Quintanaren erakustaldia denboraldi hasieran

Gaur jokatu da Tour de La Provenceko etapa erregina, 3. etapa. Bertan Mont Ventoux handian zuten helmuga. Kolonbiarrak etapa eta lidergoa eskuratu ditu igoera amaitzeko 7 km-ren faltan jotako erasoari esker. Astanako “motorrek”, lider zen Vlasov eta Lutsenkok (AST), eta Carthyk (EF1) osatzen zuten hiruko tropeltxoa ere ez da gai izan tarterik murrizteko.

Vlasov ezezagun bat genuen lider maillotaz gaurko etapan. Astanak bazirudien kontrolpean zuela lasterketa, baina ezustean, lehengo Quintana (ARK) bat azaldu zaigu. Eraso erabakigarri bat jo eta tartean handituz – 1’28″ko tartea bigarrenarekiko helmugan! – harri eta zur utzi gaitu. Ni behintzat bai eta ez naiz bakarra izan gure Tropelako Telegram taldean ikusi dugun moduan. Pentsa, lasterketa egoera eta erreferentziak gaizki hartuak izan badaitezke ere, diote igoeraren errekor berria ezarri duela Quintanak Pantanira berarena ere hobetuz.

Ez atera lekuz nire hitzak. Ez dut dopin kontuekin lotzerik nahi, datua bera dena baita. Norberak bere iritzia izango du. Nik garbi dudana da talde aldaketak itxura batean mesede egin diola Quintanari eta aurtengo Tourrari begira Quintanak lanak txukun egin dituela dirudiela, bai behintzat gaur arte.

#383 Tropela.eus podcastak: 2019ko Espainiako Vuelta errepasoa – 20. etapa

Pogacar (UAD) gazteak erakustaldia eman zuen

Espainiako Vueltako azken aurreko etapan erakustaldia Pogacar (UAD) gazteak eman zuen. Urrutitik erasoa jo eta errentan Vuelta irabazi duen Roglic (TJV) eta bigarren amaitu duen Valverderi (MOV) minutu t’erdiko tartea atera zien. Quintana (MOV) eta Lopezi (AST) denbora gehiago, nahikoa podiumeko postuan sartzeko eta gazterik onena izateko aldi berean.

Etapak eman zuenaren inguruko podcasta duzue hau entzungai Egoitz Lizasoren (@elizaso) ahotsean.

Podcastera harpidetu

#381 Tropela.eus podcastak: 2019ko Espainiako Vuelta errepasoa – 18. etapa

Higuita (EF1) gazte kolonbiarrak lortu du etapa garaipena

Azken atseden egunaren ondoren, Madrileko komunitatean jokatu da Espainiako Vueltako 18. etapa. Azken aurreko testa zuten sailkapen nagusiko txirrindulariek eta Lopezek (AST) aprobetxatu duela esan genezake. Hori bai, eguneko ihesaldian sartuta, Higuita (EF1) gazte kolonbiarrak etapa garaipen bikaina lortu du ia 40 km inguru bakarrik eginda. Atzetik helmugaratu dira Roglic (TJV) liderra, Valverde (MOV), Majka (BOH) eta Lopez (AST). Azken honek Pogacarrek (UAD) azken igoeran erritmoari eutsi ezinda izan dela ikusita, postu bat egin du aurrera eta gazteen sailkapenean lider jarri da. Quintanak (MOV) postu bat atzera egin arren ere, podiumean jarraitzen du.

Hau eta hurrengo etapak eman dezakeenaren inguruko podcasta duzue entzungai Egoitz Lizasoren (@elizaso) eskutik.

Podcastera harpidetu

#371 Tropela.eus podcastak: 2019ko Espainiako Vuelta errepasoa – 8. eta 9. etapak

Pogacarrek (TBM) irabazi du Vueltako etapa erregina

Atzokoan Espainiako Vueltako 8. etapa jokatu zen. Ihesaldiak izan zuen protagonismoa eta bertako azkarrena helmugan Arndt (SUN) izan zen. Hori gutxi izan bazen, ihesaldian zen Edetek (COF) izan zuten errentari esker maillot gorria jantzi zuen.

Gaurkoan Vueltako 9. etapa jokatu da, etapa erregina. Protagonismo handiagoa eguraldiak izan du izan ere kazkabarra izan dute txirrindulariek. Horrenbestekoa izan da ekaitza TVEkoek seinalea ere galdu dutela. Ihesaldia izan bada ere, azkenean gizonik indartsuenen tropeltxoan Pogacarrek (TBM) lortu du etapa garaipena eta Movistarrek lidergoa eskuratzea, kasu honetan Quintanaren (MOV) eskutik.

Hau eta gehiago kontatzen du Egoitz Lizasoko (@elizaso) podcast honetan.

Podcastera harpidetu