Hilabetekako Artxiboak:otsaila 2018

Txomin Juaristi: “Euskal Herrian maila ona ikusten dot”

>>Estreineko denboraldi hasieran, maila onean aritu da 22 urteko Markinarra<<

Badirudi Euskal Herriko txirrindularitza berpizten ari dela. Euskaltel taldearen agurraren ostean, gazteek goi mailako lasterketa batzuetan egoteko aukera dute bai Euskadi Basque Country Murias (Profesional Continental) eta Euskadi Fundazioaren (Continental) eskutik. Bigarren hau azken urteetan afizionatu mailan igaro ondoren, aurrera pausoa eman du Mikel Landaren laguntzarekin.

Laranja kolorea bereganatuz, Fundazioaren 25. urtean, Jorge Azanzak zuzentzen duen Euskadik iazko gazteetako sei txirrindulariekin eta beste hainbat fitxaketekin aurre egin dio erronka honi. Horietako bat dugu 2018 arte areriotzat zuten, Txomin Juaristi igotzaile Markinarra. Baqué BH-n ibilitako gazteak debut itzela izan du Mallorca-ko Challengeean eta Andaluziako Itzulian protagonista izanda. “Oso gustora na zelako hasieri euki duten tenporadan, pare bat eskapada harrapatu dut, nire burua ezagutu det ta ezin nau kejau” dio Palman Mendiko sariko eta konbinatuko garaileak. Continue reading “Txomin Juaristi: “Euskal Herrian maila ona ikusten dot””

Biziberrituta

Beste bat dirudi Elia Viviani italiarrak. Baina bera ez da aldatu, soilik taldea aldatu du. Skyren maillota erantzi eta Quick Stepena jantzi duenetik biziberrituta dabil Isola della Scala herrian jaiotakoa txirrindularia. Duen abilezia agerian utzi du sasoi hasieran eman dioten konfiantza eskertzeko. Pistan lorturiko emaitza paregabeak errepidean berdintzeko gogorik ez zaio falta. Continue reading “Biziberrituta”

Kigaliko enbaxadorea

Txirrindularitzaren garapenak eta profesionalizazioak gauza on eta ez hain onak ekarri ditu. Ontasunen artean bada bat azpimarratzekoa dena. Munduko txoko desberdinetan lehiatzen diren lasterketa gero eta gehiago ezagutzen ditugu. Horren ondorio da Ruandako itzuliak izandako oihartzuna. Kigaliko aldapatzarrari esker egin da, batez ere, ezaguna. Roubaixeko harbideak Anglirun jarriko balira, Kigaliko hormaren antza izango luke.

Joseph Areruya (Dimension Data for Qhubeka) gaztea izan zen itzuliko irabazlea. Halere, hamaikagarren sailkatu zen Kigaliko aldapan. Beste gazte bat izan lehena helmugan; Valens Ndayisenga, 2016ko sailkapen nagusia eskuratu zuena. Areruyaren lorpena ez zen oharkabean igaro. Izan ere, hilabete batzuk lehenago 23 urtez azpiko Italiako Giroan garaipen historikoa lortu zuen. Continue reading “Kigaliko enbaxadorea”

Van Aert historia egiten 3. ortzadar maillota jarraian irabaziz

Astakeria bat dirudi idatziko dudanak, baina sorpresa bat izan da gaur Wout van Aert belgikarrak irabaztea Munduko ziklo-kros txapelketa. Sorpresa erlatiboa noski, aurreko bi urteetan ere bera izan baizen garailea, baina faborito nagusia Mathieu van der Poel genuen. Ostiralean idazten genuen 26 lasterketa irabazita eta Munduko Kopa eta Europa Txapelketak irabazita aurkezten zela irteerako lerroan 23 urteko gazte nederlandarra. Continue reading “Van Aert historia egiten 3. ortzadar maillota jarraian irabaziz”

Asteburu honetan lehiatzen da ziklo-kroseko Munduko Txapelketa

Iritsi da ziklo-kros denboraldiaren urteko gailurra. Asteburu honetan, Herbehereetako Valkenburg herrian lehiatuko dira munduko onenak ortzadar maillotaren bila. Ezaguna egingo zaizue seguraski Limburg eskualdean dagoen herri honen izena. Bertan lehiatzen da Amstel Gold Race, bertan antolatu zuten errepideko Munduko Txapelketa 2012an (Philippe Gilbert izan genuen munduko txapeldun) eta Cauberg muinoagatik ezaguna den paraje hauetako belardietan ospatuko da aurtengoan ziklo-kros mundiala ere.

Eta aurtengoan izen bat guztien gainetik, Mathieu van der Poel. Denboraldi ikaragarria egin du, errekorrak lehertuz eta bera da hautagai nagusia. 7 Munduko Kopako proba poltsikoratu ditu, Europako eta Herbehereetako txapelketak eta guztira 26 lasterketa irabazita daramatza aurtengo denboraldian. Bai, ongi irakurri duzue, 26 lasterketa irailean lehiatzen eta irabazten hasi zenetik. Aurre egin diezaiokeen bakarra azken bi urtetako munduko txapeldun Wout van Aert belgikarra da, azken Munduko Kopako frogan erakutsi zuenez hain urruti ere ez baitabil. Baina kosta behar zaio oraindik 23 urte bete berriak dituen van der Poel gazteari aurrea hartzen.

Emakumezkoetan, aldiz, askoz lehia irekiagoa ikusiko dugu. Faborito nagusia, baina Sanne Cant dugu, Munduko Kopako garailea eta iaz Bielesen lortutako garaipenaren ondoren denboraldi osoan ortzadar maillota luzitu duen belgikarra.

Euskaldunei dagokienez, lau izango ditugu irteeran. Elite gizonezkoetan Aitor Hernandez eta Javier Ruiz de Larrinaga. Emakumezko eliteen artean Olatz Odriozola eta 23 urtez azpikoetan Luisa Ibarrola. Beraien inguruko erreportaia polita utzi digute gaur Berrian, ez gara luzatuko beraz.

Honakoa da asteburuko programa:

Larunbata

11:00  Junior gizonezkoak
13:00  23 urtez azpiko emakumezkoak
15:00  Elite emakumezkoak

Igandea

11:00 23 urtez azpiko gizonezkoak
15:00 Elite gizonezkoak