin. Lortuko ote dugu erronka? Zuen laguntzarekin seguru baietz!

Asmoa sare sozialetan prestatu ditugun irudiak zabaltzea da #tropela eta #20000baietz etiketekin. Mezuaren edukian nahi duzuena jar dezakezue, beti ere bi etiketa horiek, ondorengo irudietako bat eta tropelaren kontuei aipamena gehituz, guk ere mezuen berri izan dezagun.

**Twitterrerako irudia jaitsi**

**Facebookerako irudia jaitsi**

**Instagramerako irudia jaitsi**

Nola ez, kanpaina parte hartzen duzuen guztion artean #tropelafaktorea kamiseta bat zozketatuko dugu egunero (gogoratu gure dendan eskuragai duzuela). Zozketa hurrengo egunean egingo da eta sarituren berri bai sare sozialetan baita post honetan bertan ere emango dugu. Gogoratu egunero zozketa berri bat izango dela, beraz, egunero har dezakezue parte egunero mezu berri bat zabaltzen baduzue.

Ea ba guztion artean 20.000 kiniela horiek lortzeko gai izaten garen!!

Teknologia berriak eta antolakuntza zaharkituak

Atzo goizean Lokatza Elkarteak aurtengo Gorlako igoerako “Radio Tour” internetez entzun ahal izango dela zabaldu zuen. Hau da, epaile eta lasterketa barruko ibilgailuen artean informazioa zabaltzeko eta lasterketaren egoera zein den jarraitzeko erabiltzen den irrati seinale hori edonork entzun ahal izango duela internet bidez. Inoiz halako seinalerik jarraitu ez duenak ez espero irrati saioen moduko ezer, aspergarria ere izan baitaiteke, seinalea galtzea ohikoa izaten delarik, soinu kaxkarra… baina dudarik gabe, lasterketaren informazioa momentuan jasotzeko biderik zuzenena da. Aurrerapauso bikaina eta txalotu beharreko ekimena teknologia berrien bitartez txirrindularitza jendearengana hurbiltzeko. Continue reading “Teknologia berriak eta antolakuntza zaharkituak”

Euskal Txirrindularitzaren pentsamendu bakarra (2)

Proiektu bateratua amestea zilegi da. Baina eraginkortasunaren aldetik, eta euskal txirrindularitzaren oraingo egoerari zein azken pare bat hamarkadetako hainbat esperientziei begira, proiektu bakar edo bateratu hori agian ez da estrategia zuzenena txirrindularitzaren garapenari dagokionez. Adibide batzuekin azaltzen saiatuko naiz, txirrindularitzan ere, 1+1 askotan ez direlako 2ra ere iristen, batik bat gure herrian.

Eusko Jaurlaritzak Euskal Bizikleta eta Euskal Herriko Itzulia elkartzera bultzatu zituen. Continue reading “Euskal Txirrindularitzaren pentsamendu bakarra (2)”

Itzulia efektua. Nazioartean Basque Country markaren gain duen eragina

Eusko Jaurlaritza buru-belarri dabil Basque Country marka bultzatzen. Nazioartean oihartzuna izatea da helburua, batik bat turismoari begira baina baita gure herrialdea industrializatua, aurreratua eta inbertsioetarako egokia bezala salduz.

Euskal Herria hainbat kontuk egiten dute ezaguna nazioartean eta hortaz gain, inbertsio handiak egiten ari dira hainbat kanpainetan. Baina zerk uste duzue eragiten duela nazioartean interes gehien: Game of Thrones hemen grabatu izanak? Athletic edo Guggenheim efektuak? Gure sukaldari izarrek? Sanferminek? Gure agintariek atzerrira egiten dituzten txangoek? Donostiako Zinemaldiak? Iberdrolaren emaitza ikusgarriek? Continue reading “Itzulia efektua. Nazioartean Basque Country markaren gain duen eragina”

4 urtetako lanaren fruituak

Tropela Elkartea duela 4 urte hasi zen Euskal Herriko Itzuliaren webgunea garatu eta sare sozialak kudeatzen. Kudeaketa honen ezaugarrietako bat Itzulia marka edo izenaren zentralitatea izan da.

Horren arrazoia ez da bakarra izan. Alde batetik, ukaezina da Tropelak euskara bultzatzeko eginiko apustua, baina bestetik, ez da ahaztu behar txirrindularitza lasterketen artean lehia gogorra dagoen honetan, guztiak ari direla nazioarteko jarraitzaileen arreta piztu nahian. Horretarako estrategia bat ari da nagusitzen. Proba hori egutegian “bakarra” dela azpimarratzea, ez dagoela horrelako besterik. Horretarako ibilbideen berezitasunak, zaleenak, lasterketen historia eta aintzinekotasuna etab. azpimarratzen dira, baina baita izen propio bat erabili ere. Nolabait esateko, lasterketa guztiek saldu nahi dute identitate edo nortasun propioa dutela, batik bat historia luzea edo ezaugarri oso bereziak dituztenek. Continue reading “4 urtetako lanaren fruituak”