Iritzia – 145 orrialdea – Tropela.eus bloga

Bigarrenez, Tourreko garaileak ingelesez hitz egiten du

Jada nahiko garbi geratu zen Wigginsek aurtengo Tourra irabaziko zuela. Hala ere, onenek historian egin izan duten moduan, azken erlojuaren kontrako saioa irabazita amaitu du Wigginsek. Eta zein alderekin gainera: 1:16rekin. Bigarren, nola ez, bere taldekidea den Froome.

Bi Skyko liderrak, beraz, lehen bi postuetan. Gaurko erlojuaren kontrako saioarekin Wigginsek lider zergatik izan den erakutsi du, nahiz eta eztabaidarako aukera izan den Froome indartsuago ikusi baitugu mendiko etapetan. Azkenean 3:21eko denbora tartea izanik bien artean, Skyren aukera zuzena izan delakoan naiz aurtengo ibilbidea kontutan izanda. Hurrengo urtean, ordea, gauzak ezberdin izango direlakoan naiz.

Continue reading “Bigarrenez, Tourreko garaileak ingelesez hitz egiten du”

Ortzadarrak hegoak eman dizkio (eta Londresera begira jarri da)

Azken urteetan ortzadarren maillotaren begizkoa amaitutzat eman da. Iaz Hushovd norvegiarrak Tourrean etapa garaipenak lortu zituen (eta sailkapen nagusiaren buru egon zen astebetez). Aurten Cavendish-en txanda izan da. Etapa pare batekin gutxienez joango da Londresko Olinpiar jokoetara.

Abiadura handia gaurko 222 km-ko etapan. Pirinioak eta biharko erlojuz kontrakoaren bitarteko etapa eta trantsiziozkoa izan zitekeena. Txirrindulariek lasai hartu zezaketen eguna, baina ez da horrela gertatu.Tropel nagusiak ez dio baimenik eman eguneko ihesaldiari garaipena lehiatzen eta horren ondorioz bakerik ez da egon gaurkoan. Continue reading “Ortzadarrak hegoak eman dizkio (eta Londresera begira jarri da)”

#67 Tropela.net podcastak: Frantziko Tourra 2012. Bigarren asteari errepasoa

Frantziako Tourreko bigarren asteari errepasoa egiten diote podcast honetan Eneko Garate (@egarate), Iban Perez (@piban) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Skyren nagusitasuna Alpeetako etapa nagusietan. Nor da taldeburua, Wiggins ala Froome?
– Euskal txirrindulariak: Egoi Martinez eta Gorka Izagirre etapen lehian, eta Haimar Zubeldia sailkapen nagusiari begira.
– Sailkapen ezberdinei errepasoa.
– Gaur jakin den Frank Schlecken ez negatiboa.
– Geratzen diren bost etapei begirada.

Froomek leial izango dela adierazi du

Asko aipatzen ari da aurtengo edizioan Wigginsen arerioa etxean duela eta hori Froome dela. Alpeetan indartsuago zegoela erakutsi zuen Kenian jaiotako txirrindulari britainiarrak, baina taldeburua Wiggins dela ziurtatzen du. Taldearen estrategia Wiggins maillot horiz Pariseraino mantentzea dela dio eta berak horretarako lan egingo duela.

Era berean, ordea, ez du guztiz baztertzen Pirinioetan Wiggins ezinak jota ibiltzen bada berak taldearen alde ardura hartzea. Ez dut uste egoera horretaraino iritsi daitekeenik kontua, baina auskalo! Continue reading “Froomek leial izango dela adierazi du”

David Millarrentzat etapa Luxenburgon extralurtarrak hartu zuen urteurrenean

Atzokoan 2012ko Frantziako Tourreko 12. etapa Millar britainiarrarentzat izan zen, beste lau lagunekin ihesean aritu ostean. Ihesean Peraud (AG2R), Gautier (Europcar), Kiserlovski (Astana) eta Egoi Martinez (Euskaltel) izan zituen kide. Urte honetako etaparik luzeena Saint-Jan-de-Maurienne eta Annonay Dazévieux artekoa.

Etapa hasiera bizia joan zen, zailtasunik handienak bertan baitzituzten. Bazirudien boskoteari lagun gehiago gehituko zizkiola atzetik. Jazarpenean zihoan taldetxo horretan Sagan zegoen beste bi taldekiderekin baina azkenean talde hori tropelak irentsi zuen. Orduan aurretik zihoazenek hamar minutu baino gehiagoko abantaila hartu zuten. Continue reading “David Millarrentzat etapa Luxenburgon extralurtarrak hartu zuen urteurrenean”