Etiketa Artxiboak:Nibali

Aurre analisia: 11. etapa: Pau/Cauterets (188 km)

etapa 11Atzoko etaparen ostean, hona hemen Pirinioetako bigarren etapa handia. Hurrengo etapa benetan etapa mendatetsua izanik eta ibilbidearen ezaugarriak ikusirik, ihesaldi batek aukera bikaina izan dezake helmugara iristeko. Hasiera hasieratik ihesaldi indartsu bat antolatzeko aukera egongo da eta txirrindulari arriskutsu bat sartu ezean, ez dugu uste SKY-k intentzio handirik izango duenik ihesaldia zapuzteko.

Lehen mendate serioa, Col d’Aspin izango da, 12 km 6,5%ko 1º mailako mendatea. Gaina helmugatik 50 km-tara dagoenez, ihesaldiak bertan lor dezake abantaila. Sailkapenean urrun dauden igotzaile politek ihesaldia harrapatzeko helburuarekin irtengo direnez, goi mailako ihesaldi bat espero dugu. Gerora, aski ezaguna den Tourmalet (17,1 km 7,3%) handia igo beharko dute txirrindulariak, etapa garaipenaren jokoan epaile bihurtuko den mendate gogorra (Hors Category), goranzkoan ez bada, beheranzkoan. Tourmalet gaina helmugatik 40 km-tara pasako dute, gerora jeitsiera luzea izango dutelarik (31 km), Cautereteko (6,4 km, 5%) azken 7 km-ak egin arte. Continue reading “Aurre analisia: 11. etapa: Pau/Cauterets (188 km)”

Bi handiak

Pare bat hilabete pasa dira urteko zita garrantzitsuena den Frantziako Tourrera begira itzuli handietako lau handien prestaketa nola zihoan aztertu genuenetik. Ordura arterakoan Quintana zen beharbada emaitza onenak zituenak, eta Contador berriz exkaxenekin zena. Bi hilabete hauetan ordea gauzak aldatu dira, majo gainera.

Pintoko txirrindulariak Giroa irabazi du, bere bigarrena, guztira bere zazpigarren itzuli handia izan dena. Marka itzela dudarik gabe.

Continue reading “Bi handiak”

Nolakoa izango da aurtengo Tourreko hautagai nagusien multzoa?

4 izugarriak

Tourra badatorrela antzematen dugu egun hauetan eta halaxe iragarri du Suitzako Tourra ETB-ek ere, Tourra prestatzeko txirrindulariek erabiltzen duten test moduko lasterketa, Froomek irabazi berri duen Dauphineko Kriteriumaren moduan.

Tourraren usaia dugu gure sudurreko mintzetan dagoeneko. Horren isla Tropelan egun gutxi barru Tourreko lehiaketarako kiniela egiteko epea irekiko dela da. Gogoz izango zarete, ezta? Baita neu ere!!

Ez nuen post hau idazteko asmorik baina yves77-k idatzi duen iruzkina eta gero animatu egin naiz. Nolako kiniela prestatuko ote du Tropelak 2015erako Tourrerako? Hautagai nagusien multzoan zenbat txirrindulari eta zein izango dira? Zenbat aukeratu beharko dira?

Continue reading “Nolakoa izango da aurtengo Tourreko hautagai nagusien multzoa?”

Uztaila begi bistan, erantzun bila Suitzara eta Italiara

Uztailak 4ean hasiko da Utrecht-en Frantziako Tourra. Zalantzarik gabe, urteko zita garrantzitsuena. Eta iadanik begiak han ditugu askok. Pariseko kaxa gorenean izateko 4 izar nagusietako 3k urteko prestaketa guztia lasterketa horren inguruan moldatu dute: Nibali, Froome eta Quintana. Laugarrena, Contador, hemendik 10 egunera hasiko den Giroan izango da. Ez dakigu, ordea, prestaketa moduan soilik ala %100ean lehiatzekotan.

Ez da ari izaten ametsetako urtea lau hauentzat. Arrazoi bat ala beste, prestaketa ez doa beraien nahi bezain egoki. Ikusi dezagun bakoitzaren ibilbidea… Continue reading “Uztaila begi bistan, erantzun bila Suitzara eta Italiara”

Quintana itzuli da

bettiniphoto_0202012_1_full_670-1
Kolonbiar txikiak Tirreno-Adriatikoa astebeteko itzuliaren edizio berri bat gaineratu du. Larunbateko etapan, Terminillon elurpean amaitu zena, erakustaldi eman ostean Movistar taldeko 2015ko Frantziako Tourreko lider eta hautagaia mahai gainean kolpe sendo bat eman du.

San Luis-eko itzulian ezin izan zion Dani Diaz argentinarrari aurre egin. Kolonbiako txapelketan ere eroria izan zuen eta horrek planak eraldatu zizkion – arrazoi horregatik Andaluziako Itzulian ez zen egon. Zertarako gai zen askok ez zekiten. Begi bistan geratu da: Quintana on bat ikus dezakegu 2015 honetan.

Iaz, Contadorrek izugarrizko erakustaldia eman zuen itzuli berdinean. Sekulako erakustaldia eramanez poltsikoratu zuen Neptunoren hiruhortza sari bezala duen lasterketa. Uztailean berriz gogotsu ikusi arren, eroriko batek bere helburu nagusiaren borrokatik at utzi zuen (hala ere urtea ondo amaitzea lortu zuen Vuelta bereganatuz).

Buruhausteak besterik ez digute emango lau handiek kinielak egiterakoan (Nibali –Astana-, Contador –Tinkoff-Saxo-, Quintana –Movistar– eta Froome –Sky). Italiarrak iaz bezala pattal hasi du urtea baina Italiako txapelketaraino ez zuen bere gaitasunaren berririk eman. Madrildarra maila onean dago, baina ez dago iaz bezain sasoitsu edo gutxienez ez da hain erraz gailentzen besteekiko. Kolonbiarra ikusi dugu zertarako gai den eta Kenian hazitako Britainiarrak Andaluzian sekulako sasoia erakutsi zuen Contador oso on bati garaituz baina azken orduko osasun arazoek bi itsasoetako lasterketan ez parte hartzera bueltatu dute.

Zer egingo dugu? Ez dakit. Ziur daukadan bakarra: izango dugu aukera disfrutatzeko txirrindularitza onaz eta urteko zita oso garrantzitsuez (Milan San Remo igande honetan, Euskal Herriko Itzulia, Ardeenetako Hirukoa eta Roubaix apirilean…). Kinielako txapelketa klabeak iritsi arte puntu pilaketa handiak (edo galerak) izateko badaukagu zer gozatuaz.

Argazkia: cyclingnews.com